ਅੱਗ 'ਚ ਫਸੇ ਮੁਕਾਬਲੇਬਾਜ਼ ਨੂੰ ਵੇਖ ਮਚੀ ਹਫੜਾ ਦਫੜੀ, ਬਾਦਸ਼ਾਹ ਤੇ ਸ਼ਿਲਪਾ ਸ਼ੈੱਟੀ ਦੀਆਂ ਵੀ ਨਿਕਲੀਆਂ ਚੀਕਾਂ (ਵੀਡੀਓ)

ਨਵੀਂ ਦਿੱਲੀ (ਬਿਊਰੋ) - ਰਿਐਲਿਟੀ ਸ਼ੋਅ 'ਇੰਡੀਆਜ਼ ਗੌਟ ਟੇਲੈਂਟ' ਸੀਜ਼ਨ 9 ਨੇ ਟੀ. ਵੀ. ਜਗਤ 'ਚ ਦਹਿਸ਼ਤ ਪੈਦਾ ਕਰ ਦਿੱਤੀ ਹੈ। ਸ਼ੋਅ ਨੇ ਆਪਣੇ ਪਹਿਲੇ ਐਪੀਸੋਡ ਤੋਂ ਹੀ ਲੋਕਾਂ ਦੇ ਦਿਲਾਂ 'ਚ ਖਾਸ ਜਗ੍ਹਾ ਬਣਾ ਲਈ ਹੈ ਕਿਉਂਕਿ ਇਸ ਸ਼ੋਅ 'ਚ ਪ੍ਰਤੀਯੋਗੀ ਅਜਿਹੇ ਸ਼ਾਨਦਾਰ ਹੁਨਰ ਦਿਖਾ ਰਹੇ ਹਨ, ਜਿਸ ਨੂੰ ਦੇਖ ਕੇ ਹਰ ਭਾਰਤੀ ਮਾਣ ਮਹਿਸੂਸ ਕਰੇਗਾ। ਸ਼ੋਅ 'ਚ ਇਕ ਤੋਂ ਵਧ ਕੇ ਇਕ ਪ੍ਰਤੀਯੋਗੀ ਆ ਰਹੇ ਹਨ, ਜਿਨ੍ਹਾਂ ਦੇ ਹੁਨਰ ਨੂੰ ਦੇਖ ਕੇ ਜੱਜਾਂ ਸਮੇਤ ਦੇਸ਼ ਦੇ ਲੋਕ ਦੰਗ ਰਹਿ ਗਏ ਹਨ। ਹੁਣ ਸ਼ੋਅ ਦੇ ਆਉਣ ਵਾਲੇ ਐਪੀਸੋਡ 'ਚ ਇਕ ਪ੍ਰਤੀਯੋਗੀ ਅੱਗ ਨਾਲ ਅਜਿਹਾ ਖ਼ਤਰਨਾਕ ਸਟੰਟ ਕਰੇਗਾ, ਜਿਸ ਨੂੰ ਦੇਖ ਕੇ ਲੋਕਾਂ ਦੇ ਸਾਹ ਰੁਕ ਜਾਣਗੇ।

ਸੜ੍ਹਦੇ ਘਰ 'ਚ ਫਸਿਆ ਪ੍ਰਤੀਯੋਗੀ
ਸ਼ੋਅ ਦਾ ਇੱਕ ਨਵਾਂ ਪ੍ਰੋਮੋ ਵੀਡੀਓ ਸ਼ੇਅਰ ਕੀਤਾ ਗਿਆ ਹੈ, ਜਿਸ 'ਚ ਪ੍ਰੀਤਮ ਨਾਥ ਨਾਂ ਦਾ ਇੱਕ ਪ੍ਰਤੀਯੋਗੀ ਜੱਜਾਂ ਨੂੰ ਆਪਣੇ ਸਟੰਟ ਬਾਰੇ ਦੱਸਦਾ ਹੈ ਕਿ ਉਸ ਨੂੰ ਇੱਕ ਘਰ 'ਚ ਬੰਦ ਕਰ ਦਿੱਤਾ ਜਾਵੇਗਾ, ਫਿਰ ਉਸ ਘਰ ਨੂੰ ਅੱਗ ਲਗਾ ਦਿੱਤੀ ਜਾਵੇਗੀ। ਘਰ ਦੇ ਪੂਰੀ ਤਰ੍ਹਾਂ ਸੜ੍ਹ  ਜਾਣ ਤੋਂ ਪਹਿਲਾਂ ਉਸ ਨੂੰ ਘਰੋਂ ਬਾਹਰ ਨਿਕਲਣਾ ਪੈਂਦਾ ਹੈ ਪਰ ਅੱਗੇ ਕੀ ਹੁੰਦਾ ਹੈ, ਇਹ ਦੇਖ ਕੇ ਕਿਸੇ ਦੇ ਵੀ ਦਿਲ ਦੀ ਧੜਕਣ ਵਧ ਸਕਦੀ ਹੈ। ਜਿਵੇਂ ਹੀ ਘਰ ਨੂੰ ਅੱਗ ਲੱਗ ਜਾਂਦੀ ਹੈ, ਪ੍ਰਤੀਯੋਗੀ ਘਰ ਦੇ ਅੰਦਰੋਂ ਆਪਣੇ-ਆਪ ਨੂੰ ਖੋਲ੍ਹਣ 'ਚ ਅਸਮਰੱਥ ਹੁੰਦਾ ਹੈ।
ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਇਕ ਲੜਕਾ ਮੁਕਾਬਲੇਬਾਜ਼ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕਰਦਾ ਹੈ ਪਰ ਉਹ ਨਹੀਂ ਬੋਲ ਰਿਹਾ ਅਤੇ ਦੇਖਦੇ ਹੀ ਦੇਖਦੇ ਪੂਰੇ ਘਰ ਨੂੰ ਅੱਗ ਲੱਗ ਗਈ। ਕੈਮਰੇ ਵੀ ਰਿਕਾਰਡਿੰਗ ਕਰਨਾ ਬੰਦ ਕਰ ਦਿੰਦੇ ਹਨ। ਅਚਾਨਕ ਪੂਰੇ ਸੈੱਟ 'ਤੇ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਜਾਂਦਾ ਹੈ।

#PritamNath took the phrase 'playing with fire' to a whole new level! Will he achieve this dangerous and difficult escape? To find out, watch #IndiasGotTalent Season 9, this Sat-Sun, 8 PM, only on Sony.@TheShilpaShetty @manojmuntashir @KirronKherBJP @Its_Badshah @Thearjunbijlani pic.twitter.com/DNNMzoO5cw

— sonytv (@SonyTV) January 24, 2022

ਬਾਦਸ਼ਾਹ ਅਤੇ ਸ਼ਿਲਪਾ ਸ਼ੈੱਟੀ ਦੇ ਉੱਡੇ ਹੋਸ਼
ਬਾਦਸ਼ਾਹ ਘਬਰਾ ਕੇ ਕਹਿ ਰਿਹਾ ਹੈ, ''ਮੈਂ ਟੀ. ਵੀ. 'ਤੇ ਕੁਝ ਵੀ ਨਹੀਂ ਵੇਖ ਪਾ ਰਿਹਾ। ਸਾਰੇ ਜੱਜ ਬਹੁਤ ਡਰ ਗਏ। ਰਾਜਾ ਭੱਜ ਕੇ ਲੜਕੇ ਨੂੰ ਬਚਾਉਣ ਲਈ ਚਲਾ ਜਾਂਦਾ ਹੈ। ਬੈਕਗ੍ਰਾਊਂਡ 'ਚ ਇੱਕ ਆਵਾਜ਼ ਆ ਰਹੀ ਹੈ- ਪਾਣੀ ਨੂੰ ਮਾਰੋ, ਫਾਇਰ ਬ੍ਰਿਗੇਡ ਨੂੰ ਚਾਲੂ ਕਰੋ। ਸ਼ਿਲਪਾ ਸ਼ੈੱਟੀ ਡਰ ਕੇ ਚੀਕਾਂ ਮਾਰਨ ਲੱਗਦੀ ਹੈ। ਸ਼ੋਅ ਦਾ ਪ੍ਰੋਮੋ ਹੀ ਕਾਫ਼ੀ ਖ਼ਤਰਨਾਕ ਹੈ। ਹੁਣ ਇਹ ਤਾਂ ਐਪੀਸੋਡ ਦੇ ਟੈਲੀਕਾਸਟ ਹੋਣ ਤੋਂ ਬਾਅਦ ਹੀ ਪਤਾ ਲੱਗੇਗਾ ਕਿ ਮੁਕਾਬਲੇਬਾਜ਼ ਸੜ੍ਹਦੇ ਘਰ ਤੋਂ ਬਾਹਰ ਨਿਕਲ ਸਕਿਆ ਜਾਂ ਨਹੀਂ ਅਤੇ ਜੇਕਰ ਉਹ ਬਾਹਰ ਆਇਆ ਤਾਂ ਕਿਵੇਂ ਬਾਹਰ ਆਇਆ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਪ੍ਰਤੀਕਿਰਿਆ, ਕੁਮੈਂਟ ਰਾਹੀਂ ਸਾਡੇ ਨਾਲ ਜ਼ਰੂਰ ਸਾਂਝੀ ਕਰੋ।