ਬਾਲੀਵੁੱਡ ਅਭਿਨੇਤਾ ਪੀਯੂਸ਼ ਮਿਸ਼ਰਾ LPU ’ਚ ‘ਕਿਤਾਬ ਉਤਸਵ 2024’ ’ਚ ਹੋਏ ਸ਼ਾਮਲ

ਜਲੰਧਰ (ਦਰਸ਼ਨ)- ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ, ਗੀਤਕਾਰ, ਲੇਖਕ ਤੇ ਥੀਏਟਰ ਮਾਸਟਰ ਪੀਯੂਸ਼ ਮਿਸ਼ਰਾ ਨੇ ਕਿਹਾ, “ਜਨਰੇਸ਼ਨ ਜ਼ੇਡ ਇਕ ਅਣਗੌਲੇ ਮਿਜ਼ਾਈਲ ਹਨ ਅਤੇ ਇਸ ਨੂੰ ਸਹੀ ਸਾਹਿਤ, ਸਿਨੇਮਾ ਅਤੇ ਸੰਗੀਤ ਦੇਣਾ ਸਾਡੀ ਜ਼ਿੰਮੇਵਾਰੀ ਹੈ ਤਾਂ ਜੋ ਇਹ ਸਹੀ ਦਿਸ਼ਾ ਵੱਲ ਵਧੇ। ਉਨ੍ਹਾਂ ਦੇ ਸ਼ਬਦਾਂ ਨੇ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ (ਐੱਲ. ਪੀ. ਯੂ.) ਦੇ ਤਿੰਨ ਦਿਨਾਂ ਸਾਹਿਤ ਉਤਸਵ, ਕਿਤਾਬ ਉਤਸਵ-ਕਹਾਣੀਆਂ ਕਾ ਉਤਸਵ ਦੇ ਮਾਹੌਲ ਨੂੰ ਬਹੁਤ ਹੀ ਸ਼ਾਨਦਾਰ ਬਣਾਇਆ। ਇਹ ਸਕੂਲ ਆਫ ਲਿਬਰਲ ਐਂਡ ਕ੍ਰਿਏਟਿਵ ਆਰਟਸ (ਸਮਾਜਿਕ ਵਿਗਿਆਨ ਅਤੇ ਭਾਸ਼ਾਵਾਂ) ਵੱਲੋਂ ਰਾਜਕਮਲ ਪਬਲਿਸ਼ਿੰਗ ਗਰੁੱਪ ਦੇ ਸਹਿਯੋਗ ਨਾਲ ਆਯੋਜਿਤ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ- ਤਲਾਕ ਦੇ ਐਲਾਨ ਤੋਂ ਬਾਅਦ ਹੋ ਸਕਦੀ ਹੈ AR Rahman- ਸ਼ਾਇਰਾ ਬਾਨੋ 'ਚ ਸੁਲ੍ਹਾ!

ਡਾ: ਅਸ਼ੋਕ ਕੁਮਾਰ ਮਿੱਤਲ ਸੰਸਦ ਮੈਂਬਰ (ਰਾਜ ਸਭਾ) ਤੇ ਐੱਲ. ਪੀ. ਯੂ. ਦੇ ਸੰਸਥਾਪਕ ਚਾਂਸਲਰ, ਡਾ. ਰਸ਼ਮੀ ਮਿੱਤਲ ਪ੍ਰੋ-ਚਾਂਸਲਰ ਨੇ ਆਏ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਡਾ. ਅਸ਼ੋਕ ਮਿੱਤਲ ਨੇ ਕਿਹਾ, “ਪੜ੍ਹਨਾ ਨਿੱਜੀ ਵਿਕਾਸ ਅਤੇ ਅਕਾਦਮਿਕ ਤੰਦਰੁਸਤੀ ਦੀ ਨੀਂਹ ਹੈ।” ਐੱਲ. ਪੀ. ਯੂ. ਦੀ ਕੇਂਦਰੀ ਲਾਇਬ੍ਰੇਰੀ, ਕਿਤਾਬਾਂ ਦੇ ਆਪਣੇ ਵਿਸ਼ਾਲ ਸੰਗ੍ਰਹਿ ਦੇ ਨਾਲ, ਸਿੱਖਣ ਤੇ ਗਿਆਨ ਦੇ ਸੱਭਿਆਚਾਰ ਨੂੰ ਵਿਕਸਤ ਕਰਨ ਲਈ ਸਾਡੇ ਸਮਰਪਣ ਨੂੰ ਦਰਸਾਉਂਦੀ ਹੈ।

ਪੀਯੂਸ਼ ਮਿਸ਼ਰਾ ਦੇ ਸੈਸ਼ਨ ਨੇ ਦਰਸ਼ਕਾਂ ਨੂੰ ਮੋਹ ਲਿਆ। ਆਪਣੀ ਸਵੈ-ਜੀਵਨੀ ‘ਤੁਮਹਾਰੀ ਔਕਾਤ ਕਯਾ ਹੈ’ ’ਤੇ ਚਰਚਾ ਕਰਦੇ ਹੋਏ ਉਨ੍ਹਾਂ ਨੇ ਇਸ ਵਿਚ ਜਿੱਤਾਂ ਅਤੇ ਕਮੀਆਂ ਨੂੰ ਸੰਬੋਧਿਤ ਕਰਦੇ ਹੋਏ ਆਪਣੀ ਜ਼ਿੰਦਗੀ ਦਾ ਇਕ ਸਪੱਸ਼ਟ ਚਿੱਤਰਣ ਦੱਸਿਆ। ਉਨ੍ਹਾਂ ਦੇ ਪ੍ਰਸਿੱਧ ਗੀਤ ‘ਇਕ ਬਾਗਲ’ ਅਤੇ ‘ਆਰੰਭ ਹੈ ਪ੍ਰਚੰਡ’ ਦੇ ਲਾਈਵ ਪ੍ਰਦਰਸ਼ਨ ਨੂੰ ਤਾੜੀਆਂ ਦੀ ਗੜਗੜਾਹਟ ਮਿਲੀ। ਉਨ੍ਹਾਂ ਨੇ ਇਹ ਵੀ ਸਾਂਝਾ ਕੀਤਾ ਕਿ 2016 ਵਿਚ ਬਣੇ ਉਨ੍ਹਾਂ ਦੇ ਬੈਂਡ ਵਿਚ ਐੱਲ. ਪੀ. ਯੂ. ਦੇ ਸਾਬਕਾ ਵਿਦਿਆਰਥੀ ਜਯੰਤ ਪਟਨਾਇਕ ਸ਼ਾਮਲ ਹਨ। ਆਪਣੇ ਸੈਸ਼ਨ ਵਿਚ ਨਾਮਵਰ ਲੇਖਕ ਸਰਬਪ੍ਰੀਤ ਸਿੰਘ ਨੇ ਵੀ ਵਿਦਿਆਰਥੀਆਂ ਨਾਲ ਗੱਲਬਾਤ ਕੀਤੀ।

ਇਹ ਵੀ ਪੜ੍ਹੋੋ- ਮਸ਼ਹੂਰ Influencer ਦਾ ਪ੍ਰਾਈ. ਵੇਟ ਵੀਡੀਓ ਲੀਕ, ਅਜਿਹੀ ਹਾਲਤ 'ਚ ਵੇਖ ਉਡੇ ਲੋਕਾਂ ਦੇ ਹੋਸ਼

ਅਨੁਰਾਧਾ ਬੈਨੀਵਾਲ ਰਾਸ਼ਟਰੀ ਸ਼ਤਰੰਜ ਚੈਂਪੀਅਨ ਤੇ ਲੇਖਕ ਆਪਣੀ ਕਿਤਾਬ ‘ਅਜ਼ਾਦੀ ਮੇਰਾ ਬ੍ਰਾਂਡ’ ਤੋਂ ਪ੍ਰੇਰਨਾ ਲੈਂਦਿਆਂ ਬੁੱਕ ਉਤਸਵ 2024 ਵਿਚ ਆਪਣੀ ਯਾਤਰਾ ਸਾਂਝੀ ਕਰਦੀ ਹੈ। ਉਸ ਨੇ ਆਜ਼ਾਦੀ ’ਤੇ ਜ਼ੋਰ ਦਿੰਦੇ ਹੋਏ ਕਿਹਾ, ‘ਆਜ਼ਾਦੀ ਸਿਰਫ਼ ਉਦੋਂ ਆਜ਼ਾਦੀ ਨਹੀਂ ਹੈ ਜਦੋਂ ਤੁਹਾਨੂੰ ਕੁਝ ਕਰਨ ਦੀ ਇਜਾਜ਼ਤ ਦਿੱਤੀ ਜਾਂਦੀ ਹੈ।’ ਵਿਨੀਤ ਕੁਮਾਰ ਲੇਖਕ ਨੇ ਵੱਧ ਰਹੇ ਸਕਰੀਨ ਟਾਈਮ ਦੇ ਯੁੱਗ ਵਿਚ ਡਿਜੀਟਲ ਡੀਟੌਕਸ ਦੀ ਲੋੜ ਬਾਰੇ ਚਰਚਾ ਕੀਤੀ। ਇਸ ਮੌਕੇ ਗਲਪ ਅਤੇ ਗੈਰ-ਗਲਪ ਤੋਂ ਲੈ ਕੇ ਇਤਿਹਾਸ, ਕਵਿਤਾ, ਸਿਨੇਮਾ ਅਤੇ ਜੀਵਨੀਆਂ ਤੱਕ ਦੀਆਂ ਸ਼ੈਲੀਆਂ ਦਾ ਪ੍ਰਦਰਸ਼ਨ ਕੀਤਾ ਗਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ।

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।