ਸਿਨੇਮਾ ਜਗਤ ਨੂੰ ਪਿਆ ਵੱਡਾ ਘਾਟਾ; ਮਸ਼ਹੂਰ ਹਾਲੀਵੁੱਡ ਨਿਰਦੇਸ਼ਕ ਦਾ ਦੇਹਾਂਤ

ਲਾਸ ਏਂਜਲਸ (ਏਜੰਸੀ)- ਵਿਸ਼ਵ ਸਿਨੇਮਾ ਦੇ ਇਤਿਹਾਸ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਉਣ ਵਾਲੇ ਦਿੱਗਜ ਹੰਗਰੀਅਨ ਨਿਰਦੇਸ਼ਕ ਬੇਲਾ ਟਾਰ ਦਾ 70 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਯੂਰਪੀਅਨ ਫਿਲਮ ਅਕੈਡਮੀ ਨੇ ਮੰਗਲਵਾਰ ਨੂੰ ਉਨ੍ਹਾਂ ਦੇ ਦਿਹਾਂਤ ਦੀ ਪੁਸ਼ਟੀ ਕੀਤੀ ਹੈ। ਅਕੈਡਮੀ ਅਨੁਸਾਰ, ਬੇਲਾ ਟਾਰ ਲੰਬੇ ਸਮੇਂ ਤੋਂ ਇੱਕ ਗੰਭੀਰ ਬਿਮਾਰੀ ਨਾਲ ਜੂਝ ਰਹੇ ਸਨ।

ਇਹ ਵੀ ਪੜ੍ਹੋ: Ex-Wife ਦੇ ਪਿਆਰ 'ਚ ਮੁੜ 'ਲੱਟੂ' ਹੋਇਆ ਮਸ਼ਹੂਰ ਅਦਾਕਾਰ ! 47 ਦੀ ਉਮਰ ਮੁੜ ਚੜ੍ਹੇਗਾ ਘੋੜੀ

'ਸਲੋ ਸਿਨੇਮਾ' ਅੰਦੋਲਨ ਦੇ ਸਨ ਮੋਢੀ 

ਬੇਲਾ ਟਾਰ ਨੂੰ ਸਿਨੇਮਾ ਜਗਤ ਵਿੱਚ 'ਸਲੋ ਸਿਨੇਮਾ' (slow cinema) ਅੰਦੋਲਨ ਦੇ ਮੋਢੀ ਵਜੋਂ ਜਾਣਿਆ ਜਾਂਦਾ ਸੀ। ਉਨ੍ਹਾਂ ਦੀਆਂ ਫਿਲਮਾਂ ਦੀ ਖਾਸ ਵਿਸ਼ੇਸ਼ਤਾ ਬਲੈਕ-ਐਂਡ-ਵਾਈਟ ਵਿਜ਼ੂਅਲ, ਲੰਬੇ ਸ਼ਾਟ (long takes), ਬਹੁਤ ਘੱਟ ਗੱਲਬਾਤ ਅਤੇ ਰਵਾਇਤੀ ਕਹਾਣੀ ਸੁਣਾਉਣ ਦੇ ਤਰੀਕੇ ਦਾ ਤਿਆਗ ਕਰਨਾ ਸੀ। ਉਨ੍ਹਾਂ ਨੇ ਆਪਣੀਆਂ ਫਿਲਮਾਂ ਰਾਹੀਂ ਪੂਰਬੀ ਯੂਰਪ ਦੇ ਰੋਜ਼ਾਨਾ ਜੀਵਨ ਦੀਆਂ ਮੁਸ਼ਕਿਲਾਂ ਅਤੇ ਉਦਾਸੀ ਨੂੰ ਬਹੁਤ ਗਹਿਰਾਈ ਨਾਲ ਪਰਦੇ 'ਤੇ ਉਤਾਰਿਆ।

ਇਹ ਵੀ ਪੜ੍ਹੋ: ਨੋਟਾਂ ਦੀ ਮਸ਼ੀਨ ਬਣਿਆ ਕਪਿਲ ਸ਼ਰਮਾ ਸ਼ੋਅ ! ਕਰੋੜਾਂ 'ਚ ਖੇਡਦੀ ਹੈ ਪੂਰੀ ਟੀਮ, ਜਾਣੋ ਕੌਣ ਲੈ ਰਿਹਾ ਕਿੰਨੀ ਫੀਸ

7.5 ਘੰਟੇ ਦੀ ਫਿਲਮ 'Satantango' ਨਾਲ ਬਣਾਈ ਵਿਸ਼ਵ ਪੱਧਰੀ ਪਛਾਣ 

ਉਨ੍ਹਾਂ ਦੇ ਕੈਰੀਅਰ ਦੀ ਸਭ ਤੋਂ ਚਰਚਿਤ ਫਿਲਮ 1994 ਵਿੱਚ ਆਈ 'Satantango' ਸੀ, ਜਿਸ ਦੀ ਲੰਬਾਈ ਲਗਭਗ ਸਾਢੇ 7 ਘੰਟੇ ਸੀ। ਇਹ ਫਿਲਮ ਕਮਿਊਨਿਜ਼ਮ ਦੇ ਪਤਨ ਤੋਂ ਬਾਅਦ ਇੱਕ ਛੋਟੇ ਜਿਹੇ ਹੰਗਰੀ ਦੇ ਪਿੰਡ ਦੇ ਸੰਘਰਸ਼ ਨੂੰ ਦਰਸਾਉਂਦੀ ਹੈ। ਲੰਬਾਈ ਜ਼ਿਆਦਾ ਹੋਣ ਦੇ ਬਾਵਜੂਦ, ਇਸ ਫਿਲਮ ਨੂੰ ਦੁਨੀਆ ਦੀਆਂ ਸਭ ਤੋਂ ਮਹਾਨ ਫਿਲਮਾਂ ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। 'ਦਿ ਟਿਊਰਿਨ ਹਾਰਸ' (The Turin Horse) ਉਨ੍ਹਾਂ ਦੀ ਇੱਕ ਹੋਰ ਬਿਹਤਰੀਨ ਪੇਸ਼ਕਾਰੀ ਮੰਨੀ ਜਾਂਦੀ ਹੈ।

ਇਹ ਵੀ ਪੜ੍ਹੋ: ਖੂਬਸੂਰਤ ਦਿਸਣ ਦੀ ਚਾਹਤ ਪਈ ਭਾਰੀ ; 38 ਸਾਲਾ ਮਸ਼ਹੂਰ ਸੋਸ਼ਲ ਮੀਡੀਆ Influencer ਦੀ ਮੌਤ

ਨਵੀਂ ਪੀੜ੍ਹੀ ਲਈ ਮਾਰਗਦਰਸ਼ਕ 

ਆਪਣੀ ਆਖਰੀ ਫਿਲਮ ਤੋਂ ਬਾਅਦ, ਬੇਲਾ ਟਾਰ ਨੇ ਆਪਣਾ ਧਿਆਨ ਨਵੀਂ ਪੀੜ੍ਹੀ ਦੇ ਫਿਲਮ ਨਿਰਮਾਤਾਵਾਂ ਨੂੰ ਸਿਖਲਾਈ ਦੇਣ 'ਤੇ ਕੇਂਦਰਿਤ ਕੀਤਾ। ਉਨ੍ਹਾਂ ਨੇ 2012 ਵਿੱਚ ਸਾਰਾਜੇਵੋ ਵਿੱਚ 'ਫਿਲਮ ਫੈਕਟਰੀ' ਸਕੂਲ ਦੀ ਸਥਾਪਨਾ ਕੀਤੀ, ਜਿੱਥੇ ਉਨ੍ਹਾਂ ਨੇ 2016 ਤੱਕ ਪ੍ਰੋਫੈਸਰ ਵਜੋਂ ਸੇਵਾਵਾਂ ਨਿਭਾਈਆਂ ਅਤੇ ਅਕਾਦਮਿਕ ਪ੍ਰੋਗਰਾਮ ਦੀ ਅਗਵਾਈ ਕੀਤੀ।

ਇਹ ਵੀ ਪੜ੍ਹੋ: ਮਸ਼ਹੂਰ ਗਾਇਕਾ ਦੀ ਵਿਗੜੀ ਸਿਹਤ, ਹਸਪਤਾਲ ਦੇ ਬੈੱਡ ਤੋਂ ਸਾਹਮਣੇ ਆਈ ਵੀਡੀਓ