ਸ਼ਖਸ ਨੂੰ ਸਟੇਜ 'ਤੇ ਆਉਂਦੇ ਦੇਖ ਭੱਜੇ Sonu Nigam, ਬਾਊਂਸਰਾਂ ਨੇ ਕੀਤੀ ਕੁੱਟਮਾਰ, ਵੀਡੀਓ ਵਾਇਰਲ

ਮੁੰਬਈ- ਸੋਨੂੰ ਨਿਗਮ ਬਾਲੀਵੁੱਡ ਦੇ ਮਹਾਨ ਗਾਇਕਾਂ ਵਿੱਚੋਂ ਇੱਕ ਹਨ। ਉਨ੍ਹਾਂ ਨੇ ਕਈ ਸੁਪਰਹਿੱਟ ਗੀਤ ਦਿੱਤੇ ਹਨ। ਸੋਨੂੰ ਨਿਗਮ ਨੇ ਸ਼ਾਹਰੁਖ ਖਾਨ, ਸਲਮਾਨ ਖਾਨ ਸਮੇਤ ਫਿਲਮ ਇੰਡਸਟਰੀ ਦੇ ਲਗਭਗ ਚੋਟੀ ਦੇ ਸਿਤਾਰਿਆਂ ਦੀਆਂ ਫਿਲਮਾਂ ਲਈ ਗੀਤ ਗਾਏ ਹਨ। ਲੋਕ ਉਨ੍ਹਾਂ ਦੀ ਆਵਾਜ਼ ਤੋਂ ਪ੍ਰਭਾਵਿਤ ਹਨ। ਇਸ ਦੌਰਾਨ ਸੋਸ਼ਲ ਮੀਡੀਆ ‘ਤੇ ਸੋਨੂੰ ਨਿਗਮ ਦੀ ਇਕ ਵੀਡੀਓ ਸਾਹਮਣੇ ਆਈ ਹੈ, ਜਿਸ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਸਟੇਜ ‘ਤੇ ਇਕ ਵਿਅਕਤੀ ਨੂੰ ਕੁੱਟਿਆ ਜਾ ਰਿਹਾ ਹੈ ਪਰ ਉਨ੍ਹਾਂ ਨੇ ਗੀਤ ਗਾਉਣ ‘ਤੇ ਪੂਰਾ ਧਿਆਨ ਰੱਖਿਆ ਅਤੇ ਆਪਣੀ ਟਿਊਨ ਨੂੰ ਖਰਾਬ ਨਹੀਂ ਹੋਣ ਦਿੱਤਾ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Sonuholic Abhi ❤️😇 (@sonu_sir.75)

ਵਾਇਰਲ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਸੋਨੂੰ ਨਿਗਮ ਸਟੇਜ ‘ਤੇ ਫਿਲਮ ‘ਰਬ ਨੇ ਬਨਾ ਦੀ ਜੋੜੀ’ ਦਾ ਗੀਤ ‘ਫਿਰ ਮਿਲਾਂਗੇ ਚਲਤੇ ਚਲਤੇ’ ਗਾ ਰਹੇ ਹਨ। ਫਿਰ ਇਕ ਵਿਅਕਤੀ ਸਟੇਜ ‘ਤੇ ਚੜ੍ਹ ਗਿਆ ਅਤੇ ਸੋਨੂੰ ਨਿਗਮ ਵੱਲ ਵਧਣਾ ਸ਼ੁਰੂ ਕਰ ਦਿੱਤਾ ਪਰ ਸੋਨੂੰ ਨਿਗਮ ਬਿਲਕੁਲ ਵੀ ਨਹੀਂ ਘਬਰਾਏ ਅਤੇ ਗੀਤ ਗਾਉਂਦੇ ਹੋਏ ਪਿੱਛੇ ਹੋ ਗਏ। ਸਟੇਜ ‘ਤੇ ਮੌਜੂਦ ਸੁਰੱਖਿਆ ਗਾਰਡਾਂ ਨੇ ਵਿਅਕਤੀ ਨੂੰ ਫੜ ਲਿਆ ਅਤੇ ਫਿਰ ਉਸ ਨੂੰ ਕੁੱਟਿਆ ਅਤੇ ਸਟੇਜ ਤੋਂ ਸੁੱਟ ਦਿੱਤਾ।

ਬਿਨਾਂ ਰੁਕੇ ਗਾਉਂਦੇ ਰਹੇ ਸੋਨੂੰ ਨਿਗਮ
ਇਸ ਦੌਰਾਨ ਸੋਨੂੰ ਨਿਗਮ ਅਤੇ ਉਨ੍ਹਾਂ ਦੀ ਪੂਰੀ ਟੀਮ ਬਿਨਾਂ ਰੁਕੇ ਸਟੇਜ ‘ਤੇ ਪ੍ਰਦਰਸ਼ਨ ਕਰਦੀ ਰਹੀ ਅਤੇ ਗੀਤ ਗਾਉਂਦੀ ਰਹੀ। ਜੇਕਰ ਉਨ੍ਹਾਂ ਦੀ ਥਾਂ ਕੋਈ ਹੋਰ ਗਾਇਕ ਹੁੰਦਾ ਤਾਂ ਸ਼ਾਇਦ ਹੀ ਅਜਿਹੀ ਹਾਲਤ ਵਿੱਚ ਪਰਫਾਰਮ ਕਰ ਸਕੇ। ਵਾਇਰਲ ਵੀਡੀਓ ‘ਤੇ ਯੂਜ਼ਰਸ ਮਜ਼ਾਕੀਆ ਕੁਮੈਂਟ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਅਰਿਜੀਤ ਸਿੰਘ ਬਿਲਕੁੱਲ ਸਹੀ ਸੀ ਜਦੋਂ ਉਨ੍ਹਾਂ ਨੇ ਕਿਹਾ ਕਿ ਸੋਨੂੰ ਨਿਗਮ ਜੀ ਕਦੇ ਵੀ ਬੇਤੁਕਾ ਗੀਤ ਨਹੀਂ ਗਾ ਸਕਦੇ।’ ਇਕ ਹੋਰ ਨੇ ਕਮੈਂਟ ਕੀਤਾ, ‘ਇਹ ਸੱਚਮੁੱਚ ਹੈਰਾਨੀਜਨਕ ਸੀ, ਜਿਸ ਤਰ੍ਹਾਂ ਸੋਨੂੰ ਨਿਗਮ ਨੇ ਵਿਅਕਤੀ ਤੋਂ ਬਚਿਆ ਅਤੇ ਗਾਉਣਾ ਜਾਰੀ ਰੱਖਿਆ।’

ਇਹ ਖ਼ਬਰ ਵੀ ਪੜ੍ਹੋ -ਸਲਮਾਨ ਖ਼ਾਨ ਨੂੰ ਮੁੜ ਮਿਲੀ ਧਮਕੀ, ਮੰਗੇ 2 ਕਰੋੜ ਰੁਪਏ

ਯੂਜ਼ਰਸ ਨੇ ਸੋਨੂੰ ਨਿਗਮ ਦੀ ਕੀਤੀ ਤਰੀਫ
ਵੀਡੀਓ ‘ਤੇ ਕੁਮੈਂਟ ਕਰਦੇ ਹੋਏ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਸੋਨੂੰ ਸਰ ਇੰਨੇ ਐਕਟਿਵ ਹਨ ਅਤੇ ਸੁਰ ਦੇ ਇੰਨੇ ਪੱਕੇ ਹਨ ਕਿ ਉਹ ਇੰਨੀ ਤੇਜ਼ੀ ਨਾਲ ਭੱਜੇ ਪਰ ਸੁਰ ਨੂੰ ਥੋੜਾ ਜਿਹਾ ਵੀ ਖਰਾਬ ਨਹੀਂ ਹੋਣ ਦਿੱਤਾ।’ ਇਸ ਤਰ੍ਹਾਂ ਸੋਸ਼ਲ ਮੀਡੀਆ ਯੂਜ਼ਰਸ ਸੋਨੂੰ ਨਿਗਮ ਦੀ ਤਰੀਫ ‘ਚ ਗੀਤ ਗਾ ਰਹੇ ਹਨ। ਇਸ ਦੇ ਨਾਲ ਹੀ ਕੁਝ ਲੋਕਾਂ ਨੇ ਇਹ ਵੀ ਆਲੋਚਨਾ ਕੀਤੀ ਹੈ ਕਿ ਉਸ ਆਦਮੀ ਨੂੰ ਸਟੇਜ ਤੋਂ ਹਟਾ ਦੇਣਾ ਚਾਹੀਦਾ ਸੀ, ਪਰ ਸੁਰੱਖਿਆ ਗਾਰਡਾਂ ਨੂੰ ਉਸ ਨੂੰ ਨਹੀਂ ਮਾਰਨਾ ਚਾਹੀਦਾ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।