BB OTT 3: ਅਦਾਕਾਰ ਅਨਿਲ ਕਪੂਰ ਦਾ ਸ਼ੋਅ ''ਚ ਛਾਇਆ ਸਵੈਗ, ਕਿਹਾ ਸ਼ੋਅ ''ਚ ਚੱਲੇਗਾ ਮੇਰਾ ਜਾਦੂ

ਮੁੰਬਈ- ਰਿਐਲਿਟੀ ਸ਼ੋਅ 'ਬਿੱਗ ਬੌਸ ਓ.ਟੀ.ਟੀ 3' 21 ਜੂਨ ਤੋਂ ਜੀਓ ਸਿਨੇਮਾ ਪ੍ਰੀਮੀਅਮ 'ਤੇ ਸ਼ੁਰੂ ਹੋਣ ਜਾ ਰਿਹਾ ਹੈ। ਇਸ ਵਾਰ ਸ਼ੋਅ ਨੂੰ ਸਲਮਾਨ ਖ਼ਾਨ ਨਹੀਂ, ਸਗੋਂ ਅਨਿਲ ਕਪੂਰ ਹੋਸਟ ਕਰਨਗੇ। ਹਾਲ ਹੀ 'ਚ ਮੇਕਰਸ ਨੇ ਸ਼ੋਅ ਦਾ ਨਵਾਂ ਪ੍ਰੋਮੋ ਰਿਲੀਜ਼ ਕੀਤਾ ਹੈ, ਜਿਸ 'ਚ ਅਨਿਲ ਕਪੂਰ ਦਾ ਹੈਰਾਨ ਕਰਨ ਵਾਲਾ ਅੰਦਾਜ਼ ਦੇਖਣ ਨੂੰ ਮਿਲ ਰਿਹਾ ਹੈ, ਜਿਸ ਨੂੰ ਲੋਕ ਕਾਫ਼ੀ ਪਸੰਦ ਕਰ ਰਹੇ ਹਨ।

ਅਨਿਲ ਕਪੂਰ ਨੂੰ 'ਬਿੱਗ ਬੌਸ ਓ.ਟੀ.ਟੀ 3' ਦੇ ਪ੍ਰੋਮੋ 'ਚ ਐਂਟਰੀ ਕਰਦੇ ਦੇਖਿਆ ਜਾ ਸਕਦਾ ਹੈ। ਅਨਿਲ ਕਪੂਰ ਨੂੰ ਮਾਸਕ ਪਾ ਕੇ ਕੁਝ ਲੋਕਾਂ ਦੀ ਭੀੜ ਨੂੰ ਚੀਰਦੇ ਹੋਏ ਦੇਖਿਆ ਜਾ ਸਕਦਾ ਹੈ।  ਪ੍ਰੋਮੋ ਦੇ ਬੈਕਗਰਾਊਂਡ 'ਚ ਆਵਾਜ਼ ਆਉਂਦੀ ਹੈ, 'ਚੰਗਾ.. ਬੁਰਾ.. ਸੱਚਾ.. ਝੂਠਾ.. ਪਾਣੀ.. ਅੱਗ.. ਗਾਲ੍ਹਾਂ.. ਤਾੜੀਆਂ.. ਸਭ ਦੇਖਿਆ.. ਸਭ ਸੁਣਿਆ.. ਹੁਣ ਮੇਰੀ ਵਾਰੀ! ਨਵੇਂ ਨਿਯਮ, ਉਹੀ ਖੇਡ. ਲੜਾਂਗੇ, ਝੜਪਾਂਗੇ, ਛੇੜਾਂਗੇ, ਸਹਿਣਗੇ। ਪਤਾ ਨਹੀਂ। ਥੋੜਾ ਤਰਕ, ਥੋੜਾ ਜਾਦੂ। ਅੰਤ 'ਚ ਕੁਰਸੀ ਮੰਗਦਿਆਂ ਅਨਿਲ ਕਹਿੰਦਾ, 'ਬਹੁਤ ਹੋ ਗਿਆ, ਚਲੋ ਕੁਝ ਹੋਰ ਖ਼ਾਸ ਕਰੀਏ।' 

ਇਹ ਖ਼ਬਰ ਵੀ ਪੜ੍ਹੋ : ਖੁਦਕੁਸ਼ੀ ਤੋਂ ਪਹਿਲਾਂ ਨੂਰ ਮਾਲਾਬਿਕਾ ਦਾਸ ਨੇ ਮੁੰਡਵਾ ਲਿਆ ਸੀ ਸਿਰ, ਵੀਡੀਓ ਦੇਖ ਫੈਨਜ਼ ਹੋਏ ਹੈਰਾਨ 

ਤੁਹਾਨੂੰ ਦੱਸ ਦੇਈਏ ਕਿ ਇਸ ਸ਼ੋਅ ਦੇ ਪਿਛਲੇ ਦੋ ਸੀਜ਼ਨ OTT ਪਲੇਟਫਾਰਮ ਜਿਓ ਸਿਨੇਮਾ 'ਤੇ ਮੁਫਤ ਉਪਲਬਧ ਸਨ, ਪਰ ਇਸ ਵਾਰ ਤੁਹਾਨੂੰ ਪ੍ਰੀਮੀਅਮ ਪਲਾਨ ਖਰੀਦਣਾ ਹੋਵੇਗਾ। ਤੁਸੀਂ 21 ਜੂਨ 2024 ਨੂੰ ਰਾਤ 9 ਵਜੇ 'ਬਿੱਗ ਬੌਸ ਓ.ਟੀ.ਟੀ 3' ਦੇਖਣ ਦੇ ਯੋਗ ਹੋਵੋਗੇ। ਇਸ ਤੋਂ ਇਲਾਵਾ ਇਹ 24 ਘੰਟੇ ਲਾਈਵ ਸਟ੍ਰੀਮ ਵੀ ਹੋਵੇਗਾ। ਖ਼ਬਰਾਂ ਮੁਤਾਬਕ ਇਸ ਸ਼ੋਅ 'ਚ 'ਬਰੁਣ ਸੋਬਤੀ,' 'ਅਰਮਾਨ ਮਲਿਕ', 'ਵੜਾ-ਪਾਵ' ਗਰਲ ਚੰਦਰਿਕਾ ਦੀਕਸ਼ਿਤ', ਕ੍ਰਿਤੀ ਸੈਨਨ ਦੀ ਭੈਣ 'ਨੂਪੁਰ ਸੈਨਨ', ਸੰਜੇ ਦੱਤ ਦੀ ਬੇਟੀ 'ਤ੍ਰਿਸ਼ਾਲਾ ਦੱਤ', 'ਤਨੁਸ਼੍ਰੀ ਦੱਤਾ' ਅਤੇ ਹੇਮਾ ਮਾਲਿਨੀ ਦੀ ਬੇਟੀ 'ਅਹਾਨਾ ਦਿਓਲ' ਪ੍ਰਤੀਯੋਗੀ ਦੇ ਰੂਪ 'ਚ ਆ ਸਕਦੀਆਂ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ– ਤੁਹਾਡਾ ਸਿੱਧੂ ਮੂਸੇ ਵਾਲਾ ਬਾਰੇ ਕੀ ਕਹਿਣਾ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।