ਇੰਸਟਾਗ੍ਰਾਮ ਦੀ 'ਰਿਚਲਿਸਟ' 'ਚ ਪ੍ਰਿਅੰਕਾ ਚੋਪੜਾ ਦੀ ਝੰਡੀ, ਇਕ ਪੋਸਟ ਦੇ ਕਮਾਉਂਦੀ ਹੈ ਕਰੋੜਾਂ

ਮੁੰਬਈ: ਬਾਲੀਵੁੱਡ ਸੈਲੇਬਿ੍ਰਟੀਸ ਕਮਾਈ ਦੇ ਮਾਮਲੇ 'ਚ ਕਿਸੇ ਤੋਂ ਪਿਛੇ ਨਹੀਂ ਹਨ ਇਹ ਇਕ ਵਾਰ ਹੋਰ ਸਾਬਿਤ ਹੋਇਆ ਹੈ। ਹਾਲ ਹੀ 'ਚ ਇੰਸਟਾਗ੍ਰਾਮ ਦੇ ਰਿਚਲਿਸਟ 2021 ਦੇ ਨਾਮ ਸਾਹਮਣੇ ਆਏ ਹਨ। ਇਨਾਂ 'ਚ ਦੋ ਭਾਰਤੀਆਂ ਨੇ ਥਾਂ ਬਣਾਈ ਹੈ। ਪ੍ਰਿਅੰਕਾ ਚੋਪੜਾ ਨੂੰ ਲਿਸਟ 'ਚ 27ਵਾਂ ਸਥਾਨ ਮਿਲਿਆ ਹੈ ਉਥੇ ਹੀ ਵਿਰਾਟ ਕੋਹਲੀ 19ਵੇਂ ਸਥਾਨ 'ਤੇ ਹੈ। ਇੰਸਟਾਗ੍ਰਾਮ ਤੇ ਪ੍ਰਿਅੰਕਾ ਚੋਪੜਾ ਕਾਫ਼ੀ ਸਰਗਰਮ ਰਹਿੰਦੀ ਹੈ ਅਤੇ ਉਹ ਇਸ 'ਤੇ ਪ੍ਰਮੋਸ਼ਨਲ ਪੋਸਟਸ ਵੀ ਕਰਦੀ ਹੈ। ਉਨ੍ਹਾਂ ਨੂੰ ਇਹ ਪੋਸਟ ਕਰਨ ਲਈ ਮੋਟੀ ਰਕਮ ਮਿਲਦੀ ਹੈ।

ਲਿਸਟ 'ਚ ਸ਼ਾਮਲ ਹੈ ਸਿਰਫ਼ ਦੋ ਭਾਰਤੀ
ਮਨੋਰੰਜਨ ਜਗਤ 'ਚ ਸਿਰਫ਼ ਪ੍ਰਿਅੰਕਾ ਚੋਪੜਾ ਨੇ ਇਸ ਲਿਸਟ 'ਚ ਆਪਣੀ ਥਾਂ ਬਣਾਈ ਹੈ। ਖ਼ਬਰਾਂ ਅਨੁਸਾਰ ਇੰਸਟਾਗ੍ਰਾਮ ਰਿਚ ਲਿਸਟ 2021 ਦੇ ਟਾਪ 30 ਅਨੁਸਾਰ ਪ੍ਰਿਅੰਕਾ ਚੋਪੜਾ ਆਪਣੀ ਹਰ ਇਕ ਪੋਸਟ ਲਈ ਕਰੋੜਾਂ ਲੈਂਦੀ ਹੈ। ਪਿਛਲੇ ਸਾਲ ਪ੍ਰਿਅੰਕਾ ਇਸ ਲਿਸਟ 'ਚ 19ਵੇਂ ਸਥਾਨ 'ਤੇ ਸੀ ਜੋ ਹੁਣ 27 'ਤੇ ਆ ਗਈ ਹੈ।

ਸਾਲ 'ਚ ਇਕ ਵਾਰ ਨਿਕਲਣ ਵਾਲੀ ਇਸ ਲਿਸਟ 'ਚ ਸੈਲੇਬਿ੍ਰਟੀਜ਼ ਪਰਸਨੈਲਿਟੀਜ਼ ਨੂੰ ਥਾਂ ਦਿੱਤੀ ਜਾਂਦੀ ਹੈ। ਇੰਸਟਾਗ੍ਰਾਮ 'ਤੇ ਪ੍ਰਿਅੰਕਾ ਚੋਪੜਾ ਦੇ 64 ਮਿਲੀਅਨ ਫਾਲੋਅਰਜ਼ ਹਨ। ਰਿਪੋਰਟਸ ਅਨੁਸਾਰ ਉਹ ਇਸ ਐਪ 'ਤੇ ਹਰ ਪ੍ਰਮੋਸ਼ਨਲ ਪੋਸਟ ਦੇ 3 ਕਰੋੜ ਰੁਪਏ ਚਾਰਜ ਕਰਦੀ ਹੈ।

ਪ੍ਰਿਅੰਕਾ ਤੋਂ ਵੱਧ ਕਮਾਉਂਦੇ ਹਨ ਵਿਰਾਟ ਕੋਹਲੀ
ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਦੂਸਰੇ ਅਜਿਹੇ ਭਾਰਤੀ ਹਨ ਜੋ ਟਾਪ 30 'ਚ ਸ਼ਾਮਿਲ ਹਨ, ਬੀਤੇ ਸਾਲ ਉਹ 23ਵੇਂ ਸਥਾਨ 'ਤੇ ਸੀ। ਇਸ ਵਾਰ ਉਹ ਪ੍ਰਿਅੰਕਾ ਚੋਪੜਾ ਤੋਂ ਅੱਗੇ ਨਿਕਲਕੇ 19ਵੇਂ ਸਥਾਨ 'ਤੇ ਪਹੁੰਚ ਗਏ ਹਨ। ਉਨ੍ਹਾਂ ਦੇ ਮਿਲੀਅਨ ਫਾਲੋਅਰਜ਼ ਹਨ ਤੇ ਹਰ ਪੋਸਟ ਦਾ 5 ਕਰੋੜ ਕਮਾਉਂਦੇ ਹਨ।