ਸਾਲਾਂ ਬਾਅਦ ਅਲੀ ਅਸਗਰ ਨੇ ਕੀਤਾ ਖ਼ੁਲਾਸਾ, ਦੱਸਿਆ ਕਿਉਂ ਛੱਡਿਆ ਕਪਿਲ ਸ਼ਰਮਾ ਦਾ ਸ਼ੋਅ

ਮੁੰਬਈ (ਬਿਊਰੋ)– ‘ਦਿ ਕਪਿਲ ਸ਼ਰਮਾ ਸ਼ੋਅ’ ’ਚ ਕਈ ਕਿਰਦਾਰ ਅਜਿਹੇ ਹਨ, ਜਿਨ੍ਹਾਂ ਨੂੰ ਲੋਕ ਅੱਜ ਵੀ ਯਾਦ ਕਰਦੇ ਹਨ। ਇਨ੍ਹਾਂ ਕਿਰਦਾਰਾਂ ’ਚੋਂ ਇਕ ਕਿਰਦਾਰ ਦਾ ਨਾਂ ‘ਦਾਦੀ’ ਹੈ। ਇਸ ਸ਼ੋਅ ’ਚ ਦਾਦੀ ਦਾ ਕਿਰਦਾਰ ਮਸ਼ਹੂਰ ਅਦਾਕਾਰ ਅਲੀ ਅਸਗਰ ਨੇ ਨਿਭਾਇਆ ਸੀ।

ਇਹ ਖ਼ਬਰ ਵੀ ਪੜ੍ਹੋ : ਪਹਿਲੀ ਵਾਰ ਗੈਰੀ ਸੰਧੂ ਨੇ ਆਪਣੇ ਪੁੱਤਰ ਅਵਤਾਰ ਸੰਧੂ ਦੀ ਵੀਡੀਓ ਕੀਤੀ ਸਾਂਝੀ

ਦਾਦੀ ਦਾ ਕਿਰਦਾਰ ਲੋਕਾਂ ਨੂੰ ਇੰਨਾ ਪਸੰਦ ਸੀ ਕਿ ਜਦੋਂ ਉਨ੍ਹਾਂ ਨੇ ਸ਼ੋਅ ਛੱਡਿਆ ਤਾਂ ਲੋਕਾਂ ਦੇ ਦਿਲ ਹੀ ਟੁੱਟ ਗਏ। ਉਥੇ ਹੁਣ ਹਾਲ ਹੀ ’ਚ ਅਲੀ ਅਸਗਰ ਨੇ ਖ਼ੁਲਾਸਾ ਕੀਤਾ ਕਿ ਉਨ੍ਹਾਂ ਦੇ ਅਚਾਨਕ ਸ਼ੋਅ ਨੂੰ ਛੱਡਣ ਪਿੱਛੇ ਕੀ ਵਜ੍ਹਾ ਸੀ।

ਈ-ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਅਲੀ ਅਸਗਰ ਨੇ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਕ੍ਰਿਏਟਿਵ ਡਿਫਰੈਂਸਿਜ਼ ਕਾਰਨ ਛੱਡਿਆ। ਅਦਾਕਾਰ ਨੇ ਕਿਹਾ, ‘ਇਹ ਦੁੱਖ ਵਾਲੀ ਗੱਲ ਹੈ। ਅਜਿਹੇ ਮੌਕੇ ਆਉਂਦੇ ਹਨ, ਜਦੋਂ ਤੁਸੀਂ ਦੋਰਾਹੇ ’ਤੇ ਖੜ੍ਹੇ ਹੁੰਦੇ ਹੋ। ਉਸ ਸਮੇਂ ਤੁਹਾਨੂੰ ਸਖ਼ਤ ਫ਼ੈਸਲਾ ਲੈਣਾ ਪੈਂਦਾ ਹੈ। ਮੈਂ ਸ਼ੋਅ ਨੂੰ ਤੇ ਸਟੇਜ ਨੂੰ ਮਿਸ ਕਰਦਾ ਹਾਂ। ਅਸੀਂ ਇਕ ਟੀਮ ਵਾਂਗ ਕੰਮ ਕੀਤਾ ਸੀ।’

ਅਦਾਕਾਰ ਨੇ ਅੱਗੇ ਕਿਹਾ, ‘ਪਰ ਇਕ ਸਮਾਂ ਆਇਆ, ਜਦੋਂ ਪ੍ਰੋਫੈਸ਼ਨਲ ਤੌਰ ’ਤੇ ਮੈਨੂੰ ਲੱਗਾ ਕਿ ਹੁਣ ਬਹੁਤ ਜ਼ਿਆਦਾ ਹੋ ਗਿਆ ਹੈ। ਕ੍ਰਿਏਟਿਵ ਡਿਫਰੈਂਸਿਜ਼ ਕਾਰਨ ਮੈਂ ਸ਼ੋਅ ਛੱਡਿਆ ਕਿਉਂਕਿ ਮੇਰਾ ਕਿਰਦਾਰ ਸਥਿਰ ਹੋ ਗਿਆ ਸੀ। ਮੇਰਾ ਕੰਮ ਰੁੱਕ ਗਿਆ ਸੀ। ਉਸ ’ਚ ਸੁਧਾਰ ਦਾ ਕੋਈ ਸਕੋਪ ਨਹੀਂ ਸੀ।’

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।