ਪਵਿੱਤਰਾ ਨੂੰ 'ਕਿੱਸ' ਕਰਦਿਆਂ ਆਪੇ ਤੋਂ ਬਾਹਰ ਹੋਏ ਏਜਾਜ਼ ਖ਼ਾਨ, ਵੇਖ ਘਰਵਾਲਿਆਂ ਦੇ ਉੱਡੇ ਰੰਗ (ਵੀਡੀਓ)
Thursday, Nov 12, 2020 - 09:45 AM (IST)
ਨਵੀਂ ਦਿੱਲੀ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' 'ਚ ਆਏ ਦਿਨ ਹੋਣ ਵਾਲੀ ਤੂੰ-ਤੂੰ ਮੈਂ-ਮੈਂ ਕਈ ਵਾਰ ਘਰ 'ਚ ਖੁਸ਼-ਨੂਮਾ ਵਾਲਾ ਮਾਹੌਲ ਵੀ ਨਜ਼ਰ ਆਉਂਦਾ ਹੈ। ਇੰਨੇ ਮਹੀਨਿਆਂ ਤੋਂ ਇਕ ਘਰ 'ਚ ਨਾਲ ਰਹਿਣ ਦੌਰਾਨ ਮੁਕਾਬਲੇਬਾਜ਼ਾਂ 'ਚ ਲੜਦੇ ਅਤੇ ਹੱਸਦੇ ਹਨ। ਇਹ ਘਰ ਮੁਕਾਬਲੇਬਾਜ਼ਾਂ ਲਈ ਇਕ ਵੱਖਰੀ ਹੀ ਦੁਨੀਆ ਬਣ ਜਾਂਦਾ ਹੈ, ਜਿਸ 'ਚ ਸਿਰਫ਼ ਉਹ ਹੀ ਲੋਕ ਰਹਿੰਦੇ ਹਨ। ਅੱਜ 'ਬਿੱਗ ਬੌਸ' ਦੇ ਘਰ 'ਚ ਇਕ ਅਜਿਹਾ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜੋ ਸ਼ਾਇਦ ਇਸ ਸੀਜ਼ਨ 'ਚ ਹੁਣ ਤਕ ਦੇਖਣ ਨੂੰ ਨਹੀਂ ਮਿਲਿਆ ਸੀ। ਰੋਜ਼ਾਨਾ ਦੇ ਹੋਣ ਵਾਲੇ ਝਗੜਿਆਂ ਦੌਰਾਨ ਘਰਵਾਲੇ ਕਾਫ਼ੀ ਖੁਸ਼ ਨਜ਼ਰ ਆਉਂਦੇ ਹਨ ਤੇ ਇਸ ਦੀ ਵਜ੍ਹਾ ਹੋਣਗੇ ਵਾਈਲਡ ਕਾਰਡ ਮੁਕਾਬਲੇਬਾਜ਼ ਅਲੀ ਗੋਨੀ। ਦਰਅਸਲ ਅਲੀ ਗੋਨੀ ਕੁਝ ਅਜਿਹਾ ਕਰਨਗੇ, ਜਿਸ ਨਾਲ ਕੁਝ ਦੇਰ ਲਈ ਹੀ ਸਹੀ ਪਰ ਘਰ ਦਾ ਮਾਹੌਲ ਬਦਲ ਜਾਵੇਗਾ। ਅਲੀ ਗੋਨੀ ਨੇ ਹਾਲ 'ਚ 'ਬਿੱਗ ਬੌਸ 14' ਦੇ ਘਰ 'ਚ ਬਤੌਰ ਵਾਈਲਡ ਕਾਰਡ ਐਂਟਰੀ ਲਈ ਹੈ। ਸ਼ੁਰੂਆਤ 'ਚ ਉਨ੍ਹਾਂ ਨੇ ਮੁਕਾਬਲੇਬਾਜ਼ਾਂ ਤੋਂ ਦੂਰ ਇਕ ਵੱਖ ਕਮਰੇ 'ਚ ਰੱਖਿਆ ਗਿਆ ਸੀ ਪਰ ਹੁਣ ਅਲੀ ਗੋਨੀ ਬਾਹਰ ਆ ਗਏ ਹਨ।
ਅੱਜ ਘਰ 'ਚ ਅਲੀ ਗੋਨੀ ਡਾਇਰੈਕਟਰ ਬਣਦੇ ਨਜ਼ਰ ਆਉਣਗੇ ਤੇ ਇਕ ਸੀਨ ਡਾਇਰੈਕਟ ਕਰਨਗੇ, ਜੋ ਕਾਫ਼ੀ ਮਜ਼ੇਦਾਰ ਹੋਵੇਗਾ। ਕਲਰਜ਼ ਨੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸਾਂਝਾ ਕੀਤਾ ਹੈ, ਜਿਸ 'ਚ ਅਲੀ ਡਾਇਰੈਕਸ਼ਨ ਕਰਦੇ ਦਿਖਾਈ ਦੇ ਰਹੇ ਹਨ ਤੇ ਜੈਸਮੀਨ ਉਨ੍ਹਾਂ ਦੀ ਅਸਿਸਟੈਂਟ ਡਾਇਰੈਕਟਰ ਹੈ। ਅਲੀ ਏਜਾਜ਼ ਖ਼ਾਨ ਨੂੰ ਕਹਿੰਦੇ ਹਨ ਕਿ ਤੁਸੀਂ ਪਵਿੱਤਰਾ ਨੂੰ 'ਕਿੱਸ' ਕਰਨਾ ਹੈ ਤੇ ਰਾਹੁਲ ਵੈਦਿਆ ਉਸ ਦਾ ਸਾਬਕਾ ਪ੍ਰੇਮੀ ਹੈ। ਏਜਾਜ਼, ਪਵਿੱਤਰਾ ਨੂੰ ਕਿੱਸ ਉਦੋਂ ਹੀ ਕਰਨਗੇ, ਜਦੋਂ ਰਾਹੁਲ ਉੱਥੇ ਆ ਜਾਣਗੇ। ਇਸ ਦੌਰਾਨ ਏਜਾਜ਼, ਪਵਿੱਤਰਾ ਨੂੰ ਮਜ਼ਾਕ 'ਚ ਕਿੱਸ ਕਰਦਾ ਹੈ ਤੇ ਸ਼ੌਟ ਕੱਟ ਬੋਲਣ ਤੋਂ ਬਾਅਦ ਵੀ ਨਹੀਂ ਹਟਦੇ। ਇਹ ਵੇਖ ਕੇ ਘਰਵਾਲੇ ਵੀ ਹੈਰਾਨ ਰਹਿ ਜਾਂਦੇ ਹਨ ਤੇ ਹੱਸਣ ਲੱਗ ਜਾਂਦੇ ਹਨ। ਇਸ ਤੋਂ ਬਾਅਦ ਏਜਾਜ਼ ਕਹਿੰਦਾ ਹੈ ਕਿ 'ਮੈਂ ਸੀਨ 'ਚ ਖੋਹ ਗਿਆ ਸੀ' ਹਾਲਾਂਕਿ ਇਹ ਸਭ ਸਿਰਫ਼ ਮਜ਼ਾਕ 'ਚ ਹੁੰਦਾ ਹੈ।
ਦੱਸਣਯੋਗ ਹੈ ਕਿ ਪਿਛਲੇ ਸੀਜ਼ਨ 'ਬਿੱਗ ਬੌਸ 13' 'ਚ ਆਸਿਮ ਰਿਆਜ਼ ਨੇ ਵੀ ਹਿਮਾਂਸ਼ੀ ਖੁਰਾਣਾ ਨੂੰ ਕਈ ਵਾਰ ਕਿੱਸ ਕੀਤਾ ਸੀ। ਹਾਲਾਂਕਿ ਆਸਿਮ ਨੇ ਮਜ਼ਾਕ 'ਚ ਨਹੀਂ ਸਗੋਂ ਸੱਚੇ ਦਿਲੋਂ ਹਿਮਾਂਸ਼ੀ ਨੂੰ ਪਿਆਰ ਕੀਤਾ। ਹਿਮਾਂਸ਼ੀ ਨੂੰ ਲੈ ਕੇ ਆਸਿਮ ਦੀਆਂ ਫੀਲਿੰਗਾਂ ਸੱਚੀਆਂ ਸਨ।
