ਮਸ਼ਹੂਰ ਡਾਇਰੈਕਟਰ ਨੇ ਬੁਰੀ ਤਰ੍ਹਾਂ ਕੁੱਟੀ ਗਰਲਫ੍ਰੈਂਡ! ਲਹੂ-ਲੁਹਾਨ ਹਾਲਤ ’ਚ ਪਹੁੰਚੀ ਥਾਣੇ

ਐਂਟਰਟੇਨਮੈਂਟ ਡੈਸਕ- ਫਿਲਮ ਇੰਡਸਟਰੀ (ਛਾਲੀਵੁੱਡ) ਤੋਂ ਇਕ ਅਜਿਹੀ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੇ ਸਿਨੇਮਾ ਜਗਤ ਨੂੰ ਸ਼ਰਮਸਾਰ ਕਰ ਦਿੱਤਾ ਹੈ। ਮਸ਼ਹੂਰ ਫਿਲਮ ਨਿਰਮਾਤਾ ਅਤੇ ਡਾਇਰੈਕਟਰ ਮੋਹਿਤ ਸਾਹੂ 'ਤੇ ਆਪਣੀ ਗਰਲਫ੍ਰੈਂਡ ਨਾਲ ਬੇਰਹਿਮੀ ਨਾਲ ਕੁੱਟਮਾਰ ਕਰਨ ਦੇ ਗੰਭੀਰ ਦੋਸ਼ ਲੱਗੇ ਹਨ। ਪੀੜਤਾ ਲਹੂ-ਲੁਹਾਨ ਹਾਲਤ ਵਿੱਚ ਇਨਸਾਫ਼ ਲਈ ਪੁਲਸ ਥਾਣੇ ਪਹੁੰਚੀ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ।
ਵਿਆਹ ਦਾ ਝਾਂਸਾ ਦੇ ਕੇ ਕੀਤਾ ਧੋਖਾ
ਪੀੜਤਾ ਦਾ ਦੋਸ਼ ਹੈ ਕਿ ਮੋਹਿਤ ਸਾਹੂ ਨੇ ਉਸ ਨੂੰ ਵਿਆਹ ਦਾ ਝਾਂਸਾ ਦੇ ਕੇ ਉਜੈਨ ਲੈ ਜਾ ਕੇ ਵਿਆਹ ਰਚਾਇਆ ਸੀ। ਪਰ ਬਾਅਦ ਵਿੱਚ ਉਹ ਆਪਣੀ ਕਿਸੇ ਹੋਰ ਮਹਿਲਾ ਨਾਲ ਦੂਜਾ ਵਿਆਹ ਹੋਣ ਦੀ ਗੱਲ ਕਹਿ ਕੇ ਮੁੱਕਰ ਗਿਆ। ਜਦੋਂ ਲੜਕੀ ਨੇ ਇਸ ਧੋਖਾਧੜੀ ਦਾ ਵਿਰੋਧ ਕੀਤਾ, ਤਾਂ ਡਾਇਰੈਕਟਰ ਨੇ ਆਪਣਾ ਆਪਾ ਖੋਹ ਦਿੱਤਾ ਅਤੇ ਉਸ 'ਤੇ ਜਾਨਲੇਵਾ ਹਮਲਾ ਕਰ ਦਿੱਤਾ।

ਫਲੈਟ ’ਚੋਂ ਮਿਲੇ ਖੂਨ ਦੇ ਨਿਸ਼ਾਨ
ਇਹ ਖ਼ੌਫ਼ਨਾਕ ਵਾਰਦਾਤ ਰਾਏਪੁਰ ਦੇ ਪੁਰਾਨੀ ਬਸਤੀ ਥਾਣਾ ਖੇਤਰ ਦੇ ਸਿਲਵਰ ਓਕ ਅਪਾਰਟਮੈਂਟ ਵਿੱਚ ਵਾਪਰੀ। ਪੁਲਸ ਜਾਂਚ ਦੌਰਾਨ ਫਲੈਟ ਦੇ ਅੰਦਰ ਟੁੱਟੀ ਹੋਈ ਕੁੰਡੀ ਅਤੇ ਖੂਨ ਦੇ ਨਿਸ਼ਾਨ ਮਿਲੇ ਹਨ, ਜੋ ਹਮਲੇ ਦੀ ਗੰਭੀਰਤਾ ਨੂੰ ਬਿਆਨ ਕਰਦੇ ਹਨ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਕੁੜੀ ਦੇ ਸਿਰ ਵਿੱਚੋਂ ਲਗਾਤਾਰ ਖੂਨ ਵਗ ਰਿਹਾ ਹੈ।
ਬਚਣ ਲਈ ਗਾਰਡ ਦੇ ਪੈਰਾਂ ’ਚ ਪਿਆ ਡਾਇਰੈਕਟਰ
ਸਰੋਤਾਂ ਅਨੁਸਾਰ ਜਦੋਂ ਕੁੱਟਮਾਰ ਦੀ ਆਵਾਜ਼ ਸੁਣ ਕੇ ਕਲੋਨੀ ਦੇ ਸੁਰੱਖਿਆ ਗਾਰਡ ਅਤੇ ਗੁਆਂਢੀ ਮੌਕੇ 'ਤੇ ਪਹੁੰਚੇ, ਤਾਂ ਮੋਹਿਤ ਸਾਹੂ ਡਰ ਗਿਆ। ਮਾਮਲੇ ਨੂੰ ਰਫਾ-ਦਫਾ ਕਰਨ ਲਈ ਉਸ ਨੇ ਸੁਰੱਖਿਆ ਕਰਮਚਾਰੀਆਂ ਦੇ ਪੈਰ ਫੜ ਕੇ ਮੁਆਫੀ ਮੰਗੀ, ਤਾਂ ਜੋ ਇਹ ਗੱਲ ਬਾਹਰ ਨਾ ਨਿਕਲੇ। ਫਿਲਹਾਲ ਪੁਲਸ ਨੇ ਪੀੜਤਾ ਨੂੰ ਹਸਪਤਾਲ ਭੇਜ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।