''ਬਿੱਗ ਬੌਸ'' ਤੋਂ ਚਮਕੀ ਜੈਸਮੀਨ ਭਸੀਨ ਦੀ ਕਿਸਮਤ, ਹੱਥ ਲੱਗੇ ਕਈ ਵੱਡੇ ਪ੍ਰਾਜੈਕਟ

ਮੁੰਬਈ (ਬਿਊਰੋ) - ਅਦਾਕਾਰਾ ਜੈਸਮੀਨ ਭਸੀਨ ਟੀ. ਵੀ. ਦੀਆਂ ਉਨ੍ਹਾਂ ਅਦਾਕਾਰਾਂ 'ਚੋਂ ਹੈ, ਜਿਨ੍ਹਾਂ ਦੀ ਕਿਸਮਤ 'ਬਿੱਗ ਬੌਸ' ਦੇ ਘਰ 'ਚ ਜਾਣ ਤੋਂ ਬਾਅਦ ਚਮਕੀ ਹੈ। ਰਿਐਲਿਟੀ ਟੀ. ਵੀ. 'ਬਿੱਗ ਬੌਸ' 'ਚ ਹਿੱਸਾ ਲੈਣ ਤੋਂ ਬਾਅਦ ਜੈਸਮੀਨ ਭਸੀਨ ਦੀ ਪਾਪੂਲੈਰਿਟੀ 'ਚ ਰਾਤੋਂ-ਰਾਤ ਵਾਧਾ ਹੋਇਆ ਸੀ। ਜੈਸਮੀਨ ਕੋਲ ਕੰਮ ਦੀ ਕੋਈ ਕਮੀ ਨਹੀਂ ਹੈ।

'ਬਿੱਗ ਬੌਸ' ਤੋਂ ਆਉਣ ਤੋਂ ਬਾਅਦ ਜੈਸਮੀਨ ਕਾਫ਼ੀ ਬਿਜ਼ੀ ਹੈ ਅਤੇ ਕਈ ਮਿਊਜ਼ਿਕ ਵੀਡੀਓਜ਼ 'ਚ ਵੀ ਨਜ਼ਰ ਆ ਚੁੱਕੀ ਹੈ ਪਰ ਇਸੇ ਦੌਰਾਨ ਹੀ ਇੱਕ ਖ਼ਬਰ ਆ ਰਹੀ ਹੈ ਕਿ ਜੈਸਮੀਨ ਭਸੀਨ ਬਾਲੀਵੁੱਡ ਅਤੇ ਓਟੀਟੀ ਦੀ ਦੁਨੀਆ 'ਚ ਕਦਮ ਰੱਖਣ ਲਈ ਤਿਆਰੀ ਕਰ ਰਹੀ ਹੈ। ਜੈਸਮੀਨ ਨੇ ਖ਼ੁਦ ਇਸ ਗੱਲ ਵੱਲ ਇਸ਼ਾਰਾ ਕੀਤਾ ਹੈ। 

ਇੱਕ ਇੰਟਰਵਿਊ ਦੌਰਾਨ ਜੈਸਮੀਨ ਭਸੀਨ ਨੇ ਦੱਸਿਆ ਕੀ, "ਮੈਨੂੰ ਅਤੇ ਅਲੀ ਗੋਨੀ ਨੂੰ ਬਹੁਤ ਆਫ਼ਰ ਆ ਰਹੇ ਹਨ, ਮੈਂ ਕਈ ਮਿਊਜ਼ਿਕ ਵੀਡੀਓਜ਼ 'ਚ ਕੰਮ ਕਰ ਚੁੱਕੀ ਹਾਂ। ਮੈਂ ਕਦੇ ਸੋਚਿਆ ਨਹੀਂ ਸੀ ਕਿ ਮੈਂ ਕਦੇ ਮਿਊਜ਼ਿਕ ਵੀਡੀਓਜ਼ 'ਚ ਕੰਮ ਕਰਾਂਗੀ।'' ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਕਿਹਾ ਕਿ ਹੁਣ ਮੈਨੂੰ ਕਈ ਫ਼ਿਲਮਾਂ, ਵੈੱਬ ਸੀਰੀਜ਼ ਅਤੇ ਟੀ. ਵੀ. ਸੀਰੀਅਲ ਦੇ ਆਫ਼ਰ ਮਿਲ ਰਹੇ ਹਨ ਅਤੇ ਮੈਨੂੰ ਖੁਸੀਂ ਹੈ ਕੀ ਮੈਨੂੰ ਮਿਊਜ਼ਿਕ ਵੀਡੀਓ 'ਚ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ।

ਦੱਸ ਦਈਏ ਕੀ ਕੁਝ ਸਮਾਂ ਪਹਿਲਾਂ ਹੀ ਜੈਸਮੀਨ ਭਸੀਨ ਅਤੇ ਅਲੀ ਗੋਨੀ ਇੱਕ ਤੋਂ ਬਾਅਦ ਇੱਕ ਮਿਊਜ਼ਿਕ ਵੀਡੀਓ 'ਤੂੰ ਵੀ ਸਤਾਇਆ ਜਾਵੇਗਾ' ਰਿਲੀਜ਼ ਕੀਤਾ ਗਿਆ ਸੀ। ਇਨ੍ਹਾਂ ਦੇ ਇਸ ਗੀਤ ਨੇ ਸੋਸ਼ਲ ਮੀਡੀਆ 'ਤੇ ਤਹਿਲਕਾ ਮਚਾਇਆ ਹੋਇਆ ਹੈ। ਇਸ ਗੀਤ 'ਚ ਜੈਸਮੀਨ ਨਾਲ ਅਲੀ ਗੋਨੀ ਨਜ਼ਰ ਆ ਰਿਹਾ ਹੈ।