8 ਸਾਲਾਂ ਬਾਅਦ ਗਿੱਪੀ ਬਣਾਉਣਗੇ ਆਪਣੀ ਇਸ ਫਿਲਮ ਦਾ ਸੀਕਵਲ
Sunday, Nov 08, 2020 - 07:38 PM (IST)
ਜਲੰਧਰ(ਬਿਊਰੋ)- ਦੇਸੀ ਰੌਕਸਟਾਰ ਯਾਨੀਕਿ ਗਿੱਪੀ ਗਰੇਵਾਲ ਆਪਣੀਆਂ ਆਉਣ ਵਾਲੀਆਂ ਫਿਲਮਾਂ ਨੂੰ ਲੈ ਕੇ ਬੇਹੱਦ ਚਰਚਾ 'ਚ ਰਹਿੰਦੇ ਹਨ।ਆਏ ਦਿਨੀਂ ਗਿੱਪੀ ਗਰੇਵਾਲ ਵੱਲੋਂ ਨਵੀਆਂ-ਨਵੀਆਂ ਫਿਲਮਾਂ ਦੀ ਅਨਾਊਂਸਮੈਂਟ ਕੀਤੀ ਜਾਂਦੀ ਹੈ ਹਾਲ ਹੀ 'ਚ ਗਿੱਪੀ ਨੇ ਆਪਣੇ ਇਕ ਹੋਰ ਫਿਲਮ 'ਸਿੰਘ ਵਰਸਿਜ਼ ਕੌਰ 2' ਦੀ ਅਨਾਊਂਸਮੈਂਟ ਕੀਤੀ ਹੈ ।ਦੱਸਣਯੋਗ ਹੈ ਕਿ ਇਹ ਫਿਲਮ ਗਿੱਪੀ ਗਰੇਵਾਲ ਦੀ ਸਾਲ 2013 'ਚ ਆਈ ਹਿੱਟ ਫਿਲਮ 'ਸਿੰਘ ਵਰਸਿਜ਼ ਕੌਰ' ਦਾ ਹੀ ਸੀਕਵਲ ਹੋ ਸਕਦੀ ਹੈ।ਗਿੱਪੀ ਨੇ ਹਾਲ ਹੀ 'ਚ ਇਸ ਫਿਲਮ ਬਾਰੇ ਇਕ ਪੋਸਟ ਸਾਂਝੀ ਕੀਤੀ ਹੈ। ਦੱਸ ਦਈਏ ਕਿ ਇਸ ਫਿਲਮ ਪਹਿਲੀ ਫਿਲਮ ਵਾਲੇ ਡਾਇਰੈਕਟਰ ਨਵਨੀਅਤ ਸਿੰਘ ਹੀ ਡਾਇਰੈਕਟ ਕਰਨਗੇ ਜਦਕਿ ਇਸ ਫਿਲਮ ਨੂੰ ਖੁਦ ਗਿੱਪੀ ਗਰੇਵਾਲ ਵੱਲੋਂ ਪ੍ਰੋਡਿਊਸ ਕੀਤਾ ਜਾਵੇਗਾ।
ਗੱਲ ਕਰੀਏ ਗਿੱਪੀ ਗਰੇਵਾਲ ਦੀ ਸਾਲ 2013 'ਚ ਆਈ ਫਿਲਮ 'ਸਿੰਘ ਵਰਸਿਜ਼ ਕੌਰ' ਦੀ ਤਾਂ ਉਸ ਫਿਲਮ 'ਚ ਗਿੱਪੀ ਨਾਲ ਖੂਬਸੁਰਤ ਅਦਾਕਾਰਾ ਸੁਰਵੀਨ ਚਾਵਲਾ ਨਜ਼ਰ ਆਈ ਸੀ।ਪਰ ਗਿੱਪੀ ਦੀ ਇਸ ਬਣਨ ਵਾਲੀ ਨਵੀਂ ਫਿਲਮ 'ਚ ਕੌਣ-ਕੌਣ ਨਜ਼ਰ ਆਵੇਗਾ ਇਸ ਬਾਰੇ ਅਜੇ ਗਿੱਪੀ ਵੱਲੋਂ ਕੋਈ ਵੀ ਜਾਣਕਾਰੀ ਸਾਂਝੀ ਨਹੀ ਕੀਤੀ ਹੈ। ਗਿੱਪੀ ਗਰੇਵਾਲ ਵੱਲੋਂ ਇਸ ਫਿਲਮ ਦੀ ਸ਼ੂਟਿੰਗ ਚੱੜਦੇ ਸਾਲ 'ਚ ਕੀਤੀ ਜਾਵੇਗੀ। ਇਸ ਫਿਲਮ ਦੇ ਸਹਿ-ਨਿਰਮਾਤਾ ਭਾਨਾ ਐਲ.ਏ ਤੇ ਵਿਨੋਦ ਅਸਵਾਲ ਹਨ ਜਦਕਿ ਇਸ ਦੇ ਪ੍ਰੋਜੈਕਟ ਹੈੱਡ ਹਰਦੀਪ ਦੁਲਾਟ ਹਨ।
