ਭਾਰਤ-ਪਾਕਿ ਜੰਗ ''ਤੇ ਬਿਆਨ ਦੇ ਕੇ ਫਸੀ ਬਾਲੀਵੁੱਡ ਅਦਾਕਾਰਾ, ''ਜਾਓ ਖੁਦ ਲੜ ਲਓ''

ਐਂਟਰਟੇਨਮੈਂਟ ਡੈਸਕ- ਬਾਲੀਵੁੱਡ ਅਦਾਕਾਰਾ ਨੌਹੀਦ ਸੇਰੂਸੀ ਹਾਲ ਹੀ ਵਿੱਚ ਆਪਣੀ ਇੱਕ ਸੋਸ਼ਲ ਮੀਡੀਆ ਪੋਸਟ ਨੂੰ ਲੈ ਕੇ ਵਿਵਾਦਾਂ ਵਿੱਚ ਆ ਗਈ ਹੈ। ਫ਼ਿਲਮ 'ਅਨਵਰ' ਨਾਲ ਪ੍ਰਸਿੱਧੀ ਹਾਸਲ ਕਰਨ ਵਾਲੀ ਨੌਹੀਦ ਨੇ ਕਸ਼ਮੀਰ ਦੇ ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਭਾਰਤ ਵੱਲੋਂ ਕੀਤੀ ਗਈ ਜਵਾਬੀ ਕਾਰਵਾਈ 'ਆਪ੍ਰੇਸ਼ਨ ਸਿੰਦੂਰ' 'ਤੇ ਟਿੱਪਣੀ ਕਰਦੇ ਹੋਏ ਯੁੱਧ ਵਿਰੁੱਧ ਆਪਣਾ ਸਟੈਂਡ ਪ੍ਰਗਟ ਕੀਤਾ। ਹਾਲਾਂਕਿ, ਇਸ ਬਿਆਨ ਤੋਂ ਬਾਅਦ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ 'ਤੇ ਭਾਰੀ ਟ੍ਰੋਲ ਕੀਤਾ ਗਿਆ ਅਤੇ ਬਾਅਦ ਵਿੱਚ ਉਨ੍ਹਾਂ ਨੂੰ ਆਪਣੀ ਪੋਸਟ ਡਿਲੀਟ ਕਰਨੀ ਪਈ।
ਜੰਗ 'ਤੇ ਟਿੱਪਣੀ ਨਾਲ ਵਧਿਆ ਬਵਾਲ
ਭਾਰਤ ਵੱਲੋਂ ਪਾਕਿਸਤਾਨ ਅਤੇ ਪੀਓਕੇ ਵਿੱਚ ਅੱਤਵਾਦੀ ਕੈਂਪਾਂ 'ਤੇ ਕੀਤੇ ਗਏ ਹਵਾਈ ਹਮਲੇ ਤੋਂ ਬਾਅਦ ਦੇਸ਼ ਭਰ ਦੇ ਲੋਕ ਭਾਰਤੀ ਫੌਜ ਅਤੇ ਸਰਕਾਰ ਦਾ ਸਮਰਥਨ ਕਰਦੇ ਦੇਖੇ ਗਏ। ਕਈ ਬਾਲੀਵੁੱਡ ਸਿਤਾਰੇ ਵੀ ਆਪ੍ਰੇਸ਼ਨ ਸਿੰਦੂਰ ਦੀ ਪ੍ਰਸ਼ੰਸਾ ਕਰ ਰਹੇ ਹਨ। ਦੂਜੇ ਪਾਸੇ ਨੌਹੀਦ ਸੇਰੂਸੀ ਦਾ ਬਿਆਨ ਇਸ ਆਮ ਭਾਵਨਾ ਦੇ ਉਲਟ ਸੀ। ਉਨ੍ਹਾਂ ਨੇ ਆਪਣੀ ਪੋਸਟ ਵਿੱਚ ਲਿਖਿਆ-'ਉਨ੍ਹਾਂ ਸਾਰਿਆਂ ਲੋਕਾਂ ਲਈ ਜੋ ਜੰਗ ਚਾਹੁੰਦੇ ਹਨ...ਜਾਓ ਖੁਦ ਲੜ ਲਓ... ਆਪਣੇ ਮਾਤਾ-ਪਿਤਾ, ਆਪਣੇ ਅੰਕਲ ਆਂਟੀ, ਆਪਣੇ ਸਾਥੀਆਂ, ਆਪਣੇ ਭਰਾਵਾਂ ਅਤੇ ਭੈਣਾਂ ਨੂੰ ਭੇਜੋ... ਫਿਰ ਆਪਣੇ ਆਪ ਤੋਂ ਦੁਬਾਰਾ ਪੁੱਛੋ, ਕੀ ਤੁਸੀਂ ਸੱਚਮੁੱਚ ਜੰਗ ਚਾਹੁੰਦੇ ਹੋ?' ਇਸ ਦੇ ਨਾਲ ਉਨ੍ਹਾਂ ਨੇ ਕੈਪਸ਼ਨ ਵਿੱਚ ਲਿਖਿਆ, 'ਜੰਗ 'ਚ ਕੋਈ ਨਹੀਂ ਜਿੱਤਦਾ'।

ਨੌਹੀਦ ਟ੍ਰੋਲਸ ਦਾ ਸ਼ਿਕਾਰ ਹੋ ਗਈ
ਜਿਵੇਂ ਹੀ ਉਨ੍ਹਾਂ ਦਾ ਬਿਆਨ ਵਾਇਰਲ ਹੋਇਆ, ਯੂਜ਼ਰਸ ਨੇ ਉਨ੍ਹਾਂ ਨੂੰ ਘੇਰ ਲਿਆ। ਕਿਸੇ ਨੇ ਲਿਖਿਆ- 'ਦੀਦੀ, ਤੁਹਾਡੇ ਕਹਿਣ ਤੋਂ ਬਾਅਦ ਫੌਜ ਜੰਗ ਨਹੀਂ ਲੜੇਗੀ, ਤੁਸੀਂ ਸਾਈਡ 'ਤੇ ਬੈਠ ਜਾਓ।' ਇੱਕ ਹੋਰ ਨੇ ਤਾਅਨਾ ਮਾਰਿਆ ਅਤੇ ਕਿਹਾ-'ਪਰਸੋਂ ਤੁਸੀਂ ਇੱਕ ਦੋਸ਼ੀ ਦਾ ਵੀਡੀਓ ਪੋਸਟ ਕੀਤਾ ਸੀ ਜਿਸਨੂੰ ਕੈਪਸ਼ਨ ਦਿੱਤੀ'‘I love him’ ', ਹੁਣ ਤੁਸੀਂ ਜੰਗ 'ਤੇ ਗਿਆਨ ਦੇ ਰਹੇ ਹੋ।' ਕਈ ਲੋਕਾਂ ਨੇ ਉਸਨੂੰ ਅਨਫਾਲੋ ਕਰਨ ਦੀ ਧਮਕੀ ਵੀ ਦਿੱਤੀ।
ਪੋਸਟ ਡਿਲੀਟ ਕਰ ਹਟਾਈ ਸਫਾਈ 
ਭਾਰੀ ਵਿਰੋਧ ਤੋਂ ਬਾਅਦ ਨੌਹੀਦ ਨੇ ਆਪਣੇ ਇੰਸਟਾਗ੍ਰਾਮ ਤੋਂ ਉਹ ਪੋਸਟ ਹਟਾ ਦਿੱਤੀ ਹੈ। ਹੁਣ ਉਹ ਪੋਸਟ ਉਸਦੇ ਅਕਾਊਂਟ 'ਤੇ ਦਿਖਾਈ ਨਹੀਂ ਦੇ ਰਹੀ। ਹਾਲਾਂਕਿ ਉਦੋਂ ਤੱਕ ਉਸਦੇ ਬਿਆਨ ਦੇ ਸਕਰੀਨਸ਼ਾਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਚੁੱਕੇ ਸਨ।