ਅਕਸ਼ੈ ਖੰਨਾ ਨੇ ਫਿਲਮ ''ਧੁਰੰਦਰ'' ''ਚ ਪਹਿਲਾਂ ਰਿਜੈਕਟ ਕਰ ਦਿੱਤਾ ਸੀ ''ਰਹਿਮਾਨ ਡਕੈਤ'' ਦਾ ਲੁੱਕ ! ਫਿਰ ਇੰਝ ਹੋਏ ਰਾਜ਼ੀ
Thursday, Dec 25, 2025 - 01:21 PM (IST)
ਐਂਟਰਟੇਨਮੈਂਟ ਡੈਸਕ- ਆਦਿਤਿਆ ਧਰ ਦੀ ਨਵੀਂ ਫਿਲਮ 'ਧੁਰੰਦਰ' ਬਾਕਸ ਆਫਿਸ 'ਤੇ ਇਤਿਹਾਸ ਰਚ ਰਹੀ ਹੈ। ਫਿਲਮ ਵਿੱਚ ਅਦਾਕਾਰ ਅਕਸ਼ੈ ਖੰਨਾ ਦੁਆਰਾ ਨਿਭਾਏ ਗਏ 'ਰਹਿਮਾਨ ਡਕੈਤ' ਦੇ ਕਿਰਦਾਰ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ, ਪਰ ਹਾਲ ਹੀ ਵਿੱਚ ਫਿਲਮ ਦੀ ਕਾਸਟਿਊਮ ਡਿਜ਼ਾਈਨਰ ਸਮ੍ਰਿਤੀ ਚੌਹਾਨ ਨੇ ਖੁਲਾਸਾ ਕੀਤਾ ਹੈ ਕਿ ਅਕਸ਼ੈ ਖੰਨਾ ਸ਼ੁਰੂਆਤ ਵਿੱਚ ਆਪਣੇ ਇਸ ਲੁੱਕ ਨੂੰ ਰਿਜੈਕਟ ਕਰ ਦਿੱਤਾ ਸੀ ਉਹ ਇਸ ਤੋਂ ਖੁਸ਼ ਨਹੀਂ ਸਨ।
ਇਹ ਵੀ ਪੜ੍ਹੋ: ਮਨੋਰੰਜਨ ਇੰਡਸਟਰੀ 'ਚ ਪਸਰਿਆ ਮਾਤਮ; ਕੈਂਸਰ ਤੋਂ ਜੰਗ ਹਾਰਿਆ ਦਿੱਗਜ ਅਦਾਕਾਰ
ਲੁੱਕ ਨੂੰ ਲੈ ਕੇ ਅਕਸ਼ੈ ਦੀ ਸੀ ਆਪਣੀ ਰਾਏ:
ਡਿਜ਼ਾਈਨਰ ਨੇ ਦੱਸਿਆ ਕਿ ਸ਼ੁਰੂਆਤੀ ਯੋਜਨਾ ਅਨੁਸਾਰ ਅਕਸ਼ੈ ਨੂੰ ਸਿਰਫ ਪਠਾਣੀ ਪੁਸ਼ਾਕ ਪਹਿਨਾਉਣ ਦਾ ਵਿਚਾਰ ਸੀ, ਪਰ ਅਕਸ਼ੈ ਨੂੰ ਲੱਗਿਆ ਕਿ ਕਿਰਦਾਰ ਵਿੱਚ ਕੁਝ ਕਮੀ ਹੈ। ਅਕਸ਼ੈ ਚਾਹੁੰਦੇ ਸਨ ਕਿ ਉਨ੍ਹਾਂ ਦਾ ਕਿਰਦਾਰ "ਸੜਕ ਦਾ ਆਦਮੀ" ਲੱਗੇ। ਉਨ੍ਹਾਂ ਨੇ ਭਾਰੀ ਕਢਾਈ ਵਾਲੇ ਪਠਾਣੀ ਸੂਟਾਂ ਨੂੰ ਰਿਜੈਕਟ ਕਰ ਦਿੱਤਾ ਅਤੇ ਸੁਝਾਅ ਦਿੱਤਾ ਕਿ ਕਿਰਦਾਰ ਵਿੱਚ ਕੁੜਤਾ-ਜੀਨਸ ਦਾ ਮਿਸ਼ਰਣ ਹੋਣਾ ਚਾਹੀਦਾ ਹੈ ਤਾਂ ਜੋ ਉਸ ਦੀਆਂ ਜੜ੍ਹਾਂ ਗਲੀਆਂ ਨਾਲ ਜੁੜੀਆਂ ਮਹਿਸੂਸ ਹੋਣ।
ਇਹ ਵੀ ਪੜ੍ਹੋ: 'ਹਨੀ ਸਿੰਘ 'ਤੇ ਕਰੋ ਪਰਚਾ ਦਰਜ', 'ਨਾਗਨ' ਗਾਣੇ ਰਾਹੀਂ ਅਸ਼ਲੀਲਤਾ ਫਲਾਉਣ ਦੇ ਦੋਸ਼
ਕੱਪੜਿਆਂ ਰਾਹੀਂ ਦਿਖਾਇਆ ਗਿਆ ਕਿਰਦਾਰ ਦਾ ਸਫ਼ਰ:
ਅਕਸ਼ੈ ਦੀ ਸਲਾਹ ਤੋਂ ਬਾਅਦ ਕਿਰਦਾਰ ਦੀ ਪੂਰੀ ਦਿੱਖ ਹੀ ਬਦਲ ਦਿੱਤੀ ਗਈ। ਸਮ੍ਰਿਤੀ ਅਨੁਸਾਰ, ਰਹਿਮਾਨ ਡਕੈਤ ਦੀ ਤਰੱਕੀ ਨੂੰ ਉਸ ਦੇ ਕੱਪੜਿਆਂ ਰਾਹੀਂ ਦਿਖਾਇਆ ਗਿਆ ਹੈ। ਫਿਲਮ ਵਿੱਚ ਉਹ ਪਹਿਲਾਂ ਲਿਨਨ ਅਤੇ ਡੇਨਿਮ ਦੇ ਕੱਪੜਿਆਂ ਵਿੱਚ ਨਜ਼ਰ ਆਉਂਦੇ ਹਨ, ਜਦਕਿ ਬਾਅਦ ਵਿੱਚ ਉਹ ਸਿਲਕ ਅਤੇ ਊਨੀ ਦੇ ਪਠਾਣੀ ਸੂਟ ਪਹਿਨਦੇ ਦਿਖਾਈ ਦਿੰਦੇ ਹਨ।
ਇਹ ਵੀ ਪੜ੍ਹੋ: ਕੈਨੇਡਾ ਤੋਂ ਆਈ ਮੰਦਭਾਗੀ ਖਬਰ; ਭਾਰਤੀ ਮੂਲ ਦੀ ਹਿਮਾਂਸ਼ੀ ਖੁਰਾਣਾ ਦਾ ਕਤਲ
'Fa9la' ਗੀਤ 'ਤੇ ਅਕਸ਼ੈ ਦੀ ਐਂਟਰੀ:
ਫਿਲਮ ਦੇ ਮਸ਼ਹੂਰ ਗੀਤ 'Fa9la' ਦਾ ਲੁੱਕ ਵੀ ਆਖਰੀ ਮਿੰਟ 'ਤੇ ਫਾਈਨਲ ਕੀਤਾ ਗਿਆ ਸੀ। ਇਸ ਗਾਣੇ ਵਿੱਚ ਅਕਸ਼ੈ ਦੀ ਐਂਟਰੀ ਨੂੰ ਖਾਸ ਬਣਾਉਣ ਲਈ ਇੱਕ ਵੱਖਰੀ ਰਣਨੀਤੀ ਅਪਣਾਈ ਗਈ ਸੀ। ਬਲੂਚ ਸੰਸਕ੍ਰਿਤੀ ਨੂੰ ਧਿਆਨ ਵਿੱਚ ਰੱਖਦਿਆਂ ਸਾਰੇ ਡਾਂਸਰਾਂ ਨੂੰ ਚਿੱਟੇ ਕੱਪੜੇ ਪਹਿਨਾਏ ਗਏ ਸਨ, ਜਦਕਿ ਅਕਸ਼ੈ ਖੰਨਾ ਨੂੰ ਪੂਰੀ ਤਰ੍ਹਾਂ ਕਾਲੇ (All Black) ਕੱਪੜਿਆਂ ਵਿੱਚ ਦਿਖਾਇਆ ਗਿਆ ਤਾਂ ਜੋ ਉਹ ਭੀੜ ਵਿੱਚ ਸਭ ਤੋਂ ਵੱਖਰੇ ਅਤੇ ਪ੍ਰਭਾਵਸ਼ਾਲੀ ਨਜ਼ਰ ਆਉਣ।
ਇਹ ਵੀ ਪੜ੍ਹੋ: ਅਮਰੀਕਾ ਦੀ ਵੱਡੀ ਕਾਰਵਾਈ ! 30 ਭਾਰਤੀਆਂ ਨੂੰ ਕੀਤਾ ਗ੍ਰਿਫ਼ਤਾਰ, ਕਰ ਰਹੇ ਸਨ ਇਹ ਕੰਮ
ਬਾਕਸ ਆਫਿਸ 'ਤੇ ਧਮਾਕੇਦਾਰ ਕਮਾਈ:
'ਉਰੀ: ਦਿ ਸਰਜੀਕਲ ਸਟ੍ਰਾਈਕ' ਤੋਂ ਬਾਅਦ ਆਦਿਤਿਆ ਧਰ ਦੀ ਇਹ ਦੂਜੀ ਫਿਲਮ ਵੀ ਸੁਪਰਹਿੱਟ ਸਾਬਤ ਹੋਈ ਹੈ। 'ਧੁਰੰਦਰ' ਨੇ ਸਿਰਫ 20 ਦਿਨਾਂ ਵਿੱਚ ਵਿਸ਼ਵ ਪੱਧਰ 'ਤੇ 907 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ ਅਤੇ ਇਸਦੀ IMDb ਰੇਟਿੰਗ 8.6 ਹੈ।
ਇਹ ਵੀ ਪੜ੍ਹੋ: ਕਾਮੇਡੀਅਨ ਭਾਰਤੀ ਸਿੰਘ ਨੇ ਦਿਖਾਈ ਆਪਣੇ ਦੂਜੇ ਬੇਟੇ 'ਕਾਜੂ' ਦੀ ਪਹਿਲੀ ਝਲਕ
