ਅਨਿਤਾ ਹਸਨੰਦਾਨੀ ਦੇ ਘਰ ਵੀ ਗੂੰਜਣ ਵਾਲੀਆਂ ਨੇ ਕਿਲਕਾਰੀਆਂ, ਵੀਡੀਓ ''ਚ ਫਲਾਂਟ ਕੀਤਾ ''ਬੇਬੀ ਬੰਪ''
10/11/2020 3:40:26 PM
ਨਵੀਂ ਦਿੱਲੀ (ਬਿਊਰੋ) : ਹਾਲ ਹੀ 'ਚ ਕਈ ਅਦਾਕਾਰਾਂ ਨੇ ਆਪਣੀ ਪ੍ਰੈਗਨੈਂਸੀ ਦੀ ਖ਼ਬਰ ਕੰਫਰਮ ਕੀਤੀ ਹੈ ਅਤੇ ਹੁਣ ਇਸ 'ਚ ਇਹ ਨਵਾਂ ਨਾਮ ਜੁੜ ਗਿਆ ਹੈ। ਜੀ ਹਾਂ, ਟੀ. ਵੀ. ਅਦਾਕਾਰਾ ਅਨਿਤਾ ਹਸਨੰਦਾਨੀ ਦੇ ਘਰ ਵੀ ਕਿਲਕਾਰੀਆਂ ਗੂੰਜਣ ਵਾਲੀਆਂ ਹਨ। ਅਦਾਕਾਰਾ ਨੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸਾਂਝੀ ਕਰਦਿਆਂ ਆਪਣੀ ਪ੍ਰੈਗਨੈਂਸੀ ਦੀ ਖ਼ਬਰ ਦਿੱਤੀ ਹੈ। ਅਦਾਕਾਰਾ ਨੇ ਆਪਣੇ ਪਤੀ ਰੋਹਿਤ ਰੈਡੀ ਨਾਲ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ 'ਚ ਨਾ ਸਿਰਫ਼ ਉਹ ਆਪਣਾ ਬੇਬੀ ਬੰਪ ਫਲਾਂਟ ਕਰਦੀ ਨਜ਼ਰ ਆ ਰਹੀ ਹੈ ਸਗੋਂ ਉਸ ਨੇ ਆਪਣੇ ਪਤੀ ਨਾਲ ਆਪਣੀ ਜਰਨੀ ਵੀ ਦਿਖਾਈ ਹੈ।
❤️+❤️=❤️❤️❤️ Love you @rohitreddygoa #gettingreadyforreddy
A post shared by Anita H Reddy (@anitahassanandani) on Oct 10, 2020 at 5:24am PDT
ਇਸ ਵੀਡੀਓ 'ਚ ਰੋਹਿਤ, ਅਨਿਤਾ ਦੇ ਬੇਬੀ ਬੰਪ 'ਤੇ ਕਿਸ ਕਰਦੇ ਹੋਏ ਨਜ਼ਰ ਆ ਰਹੇ ਹਨ ਅਤੇ ਦੋਵੇਂ ਕਾਫ਼ੀ ਖੁਸ਼ ਲੱਗ ਰਹੇ ਹਨ। ਉਨ੍ਹਾਂ ਦੀ ਸਾਂਝੀ ਕੀਤੀ ਵੀਡੀਓ ਨੂੰ ਲੋਕ ਕਾਫ਼ੀ ਪਸੰਦ ਕਰ ਰਹੇ ਹਨ ਅਤੇ ਪ੍ਰਸ਼ੰਸਕਾਂ ਤੋਂ ਲੈ ਕੇ ਫ਼ਿਲਮ ਇੰਡਸਟਰੀ ਦੇ ਲੋਕ ਵੀ ਅਦਾਕਾਰਾ ਨੂੰ ਵਧਾਈਆਂ ਦੇ ਰਹੇ ਹਨ। ਅਨਿਤਾ ਦੀ ਪੋਸਟ 'ਤੇ ਯੂਵਿਕਾ ਚੌਧਰੀ, ਕਿਸ਼ਵਰ ਮਾਰਚੈਂਟ, ਤੁਸ਼ਾਰ ਕਪੂਰ ਨੇ ਵੀ ਕੁਮੈਂਟ ਕੀਤੇ ਹਨ। ਉਥੇ ਹੀ ਅਨੀਤਾ ਹਸਨੰਦਾਨੀ ਨੇ ਵੀ ਵੀਡੀਓ ਸਾਂਝੀ ਕਰਦੇ ਹੋਏ ਲਿਖਿਆ ਹੈ, 'Getting ready for reddy' ਨਾਲ ਹੀ ਉਨ੍ਹਾਂ ਨੇ ਹਾਰਟ ਇਮੋਜ਼ੀ ਨਾਲ ਸਾਂਝਾ ਕੀਤਾ ਹੈ।
ਦੱਸ ਦੇਈਏ ਕਿ ਅਨਿਤਾ ਅਤੇ ਰੋਹਿਤ ਨੇ ਸਾਲ 2013 'ਚ ਵਿਆਹ ਕਰਵਾਇਆ ਸੀ ਅਤੇ ਦੋਵੇਂ 'ਨਚ ਬੱਲੀਏ' ਦੇ ਸੀਜ਼ਨ-9 'ਚ ਵੀ ਨਜ਼ਰ ਆਏ ਸੀ। ਅਨੀਤਾ ਕਈ ਫ਼ਿਲਮਾਂ ਅਤੇ ਟੀ. ਵੀ. ਸੀਰੀਅਲਜ਼ 'ਚ ਨਜ਼ਰ ਆ ਚੁੱਕੀ ਹੈ ਅਤੇ ਉਨ੍ਹਾਂ ਨੇ 'ਯੇ ਹੈ ਮੁਹੱਬਤੇ' ਤੇ 'ਨਾਗਿਨ' 'ਚ ਆਪਣੀ ਖ਼ਾਸ ਪਛਾਣ ਬਣਾਈ ਹੈ।