ਅਰਜੁਨ ਬਿਜਲਾਨੀ ਨੇ ''ਨਾਗਿਨ'' ਦੇ ਦਿਨਾਂ ਦੀਆਂ ਪੁਰਾਣੀਆਂ ਯਾਦਾਂ ਕੀਤੀਆਂ ਤਾਜ਼ਾ

ਮੁੰਬਈ - ਟੈਲੀਵਿਜ਼ਨ ਜਗਤ ਦੇ ਮਸ਼ਹੂਰ ਅਦਾਕਾਰ ਅਰਜੁਨ ਬਿਜਲਾਨੀ ਨੇ ਸੋਸ਼ਲ ਮੀਡੀਆ 'ਤੇ ਚੱਲ ਰਹੇ '2026 is the new 2016' ਟ੍ਰੈਂਡ ਦੇ ਤਹਿਤ ਆਪਣੀਆਂ ਪੁਰਾਣੀਆਂ ਯਾਦਾਂ ਨੂੰ ਤਾਜ਼ਾ ਕੀਤਾ ਹੈ। ਅਰਜੁਨ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ 10 ਸਾਲ ਪਹਿਲਾਂ ਦੀਆਂ ਕੁਝ ਪੁਰਾਣੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਵਿਚ ਉਹ ਆਪਣੇ ਮਸ਼ਹੂਰ ਸ਼ੋਅ 'ਨਾਗਿਨ' ਦੀਆਂ ਸਹਿ-ਅਦਾਕਾਰਾਵਾਂ ਮੌਨੀ ਰਾਏ ਅਤੇ ਅਦਾ ਖਾਨ ਨਾਲ ਨਜ਼ਰ ਆ ਰਹੇ ਹਨ।

ਇਨ੍ਹਾਂ ਤਸਵੀਰਾਂ ਵਿਚ ਜਿੱਥੇ ਮੌਨੀ ਅਤੇ ਅਦਾ ਸੁਨਹਿਰੀ ਬਾਰਡਰ ਵਾਲੀ ਸਫੈਦ ਸਾੜੀ ਵਿਚ ਨਜ਼ਰ ਆ ਰਹੀਆਂ ਹਨ, ਉੱਥੇ ਹੀ ਅਰਜੁਨ ਬਿਜਲਾਨੀ ਐਥਨਿਕ ਪਹਿਰਾਵੇ ਵਿਚ ਕਾਫੀ ਹੈਂਡਸਮ ਲੱਗ ਰਹੇ ਹਨ। ਅਰਜੁਨ ਨੇ ਇਸ ਪੋਸਟ ਨੂੰ "Moments of 2016 !! #nostalgia #time #arjunbijlani" ਕੈਪਸ਼ਨ ਦੇ ਨਾਲ ਸਾਂਝਾ ਕੀਤਾ ਹੈ।

ਪਰਿਵਾਰ ਅਤੇ ਪੁਰਾਣੇ ਸ਼ੋਅਜ਼ ਦੀਆਂ ਝਲਕੀਆਂ
ਅਰਜੁਨ ਵੱਲੋਂ ਸਾਂਝੀਆਂ ਕੀਤੀਆਂ ਗਈਆਂ ਇਨ੍ਹਾਂ ਯਾਦਾਂ ਵਿਚ ਸਿਰਫ਼ 'ਨਾਗਿਨ' ਹੀ ਨਹੀਂ, ਸਗੋਂ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਦੀਆਂ ਵੀ ਕੁਝ ਖਾਸ ਝਲਕੀਆਂ ਹਨ। ਇਸ ਵਿਚ ਉਨ੍ਹਾਂ ਦੀ ਪਤਨੀ ਨੇਹਾ ਅਤੇ ਬੇਟੇ ਅਯਾਨ ਦੇ ਨਾਲ ਬਿਤਾਏ ਪਲ ਅਤੇ ਡਾਂਸ ਰਿਐਲਿਟੀ ਸ਼ੋਅ 'ਝਲਕ ਦਿਖਲਾ ਜਾ 9' ਦੇ ਸ਼ੂਟਿੰਗ ਦਿਨਾਂ ਦੀਆਂ ਤਸਵੀਰਾਂ ਵੀ ਸ਼ਾਮਲ ਹਨ। ਦੱਸ ਦੇਈਏ ਕਿ 'ਨਾਗਿਨ' ਦਾ ਪਹਿਲਾ ਸੀਜ਼ਨ 1 ਨਵੰਬਰ 2015 ਤੋਂ 5 ਜੂਨ 2016 ਤੱਕ ਪ੍ਰਸਾਰਿਤ ਹੋਇਆ ਸੀ, ਜਿਸ ਵਿਚ ਅਰਜੁਨ, ਮੌਨੀ ਅਤੇ ਅਦਾ ਮੁੱਖ ਭੂਮਿਕਾਵਾਂ ਵਿਚ ਸਨ।

'ਰਿਤਿਕ ਅਤੇ ਸ਼ਿਵਾਨੀਆ' ਦੀ ਜੋੜੀ ਨੇ ਮੁੜ ਜਿੱਤਿਆ ਪ੍ਰਸ਼ੰਸਕਾਂ ਦਾ ਦਿਲ
ਹਾਲ ਹੀ ਵਿਚ ਅਰਜੁਨ ਅਤੇ ਮੌਨੀ ਰਾਏ ਨੂੰ ਨੂਪੁਰ ਸੈਨਨ ਅਤੇ ਸਟੇਬਿਨ ਬੇਨ ਦੇ ਵਿਆਹ ਦੀ ਰਿਸੈਪਸ਼ਨ ਦੌਰਾਨ ਇਕੱਠੇ ਦੇਖਿਆ ਗਿਆ ਸੀ। ਅਰਜੁਨ ਨੇ ਇਸ ਸਮਾਗਮ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ, ਜਿਸ ਨੂੰ ਦੇਖ ਕੇ ਪ੍ਰਸ਼ੰਸਕ ਭਾਵੁਕ ਹੋ ਗਏ। ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਇਨ੍ਹਾਂ ਤਸਵੀਰਾਂ 'ਤੇ ਟਿੱਪਣੀ ਕਰਦਿਆਂ ਲਿਖਿਆ ਕਿ ਇਹ ਉਨ੍ਹਾਂ ਨੂੰ 'ਰਿਤਿਕ ਅਤੇ ਸ਼ਿਵਾਨੀਆ' (ਸ਼ੋਅ ਵਿੱਚ ਉਨ੍ਹਾਂ ਦੇ ਕਿਰਦਾਰਾਂ ਦੇ ਨਾਮ) ਦੀ ਯਾਦ ਦਿਵਾਉਂਦੇ ਹਨ। ਇੱਕ ਪ੍ਰਸ਼ੰਸਕ ਨੇ ਇਸ ਮਿਲਣੀ ਨੂੰ 'ਰਿਵਾਨਿਆ' ਦਾ ਮੁੜ ਮਿਲਣਾ ਦੱਸਿਆ ਹੈ।