ਹਾਲੀਵੁੱਡ ਦੇ ਦਿੱਗਜ ਐਕਸ਼ਨ ਸਟਾਰ ਦਾ 86 ਸਾਲ ਦੀ ਉਮਰ ''ਚ ਦਿਹਾਂਤ, ਪੂਰੀ ਦੁਨੀਆ ''ਚ ਛਾਈ ਸੋਗ ਦੀ ਲਹਿਰ

ਵਾਸ਼ਿੰਗਟਨ ਡੀ.ਸੀ. (ਏਜੰਸੀ) : 'ਵਾਕਰ, ਟੈਕਸਾਸ ਰੇਂਜਰ' ਵਰਗੇ ਪ੍ਰਸਿੱਧ ਸੀਰੀਅਲ ਅਤੇ ਆਪਣੀ ਸ਼ਾਨਦਾਰ ਮਾਰਸ਼ਲ ਆਰਟਸ ਲਈ ਦੁਨੀਆ ਭਰ 'ਚ ਮਸ਼ਹੂਰ ਹਾਲੀਵੁੱਡ ਅਦਾਕਾਰ ਚੱਕ ਨੌਰਿਸ Norris) ਦਾ ਦਿਹਾਂਤ ਹੋ ਗਿਆ ਹੈ। ਉਹ 86 ਸਾਲਾਂ ਦੇ ਸਨ। ਉਨ੍ਹਾਂ ਦੇ ਪਰਿਵਾਰ ਨੇ ਸੋਸ਼ਲ ਮੀਡੀਆ ਰਾਹੀਂ ਇਸ ਦੁਖਦਾਈ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ।

ਇਹ ਵੀ ਪੜ੍ਹੋ: ਬਾਕਸ ਆਫਿਸ 'ਤੇ ਰਣਵੀਰ ਸਿੰਘ ਦੀ 'ਧੁਰੰਦਰ 2' ਨੇ ਰਚਿਆ ਇਤਿਹਾਸ; ਪਹਿਲੇ ਹੀ ਦਿਨ ਛਾਪ 'ਤੇ 145 ਕਰੋੜ

ਪਰਿਵਾਰ ਨੇ ਇੰਸਟਾਗ੍ਰਾਮ 'ਤੇ ਸਾਂਝੀ ਕੀਤੀ ਭਾਵੁਕ ਪੋਸਟ

ਚੱਕ ਨੌਰਿਸ ਦੇ ਪਰਿਵਾਰ ਨੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸਾਂਝੀ ਕਰਦਿਆਂ ਲਿਖਿਆ, "ਬਹੁਤ ਹੀ ਭਾਰੇ ਮਨ ਨਾਲ ਸਾਡਾ ਪਰਿਵਾਰ ਇਹ ਦੱਸ ਰਿਹਾ ਹੈ ਕਿ ਸਾਡੇ ਪਿਆਰੇ ਚੱਕ ਨੌਰਿਸ ਬੀਤੇ ਦਿਨੀਂ ਸਾਨੂੰ ਸਦਾ ਲਈ ਵਿਛੋੜਾ ਦੇ ਗਏ ਹਨ। ਉਨ੍ਹਾਂ ਨੇ ਆਪਣੇ ਅੰਤਿਮ ਸਮੇਂ ਵਿੱਚ ਪਰਿਵਾਰ ਦੇ ਵਿਚਕਾਰ ਸ਼ਾਂਤੀ ਨਾਲ ਪ੍ਰਾਣ ਤਿਆਗੇ।" ਪਰਿਵਾਰ ਨੇ ਅੱਗੇ ਕਿਹਾ ਕਿ ਦੁਨੀਆ ਲਈ ਉਹ ਇੱਕ ਮਾਰਸ਼ਲ ਆਰਟਿਸਟ ਅਤੇ ਤਾਕਤ ਦਾ ਪ੍ਰਤੀਕ ਸਨ, ਪਰ ਸਾਡੇ ਲਈ ਉਹ ਇੱਕ ਸਮਰਪਿਤ ਪਤੀ, ਪਿਆਰ ਕਰਨ ਵਾਲੇ ਪਿਤਾ, ਦਾਦਾ ਅਤੇ ਇੱਕ ਸ਼ਾਨਦਾਰ ਭਰਾ ਸਨ। ਉਨ੍ਹਾਂ ਨੇ ਆਪਣੀ ਅਨੁਸ਼ਾਸਨ ਅਤੇ ਦਿਆਲਤਾ ਨਾਲ ਲੱਖਾਂ ਲੋਕਾਂ ਨੂੰ ਪ੍ਰੇਰਿਤ ਕੀਤਾ।

ਇਹ ਵੀ ਪੜ੍ਹੋ: ਸਟੇਜਾਂ 'ਤੇ ਮੁੜ ਰਾਜ ਕਰੇਗਾ 'ਸਿੱਧੂ' ! ਅਜਿਹਾ ਕਰਨ ਵਾਲੇ ਬਣਨਗੇ ਪਹਿਲੇ ਭਾਰਤੀ ਕਲਾਕਾਰ, 8 ਦੇਸ਼ਾਂ 'ਚ ਹੋਣਗੇ ਸ਼ੋਅ

ਮਾਰਸ਼ਲ ਆਰਟਸ ਦੇ 'ਬਾਦਸ਼ਾਹ' ਸਨ ਨੌਰਿਸ

ਚੱਕ ਨੌਰਿਸ ਕੋਲ ਕਰਾਟੇ, ਤਾਈਕਵਾਂਡੋ, ਬ੍ਰਾਜ਼ੀਲੀਅਨ ਜਿਊ-ਜਿਤਸੂ ਅਤੇ ਜੂਡੋ ਵਰਗੇ ਕਈ ਮਾਰਸ਼ਲ ਆਰਟਸ ਵਿੱਚ ਬਲੈਕ ਬੈਲਟ ਹਾਸਲ ਸੀ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਵਿੱਚ ਮਹਾਨ ਮਾਰਸ਼ਲ ਆਰਟਿਸਟ ਬਰੂਸ ਲੀ ਦੇ ਨਾਲ ਫਿਲਮ 'ਰਿਟਰਨ ਆਫ ਦਿ ਡਰੈਗਨ' ਵਿੱਚ ਕੰਮ ਕਰਕੇ ਵੱਡੀ ਪਛਾਣ ਬਣਾਈ ਸੀ। ਨੌਰਿਸ ਦੇ ਦਿਹਾਂਤ ਦੀ ਖ਼ਬਰ ਸੁਣ ਕੇ ਦੁਨੀਆ ਭਰ ਵਿੱਚ ਫੈਲੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਿੱਚ ਸੋਗ ਦੀ ਲਹਿਰ ਹੈ। ਪਰਿਵਾਰ ਨੇ ਇਸ ਦੁੱਖ ਦੀ ਘੜੀ ਵਿੱਚ ਨਿੱਜਤਾ ਬਣਾਈ ਰੱਖਣ ਦੀ ਅਪੀਲ ਕੀਤੀ ਹੈ।

ਇਹ ਵੀ ਪੜ੍ਹੋ: ਧੁਰੰਦਰ-2 'ਚ 'ਬੜੇ ਸਾਹਿਬ' ਦੇ ਕਿਰਦਾਰ ਤੋਂ ਉੱਠਿਆ ਪਰਦਾ, ਜਾਣੋ ਕੌਣ ਹੈ ਇਹ Actor ਜਿਸ ਨੇ ਨਿਭਾਇਆ 'ਦਾਊਦ' ਦਾ ਰੋਲ

ਜਿੱਥੇ ਹਾਲੀਵੁੱਡ ਸਿਤਾਰੇ ਉਨ੍ਹਾਂ ਨੂੰ ਯਾਦ ਕਰ ਰਹੇ ਹਨ, ਉੱਥੇ ਹੀ ਬਾਲੀਵੁੱਡ ਦੇ ਸੁਪਰਸਟਾਰ ਅਕਸ਼ੈ ਕੁਮਾਰ ਨੇ ਵੀ ਬਹੁਤ ਭਾਵੁਕ ਹੋ ਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਹੈ। ਅਕਸ਼ੈ ਨੇ ਦੱਸਿਆ ਕਿ ਕਿਵੇਂ ਚੱਕ ਨੌਰਿਸ ਨੇ ਉਨ੍ਹਾਂ ਦੀ ਜ਼ਿੰਦਗੀ ਅਤੇ ਅਨੁਸ਼ਾਸਨ ਨੂੰ ਪ੍ਰਭਾਵਿਤ ਕੀਤਾ। ਅਕਸ਼ੈ ਕੁਮਾਰ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ 'ਤੇ ਚੱਕ ਨੌਰਿਸ ਦੀ ਫੋਟੋ ਸਾਂਝੀ ਕਰਦਿਆਂ ਲਿਖਿਆ, "ਇੱਕ ਮਾਰਸ਼ਲ ਆਰਟਿਸਟ ਵਜੋਂ ਵੱਡਾ ਹੁੰਦਿਆਂ, ਚੱਕ ਨੌਰਿਸ ਨੂੰ 'ਵੇਅ ਆਫ ਦਿ ਡਰੈਗਨ' ਅਤੇ 'ਮਿਸਿੰਗ ਇਨ ਐਕਸ਼ਨ' ਵਰਗੀਆਂ ਫਿਲਮਾਂ ਵਿੱਚ ਦੇਖਣਾ ਸਿਰਫ ਮਨੋਰੰਜਨ ਨਹੀਂ ਸੀ... ਇਹ ਮੇਰੇ ਲਈ ਸਿੱਖਿਆ ਸੀ। ਉਨ੍ਹਾਂ ਦਾ ਅਨੁਸ਼ਾਸਨ, ਤਾਕਤ ਅਤੇ ਸਕ੍ਰੀਨ 'ਤੇ ਉਨ੍ਹਾਂ ਦਾ ਅੰਦਾਜ਼ ਹਮੇਸ਼ਾ ਮੇਰੇ ਨਾਲ ਰਿਹਾ। ਮੈਂ ਉਸ ਪ੍ਰੇਰਨਾ ਲਈ ਸ਼ੁਕਰਗੁਜ਼ਾਰ ਹਾਂ ਜਿਸ ਨੇ ਮੇਰੀ ਸ਼ਖਸੀਅਤ ਨੂੰ ਘੜਨ ਵਿੱਚ ਮਦਦ ਕੀਤੀ।"

ਇਹ ਵੀ ਪੜ੍ਹੋ: ਇੰਤਜ਼ਾਰ ਹੋਇਆ ਖਤਮ ! ਕਾਮੇਡੀ ਕੁਈਨ ਭਾਰਤੀ ਸਿੰਘ ਨੇ ਦਿਖਾਇਆ ਛੋਟੇ ਪੁੱਤਰ 'ਕਾਜੂ' ਦਾ ਚਿਹਰਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e