ਸਵਰਾ ਭਾਸਕਰ ਨੂੰ ਬਜ਼ੁਰਗ ਨਾਲ ਕੀਤੀ ਕੁੱਟਮਾਰ ‘ਤੇ ਪ੍ਰਤੀਕਿਰਿਆ ਦੇਣੀ ਪਣੀ ਮਹਿੰਗੀ, ਹੋ ਰਹੀ ਹੈ ਟਰੋਲ

ਮੁੰਬਈ-ਅਦਾਕਾਰਾ ਸਵਰਾ ਭਾਸਕਰ ਆਪਣੀ ਬਿਆਨਬਾਜ਼ੀ ਨੂੰ ਲੈ ਕੇ ਹਮੇਸ਼ਾ ਚਰਚਾ ਵਿੱਚ ਰਹਿੰਦੀ ਹੈ। ਹਾਲ ਹੀ ਵਿੱਚ ਉਹਨਾਂ ਨੇ ਗਾਜ਼ੀਆਬਾਦ ਦੀ ਘਟਨਾ 'ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ। ਜਿਸ ਨੂੰ ਲੈ ਕੇ ਉਹ ਟਰੋਲਰ ਦੇ ਨਿਸ਼ਾਨੇ ਤੇ ਆ ਗਈ ਹੈ।

ਦਰਅਸਲ ਉੱਤਰ ਪ੍ਰਦੇਸ਼ ਦੇ ਗਾਜ਼ੀਆਬਾਦ ਜ਼ਿਲੇ ਦੇ ਲੋਨੀ ਵਿਚ ਇਕ ਬਜ਼ੁਰਗ ਵਿਅਕਤੀ ਦੀ ਕੁੱਟਮਾਰ ਅਤੇ ਦਾੜ੍ਹੀ ਕੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਕ ਆਟੋ ਚਾਲਕ ਅਤੇ ਹੋਰ ਨੌਜਵਾਨਾਂ ਨੇ ਇਸ ਘਟਨਾ ਨੂੰ ਅੰਜਾਮ ਦਿੱਤਾ ਹੈ। ਹਾਲਾਂਕਿ ਪੁਲਸ ਨੇ ਇਸ ਮਾਮਲੇ ਵਿਚ ਐੱਫ.ਆਈ.ਆਰ ਦਰਜ ਕਰਕੇ ਕੁਝ ਲੋਕਾਂ ਨੂੰ ਗ੍ਰਿਫ਼ਤਾਰ ਵੀ ਕੀਤਾ ਹੈ। 

ਦੂਜੇ ਪਾਸੇ ਬਾਲੀਵੁੱਡ ਅਭਿਨੇਤਰੀ ਸਵਰਾ ਭਾਸਕਰ ਨੂੰ ਗਾਜ਼ੀਆਬਾਦ ਜ਼ਿਲੇ ਦੀ ਇਸ ਘਟਨਾ ‘ਤੇ ਪ੍ਰਤੀਕਿਰਿਆ ਦੇਣੀ ਮਹਿੰਗੀ ਪਈ। ਸਵਰਾ ਭਾਸਕਰ ਨੇ ਗਾਜ਼ੀਆਬਾਦ ਦੀ ਘਟਨਾ ‘ਤੇ ਅਜਿਹੀ ਗੱਲ ਕਹੀ ਹੈ, ਜਿਸ ਕਾਰਨ ਉਹ ਟਰੋਲਰਾਂ ਦੇ ਨਿਸ਼ਾਨੇ ‘ਚ ਆ ਗਈ ਹੈ। ਸਵਰਾ ਭਾਸਕਰ ਨੇ ਸੋਸ਼ਲ ਮੀਡੀਆ ‘ਤੇ ਗਾਜ਼ੀਆਬਾਦ ਕਾਂਡ ਦੀ ਅਲੋਚਨਾ ਕੀਤੀ ਹੈ।

ਉਸਨੇ ਆਪਣੇ ਅਧਿਕਾਰਿਤ ਟਵਿੱਟਰ ਅਕਾਊਂਟ ‘ਤੇ ਲਿਖਿਆ,’ ਆਰ.ਡਬਲਯੂ ਅਤੇ ਸੰਘੀ ਮੇਰੇ ਟਾਈਮਲਾਈਨ ‘ਤੇ ਲਗਾਤਾਰ ਉਲਟੀਆਂ ਕਰ ਰਹੇ ਹਨ ਕਿਉਂਕਿ ਗਾਜ਼ੀਆਬਾਦ ਪੁਲਸ ਨੇ ਤਿੰਨ ਮੁਸਲਿਮ ਲੋਕਾਂ ਦਾ ਨਾਮ ਲਿਆ ਹੈ ਪਰ ਮੁੱਖ ਦੋਸ਼ੀ ਪਰਵੇਸ਼ ਗੁਜਰ ਹੈ। ਜਿਹੜਾ ਕੈਮਰੇ’ ਚ ਦਿਖਾਇਆ ਗਿਆ ਆਦਮੀ ਹੈ, ਉਹ ਬਜ਼ੁਰਗ ਆਦਮੀ ਨੂੰ ਜਪਣ ਲਈ ਮਜਬੂਰ ਕਰ ਰਿਹਾ ਹੈ ‘। ਜੈ ਸ਼੍ਰੀ ਰਾਮ ‘. ਹਾਂ, ਇਹ ਮੇਰੇ ਧਰਮ ਅਤੇ ਮੇਰੇ ਰੱਬ ਨੂੰ ਪ੍ਰਦੂਸ਼ਿਤ ਕਰਨ ਦੀ ਕੋਸ਼ਿਸ਼ ਹੈ। ਮੈਨੂੰ ਸ਼ਰਮ ਆਉਂਦੀ ਹੈ.. ਜਿਵੇਂ ਕਿ ਤੁਹਾਨੂੰ ਹੋਣਾ ਚਾਹੀਦਾ ਹੈ’ । ਬਹੁਤ ਸਾਰੇ ਸੋਸ਼ਲ ਮੀਡੀਆ ਉਪਭੋਗਤਾ ਉਸ ਨੂੰ ਜ਼ਬਰਦਸਤ ਟਰੋਲ ਕਰ ਰਹੇ ਹਨ।