ਕਿਸਾਨਾਂ ਦਾ ਅੰਦੋਲਨ ਹੁਣ ਬਣ ਗਿਆ ਹੈ ‘ਜਨ-ਅੰਦੋਲਨ’ : ਸ਼ਿਵ ਸੈਨਾ
01/09/2021 12:50:18 PM
ਕਪੂਰਥਲਾ (ਮਹਾਜਨ)— ਖੇਤੀਬਾੜੀ ਕਾਨੂੰਨਾਂ ਨੂੰ ਲੈ ਕੇ ਕਿਸਾਨਾਂ ਦਾ ਵਿਰੋਧ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਕਿਸਾਨਾਂ ਦੇ ਸਮਰਥਨ ਵਿਚ ਕਈ ਲੋਕ ਅੱਗੇ ਆ ਰਹੇ ਹਨ। ਇਹ ਸ਼ਬਦ ਸ਼ਿਵ ਸੈਨਾ ਦੇ ਪ੍ਰਦੇਸ਼ ਬੁਲਾਰੇ ਓਮਕਾਰ ਕਾਲੀਆ ਨੇ ਕਹੇ। ਕਾਲੀਆ ਨੇ ਕਿਹਾ ਕਿ ਕਿਸਾਨਾਂ ਦਾ ਅੰਦੋਲਨ ਹੁਣ ‘ਜਨ-ਅੰਦੋਲਨ’ ਬਣ ਗਿਆ ਹੈ। ਸਰਕਾਰ ਨੂੰ ਕਿਸਾਨਾਂ ਦੀ ਸੁਣਨੀ ਚਾਹੀਦੀ ਹੈ ਅਤੇ ਖੇਤੀਬਾੜੀ ਕਾਨੂੰਨ ਰੱਦ ਕਰਨੇ ਚਾਹੀਦੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਅੰਦੋਲਨ ਇਕ ਬਹੁਤ ਵੱਡੀ ਲਹਿਰ ਬਣ ਗਈ ਹੈ। ਇੰਨੀ ਵੱਡੀ ਲੋਕ ਲਹਿਰ ਮੈਂ ਆਪਣੀ ਜ਼ਿੰਦਗੀ ਵਿਚ ਨਹੀਂ ਵੇਖੀ। ਸਰਕਾਰ ਨੂੰ ਕਿਸਾਨਾਂ ਦੀ ਸੁਣਨੀ ਚਾਹੀਦੀ ਹੈ। ਉਥੇ ਹੀ ਸਰਕਾਰ ਨੂੰ ਇਸ ਅੰਦੋਲਨ ਨੂੰ ਜਿਨ੍ਹਾਂ ਸੀਰਿਅਸ ਲੈਣਾ ਚਾਹੀਦਾ ਹੈ ਸਰਕਾਰ, ਇੰਨੀ ਸੀਰਿਅਸ ਵਿਖ ਨਹੀਂ ਰਹੀ।
ਇਹ ਵੀ ਪੜ੍ਹੋ : ਕਪੂਰਥਲਾ ਜੇਲ੍ਹ ਸੁਰਖੀਆਂ ’ਚ, ਸਿਮ ਸਪਲਾਈ ਕਰਨ ਵਾਲਿਆਂ ਨੇ ਕੀਤੇ ਵੱਡੇ ਖ਼ੁਲਾਸੇ
ਉਨ੍ਹਾਂ ਕਿਹਾ ਕਿ ਦੇਸ਼ ਦਾ ਕਿਸਾਨ ਮੁਗਲਾਂ ਅਤੇ ਅੰਗਰੇਜ਼ਾਂ ਦੇ ਸਮੇਂ ਗਰੀਬ ਹੋਇਆ ਸੀ ਪਰ ਦੇਸ਼ ਆਜ਼ਾਦ ਹੋਣ ਦੇ ਬਾਅਦ ਉਹ ਕਰਜ਼ਦਾਰ ਹੋ ਗਿਆ। ਉਨ੍ਹਾਂ ਕਿਹਾ ਕਿ ਪੂਰੇ ਦੇਸ਼ ਦੇ ਕਿਸਾਨਾਂ ਉੱਤੇ 8 ਲੱਖ ਕਰੋੜ ਦਾ ਕਰਜ ਹੈ। ਪਹਿਲਾਂ 2 ਸਾਲ ਤਕ ਸੁਕਾ ਪੈਣ ਉੱਤੇ ਵੀ ਕਿਸਾਨ ਆਤਮਹੱਤਿਆ ਨਹੀਂ ਕਰਦਾ ਸੀ ਅਤੇ ਹੁਣ ਦੇਸ਼ ਵਿਚ ਹਰ ਸਾਲ 12 ਤੋਂ 15 ਹਜ਼ਾਰ ਕਿਸਾਨ ਆਤਮਹੱਤਿਆ ਕਰਦੇ ਹਨ। 1995 ਤੋਂ ਹੁਣ ਤਕ 3 ਲੱਖ 11 ਹਜ਼ਾਰ ਕਿਸਾਨ ਆਤਮਹੱਤਿਆ ਕਰ ਚੁਕੇ ਹਨ। ਜੇਕਰ ਕਿਤੇ 100 ਲੋਕ ਮਰ ਜਾਣ ਤਾਂ ਅਸੀਂ ਦੁੱਖ ਦੀ ਵਜ੍ਹਾ ਨਾਲ ਖਾਨਾ ਤਕ ਨਹੀਂ ਖਾਂਦੇ ਪਰ ਲੱਖਾਂ ਕਿਸਾਨਾਂ ਦੀ ਆਤਮਹੱਤਿਆ ’ਤੇ ਵੀ ਕਿਸੇ ਦੀ ਨੀਂਦ ਨਹੀਂ ਖੁੱਲੀ।
ਇਹ ਵੀ ਪੜ੍ਹੋ : ਟਰੈਕਟਰ ਮਾਰਚ ’ਤੇ ਨਵਜੋਤ ਸਿੱਧੂ ਦਾ ਟਵੀਟ, ਨਿਸ਼ਾਨੇ ’ਤੇ ਲਈ ਕੇਂਦਰ ਸਰਕਾਰ
ਕਾਲੀਆ ਨੇ ਕਿਹਾ ਕਿ 100 ਰੁਪਏ ਕੁਇੰਟਲ ਕਣਕ, 150 ਰੁਪਏ ਤੋਲੇ ਸੀ ਸੋਨਾ 1970 ’ਚ ਇਕ ਕੁਇੰਟਲ ਕਣਕ ਦਾ ਮੁੱਲ 100 ਰੁਪਏ ਅਤੇ ਇਕ ਤੋਲੇ (10 ਗ੍ਰਾਮ) ਸੋਨੇ ਦਾ ਮੁੱਲ 150 ਰੁਪਏ ਸੀ। ਅੱਜ ਇਕ ਕੁਇੰਟਲ ਕਣਕ ਕੇਵਲ 1500 ਤੋਂ ਦੋ ਹਜ਼ਾਰ ਰੁਪਏ ਕੁਇੰਟਲ ਹੀ ਵਿਕਦਾ ਹੈ,ਜਦੋਂ ਕਿ ਇਕ ਤੋਲਾ ਸੋਨੇ ਦੀ ਕੀਮਤ 50 ਹਜ਼ਾਰ ਰੁਪਏ ਹੋ ਗਈ। ਚੀਜ਼ ਦੀਆਂ ਕੀਮਤਾਂ ਨੂੰ ਕਾਬੂ ਵਿਚ ਕਰਣ ਦਾ ਇਹ ਮਤਲੱਬ ਨਹੀਂ ਹੁੰਦਾ ਕਿ ਫਸਲਾਂ ਦੇ ਮੁੱਲ ਹੀ ਨਹੀਂ ਵਧਾਏ ਜਾਣ।
ਉਨ੍ਹਾਂ ਕਿਹਾ ਕਿ ਅਮਰੀਕਾ ਵਿਚ ਪਿਛਲੇ 40 ਸਾਲਾਂ ਤੋਂ ਫਸਲਾਂ, ਦੁੱਧ ਦੇ ਮੁੱਲ ਨਹੀਂ ਵਧੇ ਫਿਰ ਵੀ ਉੱਥੇ ਕਿਸਾਨਾਂ ਨੇ ਆਤਮਹੱਤਿਆ ਨਹੀਂ ਕੀਤੀ ਕਿਉਂਕਿ ਉਤਪਾਦਨ ਦਾ ਪੈਸਾ ਅਮਰੀਕਾ ਦੀ ਸਰਕਾਰ ਦਿੰਦੀ ਹੈ। ਅਜਿਹੇ ਹੀ ਦੇਸ਼ ਵਿਚ ਵੀ ਸਰਕਾਰਾਂ ਨੂੰ ਕਿਸਾਨਾਂ ਨੂੰ ਉਤਪਾਦਨ ਦਾ ਪੈਸਾ ਦੇਣਾ ਚਾਹੀਦਾ ਹੈ। ਕਿਸਾਨਾਂ ਨੂੰ ਫਸਲ ਲਾਗਤ ਦਾ ਡੇਢ ਗੁਣਾ ਮੁੱਲ ਮਿਲਣਾ ਚਾਹੀਦਾ ਹੈ। ਜੇਕਰ ਕਿਸਾਨ ਨੂੰ ਫਸਲ ਦੀ ਲਾਗਤ ਤੋਂ ਵੀ ਘੱਟ ਮੁੱਲ ਦਿੱਤਾ ਜਾਵੇਗਾ ਤਾਂ ਕਿਸਾਨ ਕਰਰਜ਼ਦਾਰ ਹੀ ਹੋਵੇਗਾ।
ਇਹ ਵੀ ਪੜ੍ਹੋ : ਸੁਖਬੀਰ ਨੇ ਘੇਰੀ ਕਾਂਗਰਸ, ਕਿਹਾ-ਪੰਜਾਬ ਦੀ ਜਨਤਾ ਨਾਲ ਕੈਪਟਨ ਕਰ ਰਹੇ ਨੇ ਗੱਦਾਰੀ
ਨੋਟ: ਇਸ ਖ਼ਬਰ ਨਾਲ ਸਬੰਧਤ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ ’ਚ ਦਿਓ ਜਵਾਬ