ਸਲਮਾਨ ਖ਼ਾਨ ਦੀ ਫ਼ਿਲਮ ‘ਰਾਧੇ’ ਦੀ ਅਡਵਾਂਸ ਬੁਕਿੰਗ UAE ’ਚ ਹੋਈ ਸ਼ੁਰੂ

ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਸਲਮਾਨ ਖ਼ਾਨ ਦੀ ਫ਼ਿਲਮ ‘ਰਾਧੇ: ਯੋਰ ਮੋਸਟ ਵਾਂਟੇਡ ਭਾਈ’ ਆਉਣ ਵਾਲੀ ਈਦ ’ਤੇ ਰਿਲੀਜ਼ ਹੋਣ ਵਾਲੀ ਹੈ। ਫ਼ਿਲਮ ਪਿਛਲੇ ਸਾਲ ਈਦ ਦੇ ਮੌਕੇ ’ਤੇ ਰਿਲੀਜ਼ ਹੋਣ ਵਾਲੀ ਸੀ ਪਰ ਤਾਲਾਬੰਦੀ ਦੇ ਕਾਰਨ ਰਿਲੀਜ਼ ਨਹੀਂ ਹੋ ਪਾਈ। ਇਸ ਨਾਲ ਸਲਮਾਨ ਖ਼ਾਨ ਦੇ ਪ੍ਰਸ਼ੰਸਕ ਨੂੰ ਕਾਫ਼ੀ ਨਿਰਾਸ਼ਾ ਹੋਈ। ਇਸ ਵਾਰ ਫ਼ਿਲਮ ਸਿਨੇਮਾ ਘਰਾਂ ’ਚ ਰਿਲੀਜ਼ ਹੋਣ ਵਾਲੀ ਸੀ ਪਰ ਕੋਰੋਨਾ ਵਾਇਰਸ ਮਹਾਮਾਰੀ ਦੀ ਦੂਜੀ ਲਹਿਰ ਦੇ ਚੱਲਦੇ ਸਿਨੇਮਾਘਰ ’ਚ ਲੱਗੀਆਂ ਪਾਬੰਦੀਆਂ ਦੇ ਨਾਲ ਰਿਲੀਜ਼ ਹੋਵੇਗੀ। ਇਸ ਦੇ ਨਾਲ ਹੀ ਫ਼ਿਲਮ ਜੀ5 ਓ.ਟੀ.ਟੀ. ਪਲੇਟਫਾਰਮ ’ਤੇ ਵੀ ਸਟਰੀਮ ਹੋਵੇਗੀ। ਇਸ ਤੋਂ ਇਲਾਵਾ ਹੁਣ ਯੂ.ਏ.ਈ. ਦੇ ਸਿਨੇਮਾਘਰਾਂ ’ਚ ਵੀ ਰਿਲੀਜ਼ ਹੋਵੇਗੀ ਅਤੇ ਇਸ ਲਈ ਅਡਵਾਂਸ ਬੁਕਿੰਗ ਵੀ ਸ਼ੁਰੂ ਹੋ ਚੁੱਕੀ ਹੈ। ਇਸ ਦੀ ਜਾਣਕਾਰੀ ਸਲਮਾਨ ਖ਼ਾਨ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਦਿੱਤੀ ਹੈ।

#Radhe ki advance bookings ho gayi hain shuru for the UAE. Milte hain theatres mein. Stay safe!@voxcinemas @ReelCinemas @NovoCinemas @starcinemasme @CinepolisGulf and others..@bindasbhidu @DishPatani @RandeepHooda @PDdancing @SKFilmsOfficial @SohailKhan @atulreellife pic.twitter.com/I0ihMIxqil

— Salman Khan (@BeingSalmanKhan) May 2, 2021

ਇਨ੍ਹਾਂ ਦੇਸ਼ਾਂ ’ਚ ਰਿਲੀਜ਼ ਹੋਵੇਗੀ ਫ਼ਿਲਮ
ਸਲਮਾਨ ਖ਼ਾਨ ਨੇ ਆਪਣੇ ਟਵੀਟ ’ਚ ਫ਼ਿਲਮ ਦਾ ਇਕ ਪੋਸਟਰ ਸਾਂਝਾ ਕਰਦੇ ਹੋਏ ਲਿਖਿਆ ਕਿ ਯੂ.ਏ.ਈ. ਦੇ ਸਿਨੇਮਾਘਰਾਂ ’ਚ ‘ਰਾਧੇ’ ਦੀ ਅਡਵਾਂਸ ਬੁਕਿੰਗ ਸ਼ੁਰੂ ਹੋ ਗਈ ਹੈ। ਮਿਲਦੇ ਹਾਂ ਥਿਏਟਰ ’ਚ ਉਦੋਂ ਤੱਕ ਸੁਰੱਖਿਅਤ ਰਹੋ’। ਫ਼ਿਲਮ ਦੇ ਪੋਸਟਰ ਦੇ ਟਾਪ ’ਤੇ ਲਿਖਿਆ ਹੈ ਕਿ ਕਤਰ, ਓਮਾਨ, ਕੁਵੈਤ, ਸਾਊਦੀ ਅਰਬ ਅਤੇ ਬਹਿਰੀਨ ਦੇ ਸਿਨੇਮਾਘਰਾਂ ’ਚ ਅਡਵਾਂਸ ਬੁਕਿੰਗ ਸ਼ੁਰੂ ਹੋ ਚੁੱਕੀ ਹੈ। 
ਫ਼ਿਲਮ ਦਾ ਟ੍ਰੇਲਰ ਲਾਂਚ ਤੋਂ ਬਾਅਦ ਇਸ ਦੇ ਦੋ ਗਾਣੇ ਵੀ ਆ ਚੁੱਕੇ ਹਨ। ਪ੍ਰਸ਼ੰਸਕ ਇਨ੍ਹਾਂ ਗਾਣਿਆਂ ਦਾ ਕਾਫ਼ੀ ਮਜ਼ਾ ਲੈ ਰਹੇ ਹਨ। ਦੋਵਾਂ ਗੀਤਾਂ ’ਚ ਸਲਮਾਨ ਖ਼ਾਨ ਪਾਵਰ ਪੈਕ ਪਰਫਾਰਮੈਂਸ ਦੇਖਣ ਨੂੰ ਮਿਲ ਰਹੀ ਹੈ। ‘ਸੀਟੀ ਮਾਰ’ ਗਾਣੇ ’ਚ ਉਨ੍ਹਾਂ ਨੇ ਦਿਸ਼ਾ ਪਾਟਨੀ ਦੇ ਨਾਲ ਜ਼ਬਰਦਸਤ ਡਾਂਸ ਕੀਤਾ ਹੈ। ਟ੍ਰੇਲਰ ’ਚ ਉਹ ਦਿਸ਼ਾ ਪਾਟਨੀ ਨੂੰ ਕਿੱਸ ਕਰਦੇ ਹੋਏ ਵੀ ਨਜ਼ਰ ਆ ਰਹੇ ਹਨ। ਹਾਲਾਂਕਿ ਬਾਅਦ ’ਚ ਪ੍ਰਸ਼ੰਸਕਾਂ ਨੇ ਨੋਟਿਸ ਕੀਤਾ ਕਿ ਦਿਸ਼ਾ ਦੇ ਮੂੰਹ ’ਤੇ ਟੇਪ ਲੱਗੀ ਹੋਈ ਸੀ।
ਨਹੀਂ ਟੁੱਟੀ ‘ਨੋ ਕਿੱਸ ਪਾਲਿਸੀ’ 
ਪ੍ਰਸ਼ੰਸਕ ਦਾਅਵਾ ਕਰ ਰਹੇ ਹਨ ਕਿ ਇਸ ਦੌਰਾਨ ਦਿਸ਼ਾ ਪਾਟਨੀ ਨੇ ਆਪਣੇ ਮੂੰਹ ’ਤੇ ਟੇਪ ਲਗਾਈ ਹੋਈ ਸੀ ਅਤੇ ਇਸ ਨਾਲ ਸਲਮਾਨ ਦੀ ਪਾਲਿਸੀ ਵੀ ਨਹੀਂ ਟੁੱਟੀ ਹੈ। ਸਲਮਾਨ ਖ਼ਾਨ ਦੀ ਫ਼ਿਲਮ ਦਾ ਟ੍ਰੇਲਰ ਕਰੀਬ ਇਕ ਹਫ਼ਤਾ ਪਹਿਲਾਂ ਰਿਲੀਜ਼ ਹੋਇਆ ਸੀ ਪਰ ਸਲਸਾਨ ਦੇ ਦਾਅਵੇ ਨੂੰ ਟੁੱਟਦਾ ਦੇਖ ਪ੍ਰਸ਼ੰਸਕ ਕਾਫ਼ੀ ਹੈਰਾਨ ਸਨ। ਹੁਣ ਸੋਸ਼ਲ ਮੀਡੀਆ ਯੂਜ਼ਰਸ ਦਾ ਕਹਿਣਾ ਹੈ ਕਿ ਦਿਸ਼ਾ ਦੇ ਮੂੰਹ ’ਤੇ ਟੇਪ ਸੀ ਇਸ ਨਾਲ ਸਲਮਾਨ ਦੀ ਪਾਲਿਸੀ ਨਹੀਂ ਟੁੱਟੀ ਹੈ।