'ਹੇਰੀ ਸਖੀ ਮੰਗਲ ਗਾਓ ਰੀ' ਨਾਲ ਹੋ ਰਹੀ ਵਿਆਹਾਂ 'ਚ ਐਂਟਰੀ ਪਰ ਇਸ ਗੀਤ ਦਾ ਹੈ 'ਮੌਤ' ਨਾਲ ਸੰਬੰਧ
Monday, Dec 08, 2025 - 03:56 PM (IST)
ਜਲੰਧਰ/ਐਂਟਰਟੇਨਮੈਂਟ ਡੈਸਕ- ਮਸ਼ਹੂਰ ਗਾਇਕ ਕੈਲਾਸ਼ ਖੇਰ ਦਾ ਪ੍ਰਸਿੱਧ ਗੀਤ 'ਹੇਰੀ ਸਖੀ ਮੰਗਲ ਗਾਓ ਰੀ...' ਆਮ ਤੌਰ 'ਤੇ ਹਰ ਵਿਆਹ ਵਿੱਚ, ਖਾਸ ਕਰਕੇ ਦੁਲਹਨ ਦੀ ਐਂਟਰੀ 'ਤੇ ਵਜਾਇਆ ਜਾਂਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਗੀਤ ਦਾ ਸੰਬੰਧ 'ਵਿਆਹ' ਨਾਲ ਨਹੀਂ, ਬਲਕਿ 'ਮੌਤ' ਨਾਲ ਹੈ?
ਇਹ ਵੀ ਪੜ੍ਹੋ: 'ਹੈਪੀ ਬਰਥਡੇਅ ਮਾਈ ਡੀਅਰ ਹਾਰਟ..!', ਧਰਮਿੰਦਰ ਦੇ 90ਵੇਂ ਜਨਮਦਿਨ 'ਤੇ ਭਾਵੁਕ ਹੋਏ ਹੇਮਾ ਮਾਲਿਨੀ
ਕੀ ਹੈ ਗੀਤ ਦੀ ਅਸਲ ਕਹਾਣੀ?
ਇਹ ਗੀਤ ਕੈਲਾਸ਼ ਖੇਰ ਨੇ 2009 ਵਿੱਚ ਆਪਣੇ ਪਿਤਾ ਦੇ ਦੇਹਾਂਤ ਤੋਂ ਬਾਅਦ ਲਿਖਿਆ ਸੀ। ਗਾਇਕ ਦੀ ਮਾਂ ਦਾ ਦੇਹਾਂਤ ਪਹਿਲਾਂ ਹੀ ਹੋ ਚੁੱਕਾ ਸੀ। ਕੈਲਾਸ਼ ਖੇਰ ਨੇ ਇਹ ਗਾਣਾ ਆਪਣੀ ਮਾਂ ਦੀ ਖੁਸ਼ੀ ਦਾ ਪ੍ਰਗਟਾਵਾ ਕਰਨ ਲਈ ਲਿਖਿਆ ਸੀ, ਜੋ ਹੁਣ ਸਵਰਗ ਵਿੱਚ ਆਪਣੇ ਪਤੀ ਦਾ ਸੁਆਗਤ ਕਰੇਗੀ। ਇਹ ਗੀਤ ਉਨ੍ਹਾਂ ਦੀ ਮਾਂ ਦੇ ਸਾਲਾਂ ਬਾਅਦ ਸਵਰਗ ਵਿੱਚ ਆਪਣੇ ਪਤੀ ਨਾਲ ਮਿਲਣ ਦੀ ਕਹਾਣੀ ਦੱਸਦਾ ਹੈ।
ਇਹ ਵੀ ਪੜ੍ਹੋ: ਦੂਜੀ ਵਾਰ ਲਾੜਾ ਬਣਨਗੇ 'ਕਾਮੇਡੀ ਕਿੰਗ' ਕਪਿਲ ਸ਼ਰਮਾ ! ਜਾਣੋ ਕੌਣ ਹੈ 'ਦੁਲਹਨ'
ਗੀਤ ਦੇ ਕੁਝ ਬੋਲ ਹਨ:
ਹੇਰੀ ਸਖੀ ਮੰਗਲ ਗਾਵੋ ਰੀ, ਧਰਤੀ ਅੰਬਰ ਸਜਾਓ ਰੀ, ਉਤਰੇਗੀ ਅੱਜ ਮੇਰੇ ਪੀਆ ਕੀ ਸਵਾਰੀ।
ਇਹ ਵੀ ਪੜ੍ਹੋ: 'ਅਸੀਂ ਹਮੇਸ਼ਾ ਇਕੱਠੇ ਹਾਂ ਪਾਪਾ...'; ਧਰਮਿੰਦਰ ਦੇ ਜਨਮਦਿਨ ਮੌਕੇ ਧੀ ਈਸ਼ਾ ਦੀ ਭਾਵੁਕ ਪੋਸਟ
ਕੀ ਵਿਆਹ ਵਿੱਚ ਇਹ ਗੀਤ ਵਜਾਉਣਾ ਅਸ਼ੁੱਭ ਹੈ?
ਇਹ ਤੱਥ ਜਾਣਨ ਤੋਂ ਬਾਅਦ ਕਈ ਲੋਕ ਇਹ ਸੋਚ ਰਹੇ ਹੋਣਗੇ ਕਿ ਕੀ ਇਸ ਗੀਤ ਨੂੰ ਵਿਆਹ ਵਿੱਚ ਵਜਾਉਣਾ ਅਸ਼ੁੱਭ ਹੁੰਦਾ ਹੈ। ਹਾਲਾਂਕਿ, ਅਜਿਹਾ ਬਿਲਕੁਲ ਨਹੀਂ ਹੈ। ਸਰੋਤਾਂ ਅਨੁਸਾਰ, ਇਹ ਗਾਣਾ ਨਜ਼ਰੀਏ 'ਤੇ ਨਿਰਭਰ ਕਰਦਾ ਹੈ ਕਿਉਂਕਿ ਇਹ ਅਸਲ ਵਿੱਚ ਦੋ ਪਿਆਰ ਕਰਨ ਵਾਲਿਆਂ ਦੇ ਮਿਲਣ ਨੂੰ ਦਰਸਾਉਂਦਾ ਹੈ। ਇਸ ਦਾ ਇੱਕ ਪੌਰਾਣਿਕ ਅਰਥ ਵੀ ਮੌਜੂਦ ਹੈ, ਜੋ ਕਿਸੇ ਭਗਤ ਦੇ ਆਪਣੇ ਭਗਵਾਨ ਨਾਲ ਮਿਲਣ ਦੇ ਜਸ਼ਨ ਨੂੰ ਦਰਸਾਉਂਦਾ ਹੈ। ਇਸ ਲਈ, ਇਹ ਗੀਤ ਕਿਸੇ ਵੀ ਤਰੀਕੇ ਨਾਲ ਅਸ਼ੁੱਭ ਨਹੀਂ ਹੈ।
