ਹਿੱਟ ਫ਼ਿਲਮਾਂ ਦੇ ਨਿਰਦੇਸ਼ਕ ਅਨੁਭਵ ਸਿਨ੍ਹਾ ਨੇ ਬਾਲੀਵੁੱਡ ਨੂੰ ਕਿਹਾ ਅਲਵਿਦਾ

ਜਲੰਧਰ (ਬਿਊਰੋ) — 'ਗੁਲਾਬੀ ਗੈਂਗ', 'ਮੁਲਕ', 'ਥੱਪੜ' ਤੇ 'ਆਰਟੀਕਲ 15' ਵਰਗੀਆਂ ਹਿੱਟ ਫ਼ਿਲਮਾਂ ਦੇ ਨਿਰਦੇਸ਼ਕ ਅਨੁਭਵ ਸਿਨ੍ਹਾ ਨੇ ਐਲਾਨ ਕੀਤਾ ਕੀ ਉਹ ਹੁਣ ਬਾਲੀਵੁੱਡ ਫ਼ਿਲਮਾਂ ਨਹੀਂ ਬਣਾਉਣਗੇ। ਅਨੁਭਵ ਸਿਨ੍ਹਾ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਪੋਸਟ ਪਾ ਇਸ ਦੀ ਜਾਣਕਾਰੀ ਦਿੱਤੀ ਕਿ ਉਹ ਬਾਲੀਵੁੱਡ ਤੋਂ ਅਸਤੀਫ਼ਾ ਦੇ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਟਵਿਟਰ ਪ੍ਰੋਫ਼ਾਈਲ 'ਤੇ ਵੀ 'ਅਨੁਭਵ ਸਿਨ੍ਹਾ (Not 2ollywood)' ਕਰ ਦਿੱਤਾ ਹੈ।

ENOUGH!!!
I hereby resign from Bollywood.
Whatever the fuck that means.

— Anubhav Sinha (Not Bollywood) (@anubhavsinha) July 21, 2020

ਦੱਸ ਦਈਏ ਕਿ ਬਾਲੀਵੁੱਡ 'ਚ ਚੱਲ ਰਹੇ ਨੈਪੋਟਿਜ਼ਮ ਤੇ ਧੜੇਬੰਦੀ 'ਤੇ ਅਨੁਭਵ ਸਿਨ੍ਹਾ ਨੇ ਹਮੇਸ਼ਾ ਆਪਣੀ ਰਾਏ ਰੱਖੀ ਹੈ। ਸੁਸ਼ਾਂਤ ਦੀ ਮੌਤ ਤੋਂ ਬਾਅਦ ਇਹ ਮੁੱਦਾ ਕਾਫ਼ੀ ਭਖਿਆ ਵੀ ਹੋਇਆ ਹੈ। ਹਰ ਕੋਈ ਸੋਸ਼ਲ ਮੀਡੀਆ 'ਤੇ ਨੈਪੋਟਿਜ਼ਮ ਤੇ ਧੜੇਬੰਦੀ ਖ਼ਿਲਾਫ਼ ਬੋਲਦਾ ਨਜ਼ਰ ਆ ਰਿਹਾ ਹੈ। ਅੱਜ ਅਨੁਭਵ ਸਿਨ੍ਹਾ ਨੇ ਬਾਲੀਵੁੱਡ ਤੋਂ ਅਸਤੀਫ਼ਾ ਦੇ ਨਵੀਂ ਮੁਹਿੰਮ ਸ਼ੁਰੂ ਕਰ ਦਿੱਤੀ ਹੈ।

चलो दो लोग BOLLYWOOD से बाहर। अपन हिंदी फ़िल्म इंडस्ट्री में रह के फ़िल्में बनाएँगे।
यह ले अपनी लकुटी कम्बरिया, बहुतही नाच नचायो। https://t.co/gimZWCIKgK

— Anubhav Sinha (Not Bollywood) (@anubhavsinha) July 21, 2020

ਅਨੁਭਵ ਸਿਨ੍ਹਾ ਨੇ ਇਸ ਦੇ ਨਾਲ ਇਹ ਵੀ ਕਿਹਾ ਕਿ ਉਹ ਬਾਲੀਵੁੱਡ ਫ਼ਿਲਮ ਉਦਯੋਗ ਛੱਡ ਰਹੇ ਹਨ ਪਰ ਹਿੰਦੀ ਫ਼ਿਲਮਾਂ ਉਹ ਬਣਾਉਂਦੇ ਰਹਿਣਗੇ। ਅਨੁਭਵ ਸਿਨ੍ਹਾ ਦੇ ਇਸ ਟਵੀਟ ਤੋਂ ਬਾਅਦ ਨਿਰਦੇਸ਼ਕ ਹੰਸਲ ਮਹਿਤਾ ਤੇ ਸੁਧੀਰ ਮਿਸ਼ਰਾ ਨੇ ਉਨ੍ਹਾਂ ਦਾ ਸਾਥ ਦੇ ਬਾਲੀਵੁੱਡ ਇੰਡਸਟਰੀ ਛੱਡਣ ਦਾ ਫ਼ੈਸਲਾ ਕੀਤਾ ਹੈ।