ਭਾਰਤੀ ਸਿੰਘ ਨੇ ਮਨਾਈ ਪੁੱਤ ਕਾਜੂ ਦੀ ਪਹਿਲੀ ਲੋਹੜੀ ! ਸਾਂਝੀ ਕੀਤੀ ਤਸਵੀਰ

ਮੁੰਬਈ- ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਅਤੇ ਉਨ੍ਹਾਂ ਦੇ ਪਤੀ ਹਰਸ਼ ਲਿੰਬਾਚੀਆ ਦੇ ਘਰ ਇਨੀਂ ਦਿਨੀਂ ਖੁਸ਼ੀਆਂ ਦਾ ਮਾਹੌਲ ਹੈ। ਹਾਲ ਹੀ ਵਿੱਚ ਦੂਜੀ ਵਾਰ ਮਾਤਾ-ਪਿਤਾ ਬਣੇ ਇਸ ਜੋੜੇ ਨੇ ਆਪਣੇ ਛੋਟੇ ਬੇਟੇ 'ਕਾਜੂ' ਨਾਲ ਆਪਣੀ ਪਹਿਲੀ ਲੋਹੜੀ ਬੜੀ ਧੂਮ-ਧਾਮ ਨਾਲ ਮਨਾਈ ਹੈ।
ਪਰਿਵਾਰ ਦੀ ਪਹਿਲੀ ਲੋਹੜੀ ਤੇ ਖ਼ਾਸ ਤਸਵੀਰ
ਸਰੋਤਾਂ ਅਨੁਸਾਰ ਭਾਰਤੀ ਅਤੇ ਹਰਸ਼ ਨੇ ਬੀਤੇ ਮੰਗਲਵਾਰ (13 ਜਨਵਰੀ) ਨੂੰ ਆਪਣੇ ਨਵਜੰਮੇ ਬੇਟੇ ਕਾਜੂ ਦੇ ਨਾਲ ਪਹਿਲੀ ਲੋਹੜੀ ਸੈਲੀਬ੍ਰੇਟ ਕੀਤੀ। ਇਸ ਖ਼ੁਸ਼ੀ ਦੇ ਮੌਕੇ 'ਤੇ ਹਰਸ਼ ਲਿੰਬਾਚੀਆ ਨੇ ਬੁੱਧਵਾਰ ਨੂੰ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਖ਼ੂਬਸੂਰਤ ਫੈਮਿਲੀ ਫੋਟੋ ਸਾਂਝੀ ਕੀਤੀ ਹੈ। ਇਸ ਤਸਵੀਰ ਵਿੱਚ ਹਰਸ਼ ਨੇ ਆਪਣੇ ਵੱਡੇ ਬੇਟੇ ਗੋਲਾ (ਲਕਸ਼ਯ) ਨੂੰ ਗੋਦੀ ਵਿੱਚ ਲਿਆ ਹੋਏ ਹਨ, ਜਦਕਿ ਨੰਨ੍ਹਾ ਕਾਜੂ ਆਪਣੀ ਮੰਮੀ ਭਾਰਤੀ ਦੀ ਗੋਦ ਵਿੱਚ ਨਜ਼ਰ ਆ ਰਿਹਾ ਹੈ। ਪ੍ਰਸ਼ੰਸਕ ਇਸ ਫੋਟੋ 'ਤੇ ਖ਼ੂਬ ਪਿਆਰ ਲੁਟਾ ਰਹੇ ਹਨ ਅਤੇ ਪਰਿਵਾਰ ਨੂੰ ਲੋਹੜੀ ਦੀਆਂ ਵਧਾਈਆਂ ਦੇ ਰਹੇ ਹਨ।

ਦਸੰਬਰ ਵਿੱਚ ਹੋਇਆ ਸੀ ਦੂਜੇ ਬੇਟੇ ਦਾ ਜਨਮ
ਜ਼ਿਕਰਯੋਗ ਹੈ ਕਿ ਭਾਰਤੀ ਸਿੰਘ ਨੇ 19 ਦਸੰਬਰ 2025 ਨੂੰ ਆਪਣੇ ਦੂਜੇ ਬੇਟੇ ਦਾ ਸਵਾਗਤ ਕੀਤਾ ਸੀ। ਕਾਜੂ ਦੇ ਆਉਣ ਨਾਲ ਇਸ ਪਰਿਵਾਰ ਵਿੱਚ ਖੁਸ਼ੀਆਂ ਦੁੱਗਣੀਆਂ ਹੋ ਗਈਆਂ ਹਨ। ਭਾਰਤੀ ਅਕਸਰ ਆਪਣੇ ਵਲੌਗ 'ਲਾਈਫ ਆਫ ਲਿੰਬਾਚੀਆਜ਼' ਰਾਹੀਂ ਆਪਣੀ ਰੋਜ਼ਾਨਾ ਜ਼ਿੰਦਗੀ ਦੀਆਂ ਅਪਡੇਟਸ ਪ੍ਰਸ਼ੰਸਕਾਂ ਨਾਲ ਸਾਂਝੀਆਂ ਕਰਦੀ ਰਹਿੰਦੀ ਹੈ।
ਡਿਲੀਵਰੀ ਦੇ 20 ਦਿਨਾਂ ਬਾਅਦ ਹੀ ਕੰਮ 'ਤੇ ਪਰਤੀ ਭਾਰਤੀ
ਆਪਣੇ ਕੰਮ ਪ੍ਰਤੀ ਜਨੂੰਨ ਦਿਖਾਉਂਦੇ ਹੋਏ, ਭਾਰਤੀ ਸਿੰਘ ਬੇਟੇ ਦੇ ਜਨਮ ਤੋਂ ਸਿਰਫ਼ 20 ਦਿਨਾਂ ਬਾਅਦ ਹੀ ਕੰਮ 'ਤੇ ਵਾਪਸ ਆ ਗਈ ਹੈ। ਉਸਨੇ 'ਲਾਫਟਰ ਸ਼ੈਫਸ ਸੀਜ਼ਨ 3' ਦੇ ਹੋਸਟ ਵਜੋਂ ਕਮਾਨ ਸੰਭਾਲ ਲਈ ਹੈ। ਭਾਰਤੀ ਨੇ ਦੱਸਿਆ ਕਿ ਹੁਣ ਉਸਦੀ ਸਿਹਤ ਠੀਕ ਹੈ ਅਤੇ ਬੇਟਾ ਕਾਜੂ ਵੀ ਬਿਲਕੁਲ ਸਿਹਤਮੰਦ ਹੈ, ਜਿਸ ਕਾਰਨ ਉਸਨੇ ਕੰਮ 'ਤੇ ਵਾਪਸੀ ਕਰਨ ਦਾ ਫੈਸਲਾ ਕੀਤਾ।