ਅਦਾਕਾਰਾ Keerthy Suresh ਬੱਝੀ ਵਿਆਹ ਦੇ ਬੰਧਨ ''ਚ, ਦੇਖੋ ਤਸਵੀਰਾਂ

ਮੁੰਬਈ- ਵਰੁਣ ਧਵਨ ਦੀ ਕੋ-ਸਟਾਰ ਕੀਰਤੀ ਸੁਰੇਸ਼ ਵਿਆਹ ਦੇ ਬੰਧਨ 'ਚ ਬੱਝ ਗਈ ਹੈ। 'ਬੇਬੀ ਜੌਨ' ਅਦਾਕਾਰਾ ਨੇ ਅੱਜ ਆਪਣੇ ਪ੍ਰੇਮੀ ਐਂਥਨੀ ਥਾਟਿਲ ਨਾਲ ਵਿਆਹ ਕਰਵਾ ਲਿਆ ਹੈ। ਗੋਆ 'ਚ ਕੀਰਤੀ ਸੁਰੇਸ਼ ਨੇ ਆਪਣੇ ਪਰਿਵਾਰ ਦੀ ਮੌਜੂਦਗੀ 'ਚ ਦੱਖਣ ਭਾਰਤੀ ਅੰਦਾਜ਼ 'ਚ ਵਿਆਹ ਕਰਵਾਇਆ ਅਤੇ ਹੁਣ ਉਸ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈਆਂ ਹਨ।

ਇਨ੍ਹਾਂ ਤਸਵੀਰਾਂ 'ਚ ਬਹੁਤ ਸਾਰੀਆਂ ਭਾਵਨਾਵਾਂ ਹਨ, ਜੋ ਬਹੁਤ ਕੁਝ ਬਿਆਨ ਕਰਦੀਆਂ ਹਨ।ਸਾਊਥ ਅਦਾਕਾਰਾ ਕੀਰਤੀ ਸੁਰੇਸ਼ ਨੇ ਕੁਝ ਸਮਾਂ ਪਹਿਲਾਂ ਇੰਸਟਾਗ੍ਰਾਮ 'ਤੇ ਆਪਣੇ ਵਿਆਹ ਦੀਆਂ ਕੁਝ ਖਾਸ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਕੀਰਤੀ ਸਾਊਥ ਬ੍ਰਾਈਡਲ ਗੈਟਅੱਪ 'ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ।

ਇਸ ਦੌਰਾਨ ਕੀਰਤੀ ਅਤੇ ਐਂਥਨੀ ਦੋਵੇਂ ਇਕ-ਦੂਜੇ ਨਾਲ ਕਾਫੀ ਖੁਸ਼ ਨਜ਼ਰ ਆਏ। ਕੀਰਤੀ ਨੇ ਇਨ੍ਹਾਂ ਤਸਵੀਰਾਂ ਨੂੰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕਰਦੇ ਹੋਏ ਲਿਖਿਆ, 'ਨਾਈਕੀ ਦੇ ਪਿਆਰ ਲਈ।'

ਇਨ੍ਹਾਂ ਤਸਵੀਰਾਂ 'ਚ ਤੁਸੀਂ ਸਾਫ ਦੇਖ ਸਕਦੇ ਹੋ ਕਿ ਕੀਰਤੀ ਸੁਰੇਸ਼ ਅਤੇ ਐਂਥਨੀ ਥਾਟਿਲ ਕਿੰਨੇ ਖੁਸ਼ ਨਜ਼ਰ ਆ ਰਹੇ ਹਨ। ਐਂਥਨੀ ਨੇ ਜਿਵੇਂ ਹੀ ਕੀਰਤੀ ਦੇ ਗਲੇ 'ਚ ਮੰਗਲਸੂਤਰ ਪਾਇਆ ਤਾਂ ਦੁਲਹਨ ਦੀਆਂ ਅੱਖਾਂ 'ਚ ਹੰਝੂ ਆ ਗਏ ਅਤੇ ਉਹ ਐਂਥਨੀ ਨੂੰ ਦੇਖਦੀ ਰਹੀ। ਇਸ ਤੋਂ ਬਾਅਦ ਦੋਵਾਂ ਨੇ ਇੱਕ ਦੂਜੇ ਨੂੰ ਜੱਫੀ ਪਾ ਲਈ।

ਕੰਮ ਦੀ ਗੱਲ ਕਰੀਏ ਤਾਂ ਦੱਖਣ ਦੀ ਅਦਾਕਾਰਾ ਕੀਰਤੀ ਫਿਲਮ 'ਬੇਬੀ ਜੌਨ' 'ਚ ਨਜ਼ਰ ਆਵੇਗੀ। ਫਿਲਮ 'ਚ ਕੀਰਤੀ ਸੁਰੇਸ਼ ਤੋਂ ਇਲਾਵਾ ਵਰੁਣ ਧਵਨ, ਜ਼ਾਰਾ ਜਯਨਾ, ਵਾਮਿਕਾ ਗੱਬੀ, ਜੈਕੀ ਸ਼ਰਾਫ ਅਤੇ ਰਾਜਪਾਲ ਯਾਦਵ ਨੇ ਵੀ ਮੁੱਖ ਭੂਮਿਕਾਵਾਂ ਨਿਭਾਈਆਂ ਹਨ।

'ਬੇਬੀ ਜੌਨ' ਐਟਲੀ ਦੀ 2016 ਦੀ ਤਾਮਿਲ ਫਿਲਮ ਥੇਰੀ ਦਾ ਰੀਮੇਕ ਹੈ। ਫਿਲਮ ਦਾ ਨਿਰਦੇਸ਼ਨ ਕਾਲਿਜ ਨੇ ਕੀਤਾ ਹੈ। ਪ੍ਰਸ਼ੰਸਕ ਫਿਲਮ ਦੀ ਰਿਲੀਜ਼ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।