ਮੰਦਭਾਗੀ ਖਬਰ; ਮਸ਼ਹੂਰ ਸਿੰਗਰ ਨੇ 17 ਸਾਲ ਦੀ ਉਮਰ ''ਚ ਦੁਨੀਆ ਨੂੰ ਕਿਹਾ ਅਲਵਿਦਾ

ਵਾਸ਼ਿੰਗਟਨ (ਏਜੰਸੀ)- 'ਦਿ ਵੌਇਸ ਕਿਡਜ਼' ਦੀ ਸਾਬਕਾ ਸਟਾਰ ਕੈਰਨ ਸਿਲਵਾ ਦਾ 17 ਸਾਲ ਦੀ ਉਮਰ ਵਿੱਚ ਹੀਮੋਰੇਜਿਕ ਸਟ੍ਰੋਕ ਹੋਣ ਤੋਂ ਬਾਅਦ ਦੇਹਾਂਤ ਹੋ ਗਿਆ ਹੈ। ਦਿ ਵੌਇਸ ਕਿਡਜ਼ ਇੱਕ ਰਿਐਲਿਟੀ ਟੈਲੇਂਟ ਸ਼ੋਅ ਹੈ। ਸਿਲਵਾ ਨੇ 2020 ਵਿੱਚ ਮਿਊਜ਼ਿਕ ਕੰਪੀਟੀਸ਼ਨ ਸ਼ੋਅ ਦੇ ਸੈਮੀਫਾਈਨਲ ਪੜਾਅ ਵਿੱਚ ਪਹੁੰਚਣ ਤੋਂ ਬਾਅਦ ਪ੍ਰਸਿੱਧੀ ਪ੍ਰਾਪਤ ਕੀਤੀ ਸੀ, ਉਦੋਂ ਉਹ ਸਿਰਫ਼ 12 ਸਾਲ ਦੀ ਸੀ। ਪੀਪਲ ਦੀ ਰਿਪੋਰਟ ਅਨੁਸਾਰ, ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਦੀ ਪੁਸ਼ਟੀ ਉਨ੍ਹਾਂ ਦੇ ਅਧਿਕਾਰਤ ਇੰਸਟਾਗ੍ਰਾਮ ਪੇਜ 'ਤੇ ਸਾਂਝੀ ਕੀਤੀ ਗਈ ਇੱਕ ਪੋਸਟ ਵਿੱਚ ਕੀਤੀ ਗਈ ਹੈ। ਪੋਸਟ ਦੇ ਅਨੁਸਾਰ, ਸਿਲਵਾ ਦਾ ਵੋਲਟਾ ਰੇਡੋਂਡਾ ਦੇ ਸਾਓ ਜੋਓ ਬਤਿਸਤਾ ਹਸਪਤਾਲ ਵਿੱਚ ਹੀਮੋਰੇਜਿਕ ਸਟ੍ਰੋਕ ਕਾਰਨ ਦੇਹਾਂਤ ਹੋ ਗਿਆ।

ਇਹ ਵੀ ਪੜ੍ਹੋ: ਪਹਿਲਗਾਮ ਹਮਲੇ ਮਗਰੋਂ ਹੁਣ ਸ਼੍ਰੇਆ ਘੋਸ਼ਾਲ ਨੇ ਕੀਤਾ ਐਲਾਨ, ਅੱਜ ਹੋਣ ਵਾਲਾ ਕੰਸਰਟ ਕੀਤਾ ਰੱਦ

ਆਊਟਲੈਟ ਦੇ ਮੁਤਾਬਕ, "ਕੈਰਨ ਨੇ ਬਚਪਨ ਵਿੱਚ ਹੀ ਆਪਣੀ ਦਮਦਾਰ ਆਵਾਜ਼ ਅਤੇ ਸ਼ਾਨਦਾਰ ਮੌਜੂਦਗੀ ਨਾਲ ਬ੍ਰਾਜ਼ੀਲ ਨੂੰ ਮੋਹਿਤ ਕੀਤਾ ਸੀ, ਜਦੋਂ ਉਨ੍ਹਾਂ ਨੇ 2020 ਵਿੱਚ ਦਿ ਵੌਇਸ ਕਿਡਜ਼ ਵਿੱਚ ਹਿੱਸਾ ਲਿਆ ਸੀ।" ਪੋਸਟ ਵਿਚ ਅੱਗੇ ਕਿਹਾ, "ਉਦੋਂ ਤੋਂ, ਉਨ੍ਹਾਂ ਨੇ ਹਰ ਕਦਮ 'ਤੇ ਪ੍ਰਤਿਭਾ, ਕਰਿਸ਼ਮਾ ਅਤੇ ਪ੍ਰਤੀਨਿਧਤਾ ਨੂੰ ਇਕਜੁੱਟ ਕਰਦੇ ਹੋਏ ਇੱਕ ਚਮਕਦਾਰ ਮਾਰਗ ਅਪਣਾਇਆ। ਇੱਕ ਉੱਭਰਦੀ ਹੋਈ ਕਲਾਕਾਰ ਤੋਂ ਵੱਧ, ਕੈਰਨ ਸਸ਼ਕਤੀਕਰਨ ਦਾ ਪ੍ਰਤੀਕ ਸੀ, ਖਾਸ ਕਰਕੇ ਉਨ੍ਹਾਂ ਗੈਰ ਗੋਰੀਆਂ ਕੁੜੀਆਂ ਲਈ, ਜਿਨ੍ਹਾਂ ਨੂੰ ਉਨ੍ਹਾਂ ਤੋਂ ਪ੍ਰੇਰਨਾ ਅਤੇ ਸੁਪਨੇ ਦੇਖਣ ਦੀ ਤਾਕਤ ਮਿਲੀ।'

ਇਹ ਵੀ ਪੜ੍ਹੋ: 'ਰੱਬਾ ਕਦੇ ਵੀ ਨਾ ਪੈਣ ਵਿਛੋੜੇ...', ਭਾਵੁਕ ਪੋਸਟ ਸਾਂਝੀ ਕਰ ਗੁਰਦਾਸ ਮਾਨ ਨੇ ਪਹਿਲਗਾਮ ਹਮਲੇ 'ਤੇ ਜਤਾਇਆ ਦੁੱਖ

ਪੋਸਟ ਦੇ ਅੰਤ ਵਿੱਚ ਲਿਖਿਆ ਗਿਆ, 'ਦੁੱਖ ਦੇ ਇਸ ਪਲ ਵਿੱਚ, ਅਸੀਂ ਉਨ੍ਹਾਂ ਦੇ ਮਾਪਿਆਂ, ਦੋਸਤਾਂ, ਪਰਿਵਾਰ ਅਤੇ ਪ੍ਰਸ਼ੰਸਕਾਂ ਨਾਲ ਆਪਣੀ ਇਕਜੁੱਟਤਾ ਪ੍ਰਗਟ ਕਰਦੇ ਹਾਂ।" ਇਹ ਸੁਨੇਹਾ ਅਸਲ ਵਿੱਚ ਪੁਰਤਗਾਲੀ ਭਾਸ਼ਾ ਵਿੱਚ ਲਿਖਿਆ ਗਿਆ ਸੀ ਅਤੇ ਇੰਸਟਾਗ੍ਰਾਮ ਰਾਹੀਂ ਅੰਗਰੇਜ਼ੀ ਵਿੱਚ ਅਨੁਵਾਦ ਕੀਤਾ ਗਿਆ ਹੈ। ਬ੍ਰਾਜ਼ੀਲੀਅਨ ਗਾਇਕਾ ਦੀ ਮੌਤ ਸੋਮਵਾਰ 21 ਅਪ੍ਰੈਲ ਨੂੰ ਇੱਕ ਇੰਸਟਾਗ੍ਰਾਮ ਪੋਸਟ ਵਿੱਚ ਉਨ੍ਹਾਂ ਦੀ ਸਿਹਤ ਸਮੱਸਿਆਵਾਂ ਸਾਂਝੀਆਂ ਕਰਨ ਤੋਂ ਕੁਝ ਦਿਨ ਬਾਅਦ ਹੋਈ ਹੈ।

ਇਹ ਵੀ ਪੜ੍ਹੋ: ਗਾਇਕ AR ਰਹਿਮਾਨ ਦੀਆਂ ਵਧੀਆਂ ਮੁਸ਼ਕਲਾਂ, ਹਾਈ ਕੋਰਟ ਨੇ ਦਿੱਤਾ 2 ਕਰੋੜ ਦਾ ਝਟਕਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8