''ਅੰਧਾਧੁਨ'' ਤੇ ''ਬਦਲਾਪੁਰ'' ਦੇ ਐਕਸ਼ਨ ਡਾਇਰੈਕਟਰ ਦਾ ਹੋਇਆ ਦਿਹਾਂਤ

ਮੁੰਬਈ (ਬਿਊਰੋ) — ਬਾਲੀਵੁੱਡ ਦੇ ਐਕਸ਼ਨ ਡਾਇਰੈਕਟਰ ਪਰਵੇਜ ਖਾਨ ਦਾ ਦਿਲ ਦਾ ਦੌਰਾ ਪੈਣ ਨਾਲ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਉਮਰ 55 ਸਾਲ ਸੀ। ਉਹ ਸ਼੍ਰੀਰਾਮ ਰਾਘਵਨ ਨਾਲ ਸੁਪਰਹਿੱਟ ਮੂਵੀ 'ਅੰਧਾਧੁਨ' ਅਤੇ 'ਬਦਲਾਪੁਰ' 'ਚ ਵੀ ਕੰਮ ਕਰ ਚੁੱਕੇ ਹਨ। ਖ਼ਬਰਾਂ ਮੁਤਾਬਕ ਪਰਵੇਜ ਦੀ ਛਾਤੀ 'ਚ ਕਾਫ਼ੀ ਦਰਦ ਸੀ, ਜਿਸ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ ਗਿਆ।

Just heard that action director Parvez Khan is no more. We had worked together in Shahid where he executed the riots sequence in a single take. Very skilful, energetic and a good man. RIP Parvez. Your voice still rings in my ears!

— Hansal Mehta (@mehtahansal) July 27, 2020

ਉੱਥੇ ਹੀ ਹੰਸਲ ਮਹਿਤਾ ਨੇ ਟਵੀਟ ਕਰਕੇ ਕਿਹਾ ਹੈ 'ਹੁਣ ਸੁਣਨ 'ਚ ਆਇਆ ਹੈ ਕਿ ਪਰਵੇਜ ਖਾਨ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ ਹਨ। ਅਸੀਂ ਦੋਹਾਂ ਨੇ ਫ਼ਿਲਮ 'ਸ਼ਾਹਿਦ' 'ਚ ਕੰਮ ਕੀਤਾ ਸੀ। ਉਨ੍ਹਾਂ ਨੇ ਇੱਕ ਸਿੰਗਲ ਟੇਕ 'ਚ ਦੰਗਿਆਂ ਦਾ ਸੀਕਵੇਂਸ ਸ਼ੂਟ ਕਰ ਦਿੱਤਾ ਸੀ। ਉਹ ਬਹੁਤ ਹੀ ਸਕਿਲਫੁੱਲ, ਐਨਨਰਜੀ ਨਾਲ ਭਰੇ ਚੰਗੇ ਇਨਸਾਨ ਸਨ। ਤੁਹਾਡੀ ਆਵਾਜ਼ ਹੁਣ ਮੇਰੇ ਕੰਨਾਂ 'ਚ ਗੂੰਝ ਰਹੀ ਹੈ।'

ਦੱਸਣਯੋਗ ਹੈ ਕਿ ਪਰਵੇਜ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 'ਚ ਐਕਸ਼ਨ ਡਾਇਰੈਕਟਰ ਅਕਬਰ ਬਕਸ਼ੀ ਨੂੰ ਅਸਿਸਟ ਕੀਤਾ ਸੀ।