ਹੁਣ ''ਬਿੱਗ ਬੌਸ 14'' ''ਚ ਪਹੁੰਚਿਆ ਨੇਪੋਟਿਜ਼ਮ, ਇਸ ਮੁਕਾਬਲੇਬਾਜ਼ ''ਤੇ ਭੜਕੇ ਸਲਮਾਨ ਖ਼ਾਨ (ਵੀਡੀਓ)
11/01/2020 9:50:03 AM
ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਸੁਸਾਈਡ ਕੇਸ ਤੋਂ ਬਾਅਦ ਸੋਸ਼ਲ ਮੀਡੀਆ ਤੋਂ ਲੈ ਕੇ ਫ਼ਿਲਮੀ ਗਲਿਆਰੀਆਂ ਤਕ ਨੇਪੋਟਿਜ਼ਮ 'ਤੇ ਨਵੀਂ ਬਹਿਸ ਨੇ ਜਨਮ ਲਿਆ ਹੈ। ਹੁਣ ਇਹ ਮੁੱਦਾ ਸੋਸ਼ਲ ਮੀਡੀਆ ਤੋਂ ਬਾਅਦ ਟੀ. ਵੀ. ਜਗਤ ਦੇ ਮਸ਼ਹੂਰ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 14' ਦੇ ਘਰ 'ਚ ਵੀ ਪਹੁੰਚ ਗਿਆ ਹੈ। ਦਰਅਸਲ ਹਾਲ ਹੀ 'ਚ 'ਬਿੱਗ ਬੌਸ 14' ਦੇ ਮੁਕਾਬਲੇਬਾਜ਼ ਰਾਹੁਲ ਵੈਦਿਆ, ਗਾਇਕ ਕੁਮਾਰ ਸਾਨੂ ਦੇ ਬੇਟੇ ਜਾਨ ਕੁਮਾਰ ਸਾਨੂ 'ਤੇ ਨੇਪੋਟਿਜ਼ਮ ਨੂੰ ਲੈ ਕੇ ਕੁਮੈਂਟ ਕਰਦੇ ਦਿਖੇ ਸੀ। ਇਸ ਤੋਂ ਬਾਅਦ ਇਹ ਮੁੱਦਾ 'ਵੀਕੈਂਡ ਕਾ ਵਾਰ' 'ਚ ਵੀ ਭੜਕਦਾ ਹੋਇਆ ਦਿਖਾਈ ਦਿੱਤਾ।
ਕਲਰਸ ਵੱਲੋ 'ਵੀਕੈਂਡ ਦਾ ਵਾਰ' ਦੀ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਨਜ਼ਰ ਆ ਰਿਹਾ ਹੈ ਕਿ ਸਲਮਾਨ ਖ਼ਾਨ ਨੇਪੋਟਿਜ਼ਮ ਨੂੰ ਲੈ ਕੇ ਗੱਲ ਕਰ ਰਹੇ ਹਨ। ਵੀਡੀਓ 'ਚ ਦਿਖ ਰਿਹਾ ਹੈ ਕਿ ਸਲਮਾਨ ਖ਼ਾਨ ਨੇਪੋਟਿਜ਼ਮ ਨੂੰ ਲੈ ਕੇ ਰਾਹੁਲ ਵੈਦਿਆ ਸੁਣਾ ਰਹੇ ਹਨ ਤੇ ਕਈ ਸਵਾਲ ਖੜ੍ਹੇ ਕਰ ਰਹੇ ਹਨ। ਸਲਮਾਨ ਖ਼ਾਨ ਦਾ ਕਹਿਣਾ ਹੈ ਕਿ 'ਜੇ ਕੋਈ ਮਾਤਾ-ਪਿਤਾ ਆਪਣੇ ਬੇਟੇ ਲਈ ਕੁਝ ਕਰਦੇ ਹਨ ਤਾਂ ਕੀ ਇਹ ਨੇਪੋਟਿਜ਼ਮ ਹੈ? ਨਾਲ ਹੀ ਸਲਮਾਨ ਲਗਾਤਾਰ ਨੇਪੋਟਿਜ਼ਮ ਨੂੰ ਲੈ ਕੇ ਰਾਹੁਲ ਦੀ ਕਲਾਸ ਲਗਾ ਰਹੇ ਹਨ ਤੇ ਉਹ ਚੁੱਪ-ਚਾਪ ਸਲਮਾਨ ਦੀ ਗੱਲ ਸੁਣ ਰਹੇ ਹਨ।
ਇਹ ਪੂਰੀ ਵੀਡੀਓ ਵੀਕੈਂਡ ਦਾ ਵਾਰ ਦੇ ਪ੍ਰਸਾਰਣ ਦੇ ਸਮੇਂ ਦੇਖਿਆ ਜਾ ਸਕਦਾ ਹੈ ਕਿ ਆਖੀਰ ਸਲਮਾਨ ਇੰਨਾ ਜ਼ਿਆਦਾ ਕਿਉਂ ਭੜਕ ਗਏ। ਨਾਲ ਹੀ ਉਹ ਨੇਪੋਟਿਜ਼ਮ ਨੂੰ ਲੈ ਕੇ ਕੀ-ਕੀ ਬੋਲ ਰਹੇ ਹਨ। ਨਾਲ ਹੀ ਸਲਮਾਨ ਨੇ ਇਹ ਵੀ ਕਿਹਾ ਕਿ 'ਬਿੱਗ ਬੌਸ' ਉਹ ਪਲੇਅ ਆਫ਼ ਨਹੀਂ ਹੈ, ਜਿੱਥੇ ਨੇਪੋਟਿਜ਼ਮ ਦੇ ਮੁੱਦੇ 'ਤੇ ਗੱਲ ਕੀਤੀ ਜਾਵੇ। ਕਈ ਹੋਰ ਵੀਡੀਓਜ਼ 'ਚ ਵੀ ਦਿਖ ਰਿਹਾ ਹੈ ਕਿ ਸਲਮਾਨ, ਜਾਨ ਸਾਨੂ ਤੋਂ ਪੁੱਛਦੇ ਹਨ ਕਿ ਤੁਹਾਡੇ ਪਿਤਾ ਨੇ ਤੁਹਾਨੂੰ ਕਿੰਨੇ ਜਗ੍ਹਾ ਰਿਕਮੈਂਡ ਕੀਤਾ ਹੈ? ਦੱਸਿਆ ਜਾ ਰਿਹਾ ਹੈ ਕਿ ਸ਼ੋਅ ਦੇ ਹੋਸਟ ਸਲਮਾਨ ਖ਼ਾਨ ਰਾਹੁਲ ਵੈਦਿਆ ਦੇ ਨਾਲ ਹੀ ਜੈਸਮੀਨ ਭਸੀਨ ਤੇ ਰੂਬੀਨਾ ਦਿਲੈਕ ਦੀ ਵੀ ਕਲਾਸ ਲੱਗੀ।