ਹਸਪਤਾਲ ਦਾਖ਼ਲ ਸਲਮਾਨ ਦੇ ਪਿਤਾ ਨੂੰ ਮਿਲਣ ਪਹੁੰਚੀ ਸਚਿਨ ਦੀ ਪਤਨੀ ! ਜਾਣੋ ਸਲੀਮ ਖ਼ਾਨ ਦੀ ਤਾਜ਼ਾ ਹੈਲਥ ਅਪਡੇਟ

ਮੁੰਬਈ (ਏਜੰਸੀ) : ਬਾਲੀਵੁੱਡ ਦੇ ਸੁਪਰਸਟਾਰ ਸਲਮਾਨ ਖਾਨ ਦੇ ਪਿਤਾ ਅਤੇ ਦਿੱਗਜ ਸਕ੍ਰੀਨ ਰਾਈਟਰ ਸਲੀਮ ਖਾਨ (90) ਪਿਛਲੇ ਕੁਝ ਦਿਨਾਂ ਤੋਂ ਮੁੰਬਈ ਦੇ ਲੀਲਾਵਤੀ ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਹਨ। ਉਨ੍ਹਾਂ ਦੀ ਸਿਹਤ ਦਾ ਹਾਲ ਜਾਣਨ ਲਈ ਖੇਡ ਅਤੇ ਫਿਲਮੀ ਜਗਤ ਦੀਆਂ ਹਸਤੀਆਂ ਲਗਾਤਾਰ ਹਸਪਤਾਲ ਪਹੁੰਚ ਰਹੀਆਂ ਹਨ। ਮੰਗਲਵਾਰ ਨੂੰ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਦੀ ਪਤਨੀ ਅੰਜਲੀ ਤੇਂਦੁਲਕਰ ਨੇ ਹਸਪਤਾਲ ਦਾ ਦੌਰਾ ਕੀਤਾ ਅਤੇ ਸਲੀਮ ਖਾਨ ਦੀ ਸਿਹਤ ਬਾਰੇ ਜਾਣਕਾਰੀ ਲਈ।

ਇਹ ਵੀ ਪੜ੍ਹੋ: ਮਸ਼ਹੂਰ ਅਦਾਕਾਰ ਦੇ ਘਰ ਪਸਰਿਆ ਮਾਤਮ, ਧੀ ਨੇ ਖੁਦ ਨੂੰ ਮਾਰ ਲਈ ਗੋਲੀ, ਸਦਮੇ 'ਚ ਹਾਲੀਵੁੱਡ

ਮਾਈਨਰ ਬ੍ਰੇਨ ਹੈਮਰੇਜ ਕਾਰਨ ਕਰਵਾਇਆ ਗਿਆ ਦਾਖਲ

ਸੂਤਰਾਂ ਅਨੁਸਾਰ ਸਲੀਮ ਖਾਨ ਨੂੰ 17 ਫਰਵਰੀ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਉਨ੍ਹਾਂ ਨੂੰ 'ਮਾਈਨਰ ਬ੍ਰੇਨ ਹੈਮਰੇਜ' (ਦਿਮਾਗ ਦੀ ਨਾੜ ਵਿੱਚ ਹਲਕਾ ਖੂਨ ਵਹਿਣਾ) ਹੋਇਆ ਸੀ। ਹਾਲਾਂਕਿ, ਡਾਕਟਰਾਂ ਨੇ ਸਪੱਸ਼ਟ ਕੀਤਾ ਹੈ ਕਿ ਉਨ੍ਹਾਂ ਦੀ ਹਾਲਤ ਹੁਣ ਸਥਿਰ ਹੈ ਅਤੇ ਕਿਸੇ ਵੀ ਤਰ੍ਹਾਂ ਦੀ ਸਰਜਰੀ ਦੀ ਲੋੜ ਨਹੀਂ ਪਈ। ਡਾ. ਜਲੀਲ ਪਾਰਕਰ ਦੀ ਦੇਖ-ਰੇਖ ਹੇਠ ਉਨ੍ਹਾਂ ਦਾ ਇਲਾਜ ਆਈ.ਸੀ.ਯੂ. (ICU) ਵਿੱਚ ਚੱਲ ਰਿਹਾ ਹੈ।

ਇਹ ਵੀ ਪੜ੍ਹੋ: "ਜੇ ਧੀ ਨਾ ਹੁੰਦੀ ਤਾਂ ਵਿਆਹ ਕਰ ਲੈਂਦਾ..."; ਜਦੋਂ ਮਸ਼ਹੂਰ ਡਾਇਰੈਕਟਰ ਦੇ ਬਿਆਨ ਨੇ ਇੰਡਸਟਰੀ 'ਚ ਮਚਾ'ਤਾ ਸੀ ਤਹਿਲਕਾ

ਦਿੱਗਜ ਹਸਤੀਆਂ ਨੇ ਜਾਣਿਆ ਹਾਲ

ਸਲੀਮ ਖਾਨ ਦੀ ਸਿਹਤ ਦਾ ਪਤਾ ਲੱਗਦਿਆਂ ਹੀ ਬਾਲੀਵੁੱਡ ਦੇ 'ਕਿੰਗ ਖਾਨ' ਸ਼ਾਹਰੁਖ ਖਾਨ ਅਤੇ ਆਮਿਰ ਖਾਨ ਵੀ ਉਨ੍ਹਾਂ ਨੂੰ ਮਿਲਣ ਹਸਪਤਾਲ ਪਹੁੰਚੇ ਸਨ। ਇਸ ਤੋਂ ਇਲਾਵਾ ਸਲੀਮ ਖਾਨ ਦੇ ਪੁਰਾਣੇ ਸਾਥੀ ਅਤੇ ਮਸ਼ਹੂਰ ਲੇਖਕ ਜਾਵੇਦ ਅਖਤਰ ਨੇ ਵੀ ਬੁੱਧਵਾਰ ਨੂੰ ਹਸਪਤਾਲ ਜਾ ਕੇ ਆਪਣੇ ਦੋਸਤ ਦਾ ਹਾਲ-ਚਾਲ ਪੁੱਛਿਆ। ਰਾਜਨੇਤਾ ਰਾਹੁਲ ਕਨਾਲ ਅਤੇ ਅਦਾਕਾਰਾ ਲੂਲੀਆ ਵੰਤੂਰ ਵੀ ਹਸਪਤਾਲ ਦੇ ਬਾਹਰ ਦੇਖੇ ਗਏ।

ਇਹ ਵੀ ਪੜ੍ਹੋ: "ਤੁਸੀਂ ਸੁਪਰਸਟਾਰ ਹੋਵੋਗੇ, ਪਰ..."; 'ਕੰਤਾਰਾ' ਦੇ ਦੇਵਤਾ ਨੂੰ 'ਭੂਤ' ਕਹਿਣ 'ਤੇ ਰਣਵੀਰ ਸਿੰਘ ਦੀ ਅਦਾਲਤ 'ਚ ਲੱਗੀ ਕਲਾਸ

ਜ਼ਿਕਰਯੋਗ ਹੈ ਕਿ ਸਲੀਮ ਖਾਨ ਨੇ ਜਾਵੇਦ ਅਖਤਰ ਨਾਲ ਮਿਲ ਕੇ 'ਸ਼ੋਲੇ', 'ਦੀਵਾਰ' ਅਤੇ 'ਜ਼ੰਜੀਰ' ਵਰਗੀਆਂ ਬਲਾਕਬਸਟਰ ਫਿਲਮਾਂ ਲਿਖ ਕੇ ਭਾਰਤੀ ਸਿਨੇਮਾ ਵਿੱਚ ਕ੍ਰਾਂਤੀ ਲਿਆਂਦੀ ਸੀ। ਉਨ੍ਹਾਂ ਨੇ ਹੀ ਬਾਲੀਵੁੱਡ ਨੂੰ 'ਐਂਗਰੀ ਯੰਗ ਮੈਨ' ਦਾ ਕਿਰਦਾਰ ਦਿੱਤਾ ਸੀ। ਇਸ ਸਮੇਂ ਪੂਰਾ ਦੇਸ਼ ਉਨ੍ਹਾਂ ਦੀ ਜਲਦੀ ਸਿਹਤਯਾਬੀ ਲਈ ਦੁਆਵਾਂ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ: B'day Spl: ਪੂਜਾ ਭੱਟ ਦੇ ਉਹ 3 ਵੱਡੇ ਵਿਵਾਦ, ਜਿਨ੍ਹਾਂ ਨੇ ਹਿਲਾ ਕੇ ਰੱਖ ਦਿੱਤਾ ਸੀ ਪੂਰਾ ਬਾਲੀਵੁੱਡ !

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e