ਗਾਇਕਾ ਗੁਰਲੇਜ ਅਖਤਰ ਨੇ ਭਰਾ ਤੇ ਭਾਬੀ ਦੀ ਕੰਗਣਾ ਖੇਡਦਿਆਂ ਦੀ ਦਿਲਕਸ਼ ਵੀਡੀਓ ਕੀਤੀ ਸਾਂਝੀ
11/12/2020 3:29:11 PM
ਜਲੰਧਰ (ਬਿਊਰੋ)– ਪੰਜਾਬੀ ਗਾਇਕਾ ਗੁਰਲੇਜ ਅਖਤਰ ਦੇ ਭਰਾ ਦਾ ਵਿਆਹ ਬੀਤੇ ਦਿਨੀਂ ਧੂਮਧਾਮ ਨਾਲ ਹੋ ਨਿੱਬੜਿਆ। ਗੁਰਲੇਜ ਅਖਤਰ ਨੇ ਆਪਣੇ ਭਰਾ ਦੇ ਵਿਆਹ ਦੀਆਂ ਕਈ ਵੀਡੀਓਜ਼ ਤੇ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਨੂੰ ਉਸ ਦੇ ਫੈਨਜ਼ ਵਲੋਂ ਵੀ ਖੂਬ ਪਸੰਦ ਕੀਤਾ ਗਿਆ।
ਹਾਲ ਹੀ ’ਚ ਜੋ ਵੀਡੀਓ ਗੁਰਲੇਜ ਅਖਤਰ ਵਲੋਂ ਸਾਂਝੀ ਕੀਤੀ ਗਈ ਹੈ, ਉਸ ’ਚ ਉਸ ਦਾ ਭਰਾ ਸ਼ਹਿਨਾਜ਼ ਅਖਤਰ ਤੇ ਨਵੀਂ ਵਿਆਹੀ ਭਾਬੀ ਕੰਗਣਾ ਖੇਡਦੇ ਨਜ਼ਰ ਆ ਰਹੇ ਹਨ। ਕੰਗਣਾ ਖੇਡਦਿਆਂ ਗੁਰਲੇਜ ਅਖਤਰ ਦਾ ਬੇਟਾ ਦਾਨਵੀਰ ਆਪਣੇ ਮਾਮੇ ਸ਼ਹਿਨਾਜ਼ ਅਖਤਰ ਦਾ ਸਾਥ ਦਿੰਦਾ ਦਿਖਾਈ ਦੇ ਰਿਹਾ ਹੈ।
ਵੀਡੀਓ ਸਾਂਝੀ ਕਰਦਿਆਂ ਗੁਰਲੇਜ ਅਖਤਰ ਲਿਖਦੀ ਹੈ, ‘ਦਾਨਵੀਰ ਫੁੱਲ ਇੰਜੁਆਏ ਕਰ ਰਿਹਾ ਕੰਗਣਾ ਖੇਡਣ ਦੀ ਰਸਮ ਨੂੰ। ਮਾਮਾ-ਭਾਣਜਾ ਚੀਟਿੰਗ ਕਰ ਰਹੇ ਨੇ। ਆਖਿਰਕਾਰ ਅੱਜ ਭਾਬੀ ਆ ਗਈ ਘਰ। ਮੁਬਾਰਕਾਂ ਦੋਵਾਂ ਨੂੰ। ਰੱਬ ਤੁਹਾਨੂੰ ਦੋਵਾਂ ਨੂੰ ਖੁਸ਼ ਰੱਖੇ। ਢੇਰ ਸਾਰਾ ਪਿਆਰ।’
ਉਥੇ ਗੁਰਲੇਜ ਅਖਤਰ ਦੇ ਭਰਾ ਸ਼ਹਿਨਾਜ਼ ਵਲੋਂ ਵੀ ਆਪਣੀ ਪਤਨੀ ਨਾਲ ਕੁਝ ਤਸਵੀਰਾਂ ਤੇ ਵੀਡੀਓਜ਼ ਇੰਸਟਾਗ੍ਰਾਮ ’ਤੇ ਸ਼ੇਅਰ ਕੀਤੀਆਂ ਗਈਆਂ ਹਨ। ਵਿਆਹ ਦੀ ਜੋ ਵੀਡੀਓ ਸ਼ਹਿਨਾਜ਼ ਵਲੋਂ ਸ਼ੇਅਰ ਕੀਤੀ ਗਈ ਹੈ, ਉਸ ’ਚ ਉਹ ਪਤਨੀ ਸਾਹਮਣੇ ‘ਖੁਦਾ ਗਵਾਹ’ ਗੀਤ ਗਾ ਰਹੇ ਹਨ।
