ਬੋਮਨ ਈਰਾਨੀ ਨੇ 78ਵੇਂ ਕਾਨਸ ਫਿਲਮ ਫੈਸਟੀਵਲ ''ਚ ਕੀਤਾ ਡੈਬਿਊ

ਮੁੰਬਈ (ਏਜੰਸੀ)- ਅਦਾਕਾਰ-ਨਿਰਦੇਸ਼ਕ ਬੋਮਨ ਈਰਾਨੀ ਨੇ 78ਵੇਂ ਕਾਨਸ ਫਿਲਮ ਫੈਸਟੀਵਲ ਵਿੱਚ ਆਪਣਾ ਡੈਬਿਊ ਕੀਤਾ, ਜੋ ਕਿ ਸਿਨੇਮਾ ਵਿੱਚ ਉਨ੍ਹਾਂ ਦੇ ਸ਼ਾਨਦਾਰ ਸਫ਼ਰ ਦਾ ਇੱਕ ਮਾਣਮੱਤਾ ਪਲ ਸੀ। ਬੋਮਨ ਰੈੱਡ ਕਾਰਪੇਟ 'ਤੇ ਚੱਲਦੇ ਹੋਏ ਆਤਮਵਿਸ਼ਵਾਸ ਨਾਲ ਭਰੇ ਅਤੇ ਸ਼ਾਨਦਾਰ ਦਿਖਾਈ ਦੇ ਰਹੇ ਸਨ, ਉਨ੍ਹਾਂ ਨੇ ਸ਼ਾਨ ਅਤੇ ਨਿਮਰਤਾ ਨਾਲ ਵਿਸ਼ਵਵਿਆਪੀ ਸੁਰਖੀਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। 

ਬੋਮਨ ਨੇ ਸੋਸ਼ਲ ਮੀਡੀਆ 'ਤੇ ਇਸ ਪਲ ਦੀਆਂ ਝਲਕੀਆਂ ਸਾਂਝੀਆਂ ਕੀਤੀਆਂ ਕੀਤੀਆਂ ਅਤੇ ਕੈਪਸ਼ਨ ਵਿਚ ਲਿਖਿਆ, "ਤੁਸੀਂ ਸੁਪਨੇ ਵੇਖਦੇ ਹੋ। ਤੁਸੀਂ ਤਿਆਰੀਆਂ ਕਰਦੇ ਹੋ। ਤੁਸੀਂ ਕਹਾਣੀਆਂ ਸੁਣਾਉਂਦੇ ਹੋ। ਅਤੇ ਇੱਕ ਦਿਨ, ਤੁਸੀਂ ਆਪਣੇ ਆਪ ਨੂੰ ਕਾਨਸ ਦੇ ਰੈੱਡ ਕਾਰਪੇਟ 'ਤੇ ਪਾਉਂਦੇ ਹੋ। 'ਤਨਵੀ ਦਿ ਗ੍ਰੇਟ' ਸਾਨੂੰ ਇੱਥੇ ਲੈ ਕੇ ਆਈ - ਅਤੇ ਮੈਨੂੰ ਇਸ ਤੋਂ ਵੱਧ ਮਾਣ ਨਹੀਂ ਹੋ ਸਕਦਾ!'