ਜਸਬੀਰ ਜੱਸੀ ਨੇ ਕੰਗਨਾ ਨੂੰ ਦੱਸਿਆ ਨਕਲੀ ‘ਝਾਂਸੀ ਦੀ ਰਾਣੀ’, ਸ਼੍ਰੀ ਬਰਾੜ ਦਾ ਸਮਰਥਨ ਕਰਦਿਆਂ ਆਖੀ ਇਹ ਗੱਲ
01/13/2021 2:58:49 PM
ਚੰਡੀਗੜ੍ਹ (ਬਿਊਰੋ)– ਪੰਜਾਬੀ ਗਾਇਕ ਜਸਬੀਰ ਜੱਸੀ ਸੋਸ਼ਲ ਮੀਡੀਆ ’ਤੇ ਬੇਹੱਦ ਸਰਗਰਮ ਰਹਿੰਦੇ ਹਨ। ਜਸਬੀਰ ਜੱਸੀ ਨੇ ਬੀਤੇ ਦਿਨੀਂ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨੂੰ ਲੈ ਕੇ ਟਿੱਪਣੀ ਕੀਤੀ ਹੈ, ਜੋ ਖੂਬ ਵਾਇਰਲ ਹੋ ਰਹੀ ਹੈ।
ਕੰਗਨਾ ਬਾਰੇ ਟਵੀਟ ਕਰਦਿਆਂ ਜਸਬੀਰ ਜੱਸੀ ਲਿਖਦੇ ਹਨ, ‘ਨਕਲੀ ਝਾਂਸੀ ਦੀ ਰਾਣੀ ਕੰਗਨਾ ਰਨਆਊਟ ਨੇ ਅੱਜੇ ਤਕ ਵੀਡੀਓ ਨਹੀਂ ਬਣਾਈ ਜੱਜ ਸਾਹਿਬ ਦੇ ਕੁਮੈਂਟ ’ਤੇ।’
नकली झांसी की रानी कँगना रनआउट ने अभी तक वीडियो नहीं बनाया जज साहेब के कमेंट पर। 🤔 https://t.co/k8kuMcYG9Q
— Jassi (@JJassiOfficial) January 12, 2021
ਜਸਬੀਰ ਜੱਸੀ ਦਾ ਇਸ ਟਵੀਟ ਰਾਹੀਂ ਇਸ਼ਾਰਾ ਸੁਪਰੀਮ ਕੋਰਟ ਦੇ ਉਸ ਫ਼ੈਸਲੇ ’ਤੇ ਹੈ, ਜਿਸ ’ਚ ਉਨ੍ਹਾਂ ਖੇਤੀ ਕਾਨੂੰਨਾਂ ’ਤੇ ਰੋਕ ਲਗਾਉਣ ਦਾ ਹੁਕਮ ਦਿੱਤਾ ਹੈ। ਇਸ ’ਤੇ ਅਜੇ ਤਕ ਕੰਗਨਾ ਰਣੌਤ ਵਲੋਂ ਕੁਝ ਵੀ ਨਾ ਬੋਲਣ ਦੇ ਚਲਦਿਆਂ ਜਸਬੀਰ ਜੱਸੀ ਨੇ ਇਹ ਟਵੀਟ ਕੀਤਾ ਹੈ। ਨਾਲ ਹੀ ਜਸਬੀਰ ਜੱਸੀ ਨੇ ਕੰਗਨਾ ਰਣੌਤ ਨੂੰ ‘ਕੰਗਨਾ ਰਨਆਊਟ’ ਲਿਖਿਆ ਹੈ।
ਸਿਰਫ ਇਹੀ ਨਹੀਂ ਜਸਬੀਰ ਜੱਸੀ ਨੇ ਅੱਜ ਸ਼੍ਰੀ ਬਰਾੜ ਦਾ ਸਮਰਥਨ ਕਰਦਿਆਂ ਵੀ ਇਕ ਟਵੀਟ ਕੀਤਾ ਹੈ। ਸ਼੍ਰੀ ਬਰਾੜ ਦਾ ਸਮਰਥਨ ਕਰਦਿਆਂ ਜਸਬੀਰ ਜੱਸੀ ਲਿਖਦੇ ਹਨ, ‘ਮੈਂ ਅੱਜ ਸਵੇਰ ਤੋਂ ਯੂਟਿਊਬ ’ਤੇ ਰੈਂਡਮ ਪੰਜਾਬੀ ਗੀਤ ਸੁਣ ਰਿਹਾ ਹਾਂ। ਹਰ ਦੂਜਾ ਗੀਤ ਜਾਂ ਤਾਂ ਹਿੰਸਾ ਨੂੰ ਜਾਂ ਗੰਨ ਕਲਚਰ ਨੂੰ ਜਾਂ ਦਾਰੂ ਨੂੰ ਜਾਂ ਨਕਲੀ ਸ਼ੋਅ-ਆਫ ਨੂੰ ਪ੍ਰੋਮੋਟ ਕਰਨ ਵਾਲਾ ਗੀਤ ਹੈ। ਫਿਰ ਕਾਰਵਾਈ ਸਿਰਫ ਸ਼੍ਰੀ ਬਰਾੜ ’ਤੇ ਹੀ ਕਿਉਂ? ਬਾਕੀ ਦੇ ਗਾਇਕਾਂ, ਲੇਖਕਾਂ, ਮਿਊਜ਼ਿਕ ਕੰਪਨੀਆਂ ਦੇ ਮਾਲਕਾਂ ’ਤੇ ਕਿਉਂ ਨਹੀਂ?’
मैं आज सुबह से यूट्यूब पर रेण्डम पंजाबी गाने सुन रहा हूँ, हर दूसरा गाना या तो वॉयलेंस को, या गन कल्चर को, या दारू को, या नकली शो-ऑफ़ को प्रोमोट करने वाला गाना है।
— Jassi (@JJassiOfficial) January 13, 2021
फिर कारवाई सिर्फ़ #sribrar पर ही क्यों ? बाकी के गायकों,लेखकों, म्यूजिक कंपनियों के मालिकों पर क्यों नही ?
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।