ਮੱਧ ਪ੍ਰਦੇਸ਼ ''ਚ ਬੰਦਰ ਹੀਰਾ ਪ੍ਰਾਜੈਕਟ ਲਈ ਬੋਲੀ ਲਗਾ ਸਕਦੀ ਹੈ ਵੇਦਾਂਤਾ, ਅਡਾਨੀ

ਨਵੀਂ ਦਿੱਲੀ—ਧਾਤੂ ਅਤੇ ਖਨਨ ਖੇਤਰ ਦੀ ਮੁੱਖ ਕੰਪਨੀ ਵੇਦਾਂਤਾ ਲਿ. ਅਤੇ ਅਡਾਨੀ ਗਰੁੱਪ ਮੱਧ ਪ੍ਰਦੇਸ਼ ਦੀ ਬੰਦਰ ਹੀਰਾ ਪ੍ਰਾਜੈਕਟ ਲਈ ਬੋਲੀ ਲਗਾ ਸਕਦੀ ਹੈ। ਸੰਸਾਰਿਕ ਕੰਪਨੀ ਰਿਓ ਟਿੰਟੋ ਹਾਲ ਹੀ 'ਚ ਇਸ ਪ੍ਰਾਜੈਕਟ ਤੋਂ ਬਾਹਰ ਨਿਕਲੀ ਹੈ। ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ। ਇਕ ਸੂਤਰਾਂ ਨੇ ਕਿ ਵੇਦਾਂਤਾ ਬੰਦਰ ਪ੍ਰਾਜੈਕਟ ਲਈ ਬੋਲੀ ਲਗਾ ਸਕਦੀ ਹੈ। ਇਕ ਹੋਰ ਸੂਤਰ ਨੇ ਦੱਸਿਆ ਕਿ ਅਡਾਨੀ ਗਰੁੱਪ ਵੀ ਇਸ ਹੀਰਾ ਪ੍ਰਾਜੈਕਟ ਲਈ ਬੋਲੀ ਲਗਾਉਣ 'ਤੇ ਵਿਚਾਰ ਕਰ ਰਿਹਾ ਹੈ। ਸੂਤਰ ਨੇ ਕਿਹਾ ਕਿ ਕੰਪਨੀ ਦੇ ਕੁਝ ਅਧਿਕਾਰੀ ਵੀ ਪ੍ਰਾਜੈਕਟ ਸਥਲ 'ਤੇ ਜਾ ਚੁੱਕੇ ਹਨ।  
ਮੱਧ ਪ੍ਰਦੇਸ਼ ਦੇ ਖਾਨ ਸਕੱਤਰ ਮਨੋਹਰ ਲਾਲ ਦੁਬੇ ਨੇ ਕਿਹਾ ਕਿ ਇਸ ਪ੍ਰਾਜੈਕਟ ਲਈ ਨਿਵਿਦਾ ਸੱਦਾ ਦੇਣ ਦਾ ਨੋਟਿਸ ਨਵੰਬਰ 'ਚ ਜਾਰੀ ਕੀਤਾ ਜਾਵੇਗਾ। ਇਹ ਇਕ ਆਨਲਾਈਨ ਨਿਵਿਦਾ ਪ੍ਰਕਿਰਿਆ ਹੋਵੇਗੀ। ਪ੍ਰਾਜੈਕਟ ਦੀ ਸੰਭਾਵਿਤ ਲਾਗਤ ਦੇ ਬਾਰੇ 'ਚ ਪੁੱਛੇ ਜਾਣ 'ਤੇ ਦੁਬੇ ਨੇ ਕਿਹਾ ਕਿ ਇਸ 'ਤੇ ਕੁਝ ਮੁਸ਼ਕਿਲ ਹੈ ਕਿਉਂਕਿ ਇਸ 'ਚ ਕਈ ਚੀਜ਼ਾਂ ਨੂੰ ਦੇਖਣਾ ਹੋਵੇਗਾ। ਉਨ੍ਹਾਂ ਨੇ ਦੱਸਿਆ ਕਿ ਭਾਰਤੀ ਖਾਨ ਬਿਓਰੋ ਮੁਤਾਬਕ ਇਸ ਪ੍ਰਾਜੈਕਟ ਤੋਂ ਕੱਢੇ ਜਾਣ ਵਾਲੇ ਹੀਰਿਆਂ ਦਾ ਅਨੁਮਾਨਿਤ ਮੁੱਲ 60,000 ਕਰੋੜ ਰੁਪਏ ਹੋਵੇਗਾ। ਹਾਲਾਂਕਿ ਪ੍ਰਾਜੈਕਟ 'ਚ ਰੂਚੀ ਦਿਖਾਉਣ ਵਾਲੀਆਂ ਕੰਪਨੀਆਂ ਦਾ ਨਾਂ ਨਹੀਂ ਦੱਸਿਆ। ਉਨ੍ਹਾਂ ਕਿਹਾ ਕਿ ਕਈ ਕੰਪਨੀਆਂ ਨੇ ਇਸ 'ਚ ਰੂਚੀ ਦਿਖਾਈ ਹੈ। ਮੱਧ ਪ੍ਰਦੇਸ਼ ਸਰਕਾਰ ਦੀ ਇਸ ਮਹੀਨੇ ਮੁੰਬਈ 'ਚ ਅੰਸ਼ਧਾਰਕਾਂ ਦੇ ਨਾਲ ਮੀਟਿੰਗ ਹੋਈ। ਇਸ ਮੀਟਿੰਗ 'ਚ 10 ਪ੍ਰਾਜੈਕਟਾਂ 'ਤੇ ਵਿਚਾਰ ਹੋਇਆ। ਇਸ 'ਚ ਬੰਦਰ ਪ੍ਰਾਜੈਕਟ ਵੀ ਸ਼ਾਮਲ ਹੈ।