ਅਨੁਸ਼ਕਾ ਸ਼ਰਮਾ ਤੋਂ ਕਰੀਨਾ ਕਪੂਰ ਤੱਕ, ਕੋਰੋਨਾ ਕਾਲ ’ਚ ਇਨ੍ਹਾਂ ਸਿਤਾਰਿਆਂ ਘਰ ਦਿੱਤੀ ਖੁਸ਼ੀਆਂ ਨੇ ਦਸਤਕ

12/23/2020 3:22:32 PM

ਮੁੰਬਈ (ਬਿਊਰੋ) — ਕੋਰੋਨਾ ਵਾਇਰਸ ਕਾਰਨ 2020 ਕਾਫ਼ੀ ਮੁਸ਼ਕਿਲਾਂ ਭਰਿਆ ਰਿਹਾ ਹੈ ਪਰ ਕੁਝ ਲੋਕਾਂ ਲਈ ਇਹ ਸਾਲ ਖ਼ੁਸ਼ੀਆਂ ਲੈ ਕੇ ਆਇਆ। ਬਾਲੀਵੁੱਡ ਤੇ ਟੀ. ਵੀ. ਇੰਡਸਟਰੀ ਦੇ ਕਈ ਸਿਤਾਰਿਆਂ ਦੇ ਘਰ ਕਿਲਕਾਰੀਆਂ ਗੂੰਜੀਆਂ ਹਨ। ਸ਼ਿਲਪਾ ਸ਼ੈੱਟੀ, ਅੰਮ੍ਰਿਤਾ ਰਾਓ ਅਤੇ ਨਤਾਸ਼ਾ ਸਟੇਨਕੋਵਿਕ ਮਾਂ ਬਣੀ। ਤਾਂ ਉਥੇ ਹੀ ਅਨੁਸ਼ਕਾ ਸ਼ਰਮਾ, ਕਰੀਨਾ ਕਪੂਰ ਖ਼ਾਨ, ਅਨੀਤਾ ਹਸਨੰਦਾਨੀ ਨੇ ਪ੍ਰੈਗਨੈਂਸੀ ਦੀ ਗੁੱਡ ਨਿਊਜ਼ ਸੁਣਾਈ।

ਅਨੁਸ਼ਕਾ ਸ਼ਰਮਾ
ਇਸ ਸਾਲ 27 ਅਗਸਤ 2020 ’ਚ ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਨੇ ਸੋਸ਼ਲ ਮੀਡੀਆ ’ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਖੁਸ਼ਖ਼ਬਰੀ ਸਾਂਝੀ ਕੀਤੀ ਸੀ ਕਿ ਉਹ ਦੋਵੇਂ ਮਾਤਾ-ਪਿਤਾ ਬਣਨ ਵਾਲੇ ਹਨ। ਦੋਵਾਂ ਨੇ ਇਕ ਤਸਵੀਰ ਵੀ ਸਾਂਝੀ ਕੀਤੀ ਸੀ। ਤਸਵੀਰ ’ਚ ਅਨੁਸ਼ਕਾ ਸ਼ਰਮਾ ਦਾ ਬੇਬੀ ਬੰਪ ਸਾਫ਼ ਨਜ਼ਰ ਆ ਰਿਹਾ ਸੀ।
 PunjabKesari
ਕਰੀਨਾ ਕਪੂਰ ਖ਼ਾਨ
ਕਰੀਨਾ ਕਪੂਰ ਖ਼ਾਨ ਦੂਜੀ ਵਾਰ ਗਰਭਵਤੀ ਹੈ। 12 ਅਗਸਤ 2020 ਨੂੰ ਸੈਫ ਅਲੀ ਖ਼ਾਨ ਤੇ ਕਰੀਨਾ ਕਪੂਰ ਨੇ ਆਧਿਕਾਰਿਕ ਤੌਰ ’ਤੇ ਇਸ ਦੀ ਘੋਸ਼ਣਾ ਕੀਤੀ ਸੀ। ਕਰੀਨਾ ਦੀ ਪ੍ਰੈਗਨੈਂਸੀ ਦੀ ਖ਼ਬਰ ਸਾਹਮਣੇ ਆਉਣ ਤੋਂ ਬਾਅਦ ਸਾਰਿਆਂ ਨੇ ਉਨ੍ਹਾਂ ਨੂੰ ਵਧਾਈਆਂ ਦਿੱਤੀਆਂ। ਕਰੀਨਾ ਕਪੂਰ ਨੂੰ ਅਕਸਰ ਹੀ ਬੇਬੀ ਬੰਪ ਫਲਾਂਟ ਕਰਦੇ ਵੇਖਿਆ ਜਾਂਦਾ ਹੈ। ਕਰੀਨਾ ਕਪੂਰ ਪ੍ਰੈਗਨੈਂਸੀ ’ਚ ਵੀ ਲਗਾਤਾਰ ਕੰਮ ਕਰ ਰਹੀ ਹੈ।

PunjabKesari

ਅੰਮ੍ਰਿਤਾ ਰਾਓ
ਅਦਾਕਾਰਾ ਅੰਮ੍ਰਿਤਾ ਰਾਓ ਦੇ ਘਰ 1 ਨਵੰਬਰ ਨੂੰ ਕਿਲਕਾਰੀਆਂ ਗੂੰਜੀਆਂ। ਉਨ੍ਹਾਂ ਨੇ ਆਪਣੇ ਬੱਚੇ ਦਾ ਸਵਾਗਤ ਕੀਤਾ। ਉਨ੍ਹਾਂ ਨੇ ਪੋਸਟ ’ਚ ਲਿਖਿਆ ਸੀ ‘ਲੜਕਾ ਹੋਇਆ ਹੈ, ਅੰਮ੍ਰਿਤਾ ਤੇ ਬੇਬੀ ਦੋਵੇਂ ਬਿਲਕੁਲ ਠੀਕ ਹੈ। ਤੁਹਾਡੇ ਵਲੋਂ ਇੰਨਾਂ ਪਿਆਰ ਦੇਖ ਕੇ ਖ਼ੁਦ ਨੂੰ ਖ਼ੁਸ਼ਕਿਸਮਤ ਸਮਝਦੀ ਹਾਂ, ਥੈਂਕਯੂ!’

PunjabKesari

ਅਨੀਤਾ ਹਸਨੰਦਾਨੀ
ਟੀ. ਵੀ. ਅਦਾਕਾਰਾ ਅਨੀਤਾ ਹਸਨੰਦਾਨੀ ਗਰਭਵਤੀ ਹੈ। ਅਨੀਤਾ ਅਤੇ ਰੋਹਿਤ ਨੇ ਇਕ ਬੇਹੱਦ ਕਿਊਟ ਵੀਡੀਓ ਦੇ ਜਰੀਏ ਇੰਸਟਾਗ੍ਰਾਮ ’ਤੇ ਐਲਾਨ ਕੀਤਾ ਸੀ ਕਿ ਉਹ ਮਾਤਾ-ਪਿਤਾ ਬਣਨ ਵਾਲੇ ਹਨ। ਅਨੀਤਾ ਨੇ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ ਸੀ ਕਿ ਹੁਣ ਉਹ 2 ਤੋਂ 3 ਹੋਣ ਜਾ ਰਹੇ ਹਨ।

PunjabKesari

ਸ਼ਿਲਪਾ ਸ਼ੈੱਟੀ
ਫਰਵਰੀ ਮਹੀਨੇ ’ਚ ਸ਼ਿਲਪਾ ਸ਼ੈੱਟੀ ਨੇ ਆਪਣੀ ਧੀ ਦੇ ਆਉਣ ਦੀ ਖੁਸ਼ਖ਼ਬਰੀ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਸੀ। ਸ਼ਿਲਪਾ ਦੀ ਧੀ ਦਾ ਜਨਮ 15 ਫਰਵਰੀ 2020 ਨੂੰ ਹੋਇਆ ਸੀ। ਸੇਰੋਗੇਸੀ ਦੇ ਜਰੀਏ ਸ਼ਿਲਪਾ ਸ਼ੈੱਟੀ ਦੇ ਘਰ ਧੀ ਨੇ ਜਨਮ ਲਿਆ। ਸ਼ਿਲਪਾ ਨੇ ਸੋਸ਼ਲ ਮੀਡੀਆ ’ਤੇ ਧੀ ਦੇ ਹੱਥ ਦੀ ਤਸਵੀਰ ਸਾਂਝੀ ਕੀਤੀ ਸੀ।

PunjabKesari

ਨਤਾਸ਼ਾ ਸਟੇਨਕੋਵਿਕ
ਕ੍ਰਿਕਟਰ ਹਾਰਦਿਕ ਪਾਂਡਯਾ ਅਤੇ ਨਤਾਸ਼ਾ ਸਟੇਨਕੋਵਿਕ ਨੇ ਮਈ ’ਚ ਘਰ ਆਉਣ ਵਾਲੇ ਨੰਨ੍ਹੇ ਮਹਿਮਾਨ ਦੀ ਖੁਸ਼ਖ਼ਬਰੀ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਸੀ। ਬੇਬੀ ਬੰਪ ਨਾਲ ਨਤਾਸ਼ਾ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਈਆਂ ਸਨ। ਅਗਸਤ ਮਹੀਨੇ ’ਚ ਦੋਵੇਂ ਮਾਤਾ-ਪਿਤਾ ਬਣੇ ਸਨ। ਨਤਾਸ਼ਾ ਵੇ ਪੁੱਤਰ ਨੂੰ ਜਨਮ ਦਿੱਤਾ।

PunjabKesari

ਟੀਜੇ ਸਿੱਧੂ
ਇਸੇ ਸਾਲ ਅਗਸਤ ’ਚ ਕਰਨਵੀਰ ਬੋਹਰਾ ਦੇ ਜਨਮਦਿਨ ਮੌਕੇ ਕਰਨ ਤੇ ਟੀਜੇ ਨੇ ਆਪਣੇ ਤੀਜੇ ਬੱਚੇ ਦਾ ਐਲਾਨ ਕੀਤਾ ਸੀ। ਦੋਵਾਂ ਨੇ ਇਕ ਖੂਬਸੂਰਤ ਫੋਟੋਸ਼ੂਟ ਸਾਂਝਾ ਕੀਤਾ ਸੀ ਅਤੇ ਗੁੱਡ ਨਿਊਜ਼ ਬਾਰੇ ਸਾਰਿਆਂ ਨੂੰ ਦੱਸਿਆ ਸੀ।

PunjabKesari

ਸ਼ਿਖਾ ਸਿੰਘ
ਜੂਨ ਮਹੀਨੇ ’ਚ ‘ਕੁਮਕੁਮ ਭਾਗਿਆ’ ਫੇਮ ਅਦਾਕਾਰਾ ਸ਼ਿਖਾ ਸਿੰਘ ਮਾਂ ਬਣੀ। ਅਦਾਕਾਰਾ ਦੇ ਘਰ ਨੰਨ੍ਹੀ ਪਰੀ ਨੇ ਜਨਮ ਲਿਆ। 22 ਅਪ੍ਰੈਲ ਨੂੰ ਸ਼ਿਖਾ ਸਿੰਘ ਨੇ ਪ੍ਰਸ਼ੰਸਕਾਂ ਨੂੰ ਆਪਣੀ ਪ੍ਰੈਗਨੈਂਸੀ ਬਾਰੇ ਦੱਸਿਆ ਸੀ। 

PunjabKesari

ਏਕਤਾ ਕੌਲ
ਟੀ. ਵੀ. ਅਦਾਕਾਰਾ ਏਕਤਾ ਕੌਲ ਨੇ 4 ਜੂਨ 2020 ਨੂੰ ਪੁੱਤਰ ਨੂੰ ਜਨਮ ਦਿੱਤਾ। ਏਕਤਾ ਕੌਲ ਨੇ ਆਪਣੇ ਪੁੱਤਰ ਦਾ ਨਾਂ ਵੇਦ ਵਿਆਸ ਰੱਖਿਆ ਹੈ। ਦੱਸ ਦਈਏ ਕਿ ਤਾਲਾਬੰਦੀ ਕਾਰਨ ਉਸ ਦੀ ਵਰਚੂਅਲ ਗੋਦਭਰਾਈ ਹੋਈ ਸੀ।

PunjabKesari

 

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ 'ਚ ਦਿਓ ਜਵਾਬ।
 


sunita

Content Editor

Related News