ਕੰਗਨਾ ਰਣੌਤ ਦੇ ਵਿਵਾਦ ‘ਚ ਹੁਣ ਲੋਕਾਂ ਨੇ ਘੇਰਿਆ ਅਮਿਤਾਭ ਬੱਚਨ, ਆਖੀਆਂ ਇਹ ਗੱਲਾਂ

ਮੁੰਬਈ (ਬਿਊਰੋ) - ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਸਰਗਰਮ ਰਹਿੰਦੇ ਹਨ। ਕੋਰੋਨਾ ਤੋਂ ਜੰਗ ਜਿੱਤਣ ਤੋਂ ਬਾਅਦ ਉਨ੍ਹਾਂ ਨੇ ਫਿਰ ਤੋਂ ਇਕ ਵਾਰ ਸ਼ੂਟਿੰਗ ’ਤੇ ਜਾਣਾ ਸ਼ੁਰੂ ਕਰ ਦਿੱਤਾ ਹੈ। ਅੱਜਕਲ ਉਹ ਟੀ. ਵੀ. ਸ਼ੋਅ ‘ਕੌਣ ਬਣੇਗਾ ਕਰੋੜਪਤੀ’ ਦੀ ਸ਼ੂਟਿੰਗ ਵਿਚ ਬਿਜ਼ੀ ਹਨ। ਅਮਿਤਾਭ ਅਕਸਰ ਆਪਣੇ ਜੀਵਨ ਦੇ ਕਿੱਸਿਆਂ ਅਤੇ ਆਪਣੇ ਪਿਤਾ ਜੀ ਦੀਆਂ ਲਾਈਨਾਂ ਸਾਂਝੀਆਂ ਕਰਦੇ ਰਹਿੰਦੇ ਹਨ।

ਹਾਲ ਹੀ ਵਿਚ ਉਨ੍ਹਾਂ ਨੇ ਇਕ ਨਵੀਂ ਪੋਸਟ ਸਾਂਝੀ ਕੀਤੀ, ਜਿਸ ਵਿਚ ਉਨ੍ਹਾਂ ਨੇ ਕੰਨਖਜੂਰੇ ਦੀ ਦਾਸਤਾਂ ਬਿਆਨ ਕੀਤੀ ਪਰ ਅੱਧੀ ਰਾਤ ਨੂੰ ਇਹ ਪੋਸਟ ਦੇਖਣ ਦੇ ਬਾਅਦ ਯੂਜਰਜ਼ ਨੇ ਕੰਗਨਾ ਰਣੌਤ ਦੇ ਮਾਮਲੇ ’ਤੇ ਉਨ੍ਹਾਂ ਦੀ ਚੁੱਪੀ ਨੂੰ ਲੈ ਕੇ ਸਵਾਲ ਖੜ੍ਹੇ ਕੀਤੇ ਹਨ।

T 3565 -
बिन पूछे,एक कनखजूरा,घुस गया भैया कान में
बहु कोसिस की लोगन ने,पर उ पहुँचा दुसरे कान में
बाहर निकल के,जोर से बोला,सुनो हमारी गाथा
इन साहिब के खोपरी में कुछ दिखी नहीं व्यवस्था
ऐँ?
क्या व्यवस्था मिली ना तुमको, हमें भी तो बताओ
घास फूस से भरा है कमरा, खुदय देख के आओ pic.twitter.com/c5QOSpc7PH

— Amitabh Bachchan (@SrBachchan) September 10, 2020

ਦਰਅਸਲ ਵੀਰਵਾਰ ਨੂੰ ਅੱਧੀ ਰਾਤ ਨੂੰ ਅਮਿਤਾਭ ਬੱਚਨ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਇਕ ਪੋਸਟ ਸਾਂਝੀ ਕੀਤੀ। ਉਨ੍ਹਾਂ ਨੇ ‘ਕੌਣ ਬਣੇਗਾ ਕਰੋੜਪਤੀ’ ਦੇ ਸੈੱਟ ਦੀ ਇਕ ਤਸਵੀਰ ਨੂੰ ਸਾਂਝੀ ਕਰਦਿਆਂ ਲਿਖਿਆ-‘ਬਿਨਾਂ ਪੂਛੇ ਏਕ ਕਨਖਜੂਰਾ ਘੁਸ ਗਿਆ ਭਈਆ ਕਾਨ ਮੇ, ਬਹੁਤ ਕੋਸ਼ਿਸ਼ ਕੀ ਲੋਗਨ ਨੇ ਪਰ ਜਾ ਪਹੁੰਚਾ ਦੂਜੇ ਕਾਨ ਮੇ। ਬਾਹਰ ਨਿਕਲ ਕੇ ਜ਼ੋਰ ਸੇ ਬੋਲਾ, ਸੁਣੋ ਹਮਾਰੀ ਗਾਥਾ, ਇਨ ਸਾਹਿਬ ਕੀ ਖੋਪਰੀ ਮੇ ਕੁਛ ਦਿਖੀ ਨਹੀਂ ਵਿਵਸਥਾ। ਏ? ਕਿਆ ਵਿਵਸਥਾ ਮਿਲੀ ਨਹੀਂ ਤੁਮਕੋ, ਹਮੇ ਬੀ ਤੋ ਬਤਾਓ, ਘਾਸ-ਫੂਸ ਸੇ ਭਰਾ ਹੈ ਕਮਰਾ, ਖੁਦ ਦੇਖ ਕੇ ਆਓ।’ ਅਮਿਤਾਭ ਬੱਚਨ ਦੀ ਇਸ ਕਵਿਤਾ ਨੂੰ ਪੜ੍ਹਨ ਦੇ ਬਾਅਦ ਯੂਜਰਜ਼ ਨੇ ਬਿੱਗ ਬੀ ’ਤੇ ਨਿਸ਼ਾਨਾ ਸਾਧਿਆ।

ਲੋਕਾਂ ਨੇ ਪੁੱਛਣਾ ਸ਼ੁਰੂ ਕੀਤਾ। ਤੁਸੀ ਕੰਗਨਾ ਦੇ ਮਾਮਲੇ ’ਤੇ ਚੁੱਪ ਕਿਉਂ ਹੋ? ਯੂਜਰ ਨੇ ਕਿਹਾ ਕਿ ਤੁਸੀਂ ਔਰਤਾਂ ਦੀ ਸਮੱਸਿਆ ’ਤੇ ਬੋਲਦੇ ਹੋ ਤਾਂ ਇਹ ਚੁੱਪੀ ਕਿਉਂ? ਤੁਸੀ ਕਿਵੇਂ ਹੋ ਸਦੀ ਦੇ ਮਹਾਨਾਇਕ? ਇਕ ਹੋਰ ਯੂਜਰ ਨੇ ਲਿਖਿਆ-ਤੁਹਾਡੀ ਚੁੱਪੀ ਨੇ ਸਾਬਤ ਕਰ ਦਿੱਤਾ ਕਿ ਜਿਨ੍ਹਾਂ ਸਨਮਾਨ ਤੁਹਾਨੂੰ ਭਾਰਤ ਵਿਚ ਮਿਲਿਆ ਉਸ ਦੇ ਕਾਬਿਲ ਤਾਂ ਤੁਸੀ ਸੀ ਹੀ ਨਹੀਂ।