UPI ਯੂਜ਼ਰਸ ਸਾਵਧਾਨ! ਅੱਜ ਤੋਂ ਬਦਲ ਗਏ ਨੇ ਇਹ ਅਹਿਮ ਨਿਯਮ, ਜਾਣੋ ਪੂਰੀ ਡਿਟੇਲ

ਬਿਜ਼ਨੈੱਸ ਡੈਸਕ : ਜੇਕਰ ਤੁਸੀਂ ਵੀ ਰੋਜ਼ਾਨਾ ਲੈਣ-ਦੇਣ ਲਈ Google Pay, PhonePe ਜਾਂ Paytm ਵਰਗੀਆਂ UPI ਐਪਾਂ ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ। ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਨੇ 14 ਫਰਵਰੀ 2026 ਤੋਂ UPI ਨਾਲ ਜੁੜੇ ਤਿੰਨ ਵੱਡੇ ਬਦਲਾਅ ਲਾਗੂ ਕਰ ਦਿੱਤੇ ਹਨ। ਇਹ ਨਵੇਂ ਨਿਯਮ ਆਮ ਗਾਹਕਾਂ ਤੋਂ ਲੈ ਕੇ ਵਪਾਰੀਆਂ ਤੱਕ ਸਾਰਿਆਂ 'ਤੇ ਅਸਰ ਪਾਉਣਗੇ।

ਇਹ ਵੀ ਪੜ੍ਹੋ :    ਸਚਿਨ ਤੇਂਦੁਲਕਰ ਦੇ ਘਰ ਗੂੰਜਣਗੀਆਂ ਸ਼ਹਿਨਾਈਆਂ, ਪੁੱਤਰ ਬਣੇਗਾ ਲਾੜਾ, ਜਾਣੋ ਕਿੰਨੀ ਹੈ ਅਰਜੁਨ ਦੀ ਨੈੱਟਵਰਥ

NPCI ਵੱਲੋਂ ਇਹ ਕਦਮ UPI ਲੈਣ-ਦੇਣ ਨੂੰ ਵਧੇਰੇ ਤੇਜ਼, ਸੁਰੱਖਿਅਤ ਬਣਾਉਣ ਅਤੇ ਬੈਂਕ ਸਰਵਰਾਂ 'ਤੇ ਵਧਦੇ ਬੋਝ ਨੂੰ ਘਟਾਉਣ ਲਈ ਚੁੱਕਿਆ ਗਿਆ ਹੈ। ਆਓ ਜਾਣਦੇ ਹਾਂ ਉਨ੍ਹਾਂ 3 ਵੱਡੇ ਬਦਲਾਵਾਂ ਬਾਰੇ:

1. ਬੈਂਕ ਬੈਲੇਂਸ ਚੈੱਕ ਕਰਨ ਦੀ ਸੀਮਾ ਨਿਰਧਾਰਤ 

ਹੁਣ ਕੋਈ ਵੀ ਯੂਜ਼ਰ ਇੱਕ UPI ਐਪ ਰਾਹੀਂ ਦਿਨ ਵਿੱਚ ਵੱਧ ਤੋਂ ਵੱਧ 50 ਵਾਰ ਹੀ ਆਪਣਾ ਬੈਂਕ ਬੈਲੇਂਸ ਚੈੱਕ ਕਰ ਸਕੇਗਾ। ਜੇਕਰ ਤੁਸੀਂ ਦੋ ਵੱਖ-ਵੱਖ ਐਪਾਂ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਸੀਂ ਕੁੱਲ 100 ਵਾਰ ਬੈਲੇਂਸ ਚੈੱਕ ਕਰ ਸਕੋਗੇ। ਇਸ ਦਾ ਮਕਸਦ ਬੈਂਕ ਸਿਸਟਮ 'ਤੇ ਬੇਲੋੜੇ ਲੋਡ ਨੂੰ ਘਟਾਉਣਾ ਹੈ ਤਾਂ ਜੋ ਪੇਮੈਂਟ ਦੀ ਪ੍ਰਕਿਰਿਆ ਸੁਚਾਰੂ ਰੂਪ ਵਿੱਚ ਚੱਲ ਸਕੇ।

ਇਹ ਵੀ ਪੜ੍ਹੋ :     100 ਰੁਪਏ ਦਾ ਨੋਟ ਰਾਤੋਂ-ਰਾਤ ਬਣਾ ਸਕਦੈ ਕਰੋੜਪਤੀ; ਜਾਣੋ ਇਸ ਦਾ ਖ਼ਾਸ ਇਤਿਹਾਸਕ ਮਹੱਤਵ

2. ਅਕਾਊਂਟ ਡਿਟੇਲਸ ਦੇਖਣ 'ਤੇ ਲੱਗੀ ਰੋਕ

 ਦੂਜਾ ਵੱਡਾ ਬਦਲਾਅ ਖਾਤੇ ਦੇ ਵੇਰਵੇ (Account Details) ਦੇਖਣ ਦੀ ਲਿਮਟ ਨੂੰ ਲੈ ਕੇ ਹੈ। ਹੁਣ ਹਰ ਐਪ ਰਾਹੀਂ ਦਿਨ ਵਿੱਚ ਸਿਰਫ਼ 25 ਵਾਰ ਹੀ ਲਿੰਕ ਕੀਤੇ ਬੈਂਕ ਖਾਤਿਆਂ ਦੇ ਵੇਰਵੇ ਦੇਖਣ ਦੀ ਬੇਨਤੀ (Request) ਕੀਤੀ ਜਾ ਸਕਦੀ ਹੈ। ਪਹਿਲਾਂ ਲੋਕ ਵਾਰ-ਵਾਰ ਵੇਰਵੇ ਚੈੱਕ ਕਰਦੇ ਸਨ, ਜਿਸ ਨਾਲ ਸਰਵਰ 'ਤੇ ਦਬਾਅ ਪੈਂਦਾ ਸੀ। ਹਾਲਾਂਕਿ, ਇਹ ਨਿਯਮ ਆਮ ਯੂਜ਼ਰ ਨੂੰ ਬਹੁਤਾ ਪ੍ਰਭਾਵਿਤ ਨਹੀਂ ਕਰੇਗਾ ਕਿਉਂਕਿ ਬਹੁਤ ਘੱਟ ਲੋਕ ਇੰਨੀ ਵਾਰ ਅਕਾਊਂਟ ਡਿਟੇਲਸ ਚੈੱਕ ਕਰਦੇ ਹਨ।

ਇਹ ਵੀ ਪੜ੍ਹੋ :    Pizza Lovers : ਇੱਕ ਸਾਲ ਤੱਕ ਮੁਫ਼ਤ ਮਿਲੇਗਾ Domino Pizza, ਬਸ ਕਰੋ ਇਹ ਕੰਮ

3. ਕ੍ਰੈਡਿਟ ਲਾਈਨ ਪੇਮੈਂਟਸ ਦੀ ਸੁਵਿਧਾ 

ਤੀਜਾ ਬਦਲਾਅ ਕ੍ਰੈਡਿਟ ਲਾਈਨ ਪੇਮੈਂਟਸ ਨਾਲ ਸਬੰਧਤ ਹੈ। ਹਾਲਾਂਕਿ ਇਹ ਸੁਵਿਧਾ ਅਗਸਤ 2026 ਤੋਂ ਪੂਰੀ ਤਰ੍ਹਾਂ ਸ਼ੁਰੂ ਹੋਵੇਗੀ, ਪਰ ਇਸ ਦੀਆਂ ਤਿਆਰੀਆਂ ਦੇ ਨਿਯਮ ਫਰਵਰੀ 2026 ਤੋਂ ਹੀ ਲਾਗੂ ਹੋ ਗਏ ਹਨ। ਹੁਣ ਯੂਜ਼ਰ ਪ੍ਰੀ-ਅਪਰੂਵਡ ਕ੍ਰੈਡਿਟ ਲਾਈਨ ਰਾਹੀਂ UPI ਦੀ ਵਰਤੋਂ ਕਰਕੇ ਪੈਸੇ ਕਢਵਾ ਸਕਣਗੇ ਜਾਂ ਪੇਮੈਂਟ ਕਰ ਸਕਣਗੇ। ਇਹ ਬਿਨਾਂ ਫਿਜ਼ੀਕਲ ਕਾਰਡ ਦੇ ਕ੍ਰੈਡਿਟ ਕਾਰਡ ਵਾਂਗ ਕੰਮ ਕਰੇਗਾ, ਜੋ ਡਿਜੀਟਲ ਪੇਮੈਂਟਸ ਨੂੰ ਹੋਰ ਵੀ ਆਸਾਨ ਬਣਾ ਦੇਵੇਗਾ।

ਇਹ ਵੀ ਪੜ੍ਹੋ :     ਰਿਕਾਰਡ ਉੱਚਾਈ ਤੋਂ ਮੂਧੇ ਮੂੰਹ ਡਿੱਗੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ; ਜਾਣੋ ਕਿੰਨੇ ਹੋਏ ਭਾਅ

ਕਿਉਂ ਪਈ ਇਨ੍ਹਾਂ ਬਦਲਾਵਾਂ ਦੀ ਲੋੜ? 

ਭਾਰਤ ਵਿੱਚ ਡਿਜੀਟਲ ਪੇਮੈਂਟਸ ਪੂਰੀ ਦੁਨੀਆ ਵਿੱਚ ਸਭ ਤੋਂ ਅੱਗੇ ਹਨ ਅਤੇ ਰੋਜ਼ਾਨਾ ਲੱਖਾਂ-ਕਰੋੜਾਂ ਦਾ ਲੈਣ-ਦੇਣ ਹੁੰਦਾ ਹੈ। ਟ੍ਰਾਂਜੈਕਸ਼ਨ ਫੇਲ੍ਹ ਹੋਣ ਦੀ ਦਰ ਘਟਾਉਣ, ਧੋਖਾਧੜੀ ਰੋਕਣ ਅਤੇ ਸਰਵਰ ਨੂੰ ਮਜ਼ਬੂਤ ਬਣਾਉਣ ਲਈ ਇਹ ਫੈਸਲੇ ਲਏ ਗਏ ਹਨ। ਇਹ ਨਵੇਂ ਨਿਯਮ ਸਿਸਟਮ ਨੂੰ ਬਿਹਤਰ ਬਣਾਉਣਗੇ ਅਤੇ ਵਰਤੋਂਕਾਰਾਂ ਨੂੰ ਪਹਿਲਾਂ ਨਾਲੋਂ ਤੇਜ਼ ਅਨੁਭਵ ਮਿਲੇਗਾ।

ਇਹ ਵੀ ਪੜ੍ਹੋ :    Gold-Silver ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ: ਕੀ ਨਿਵੇਸ਼ ਦਾ ਇਹ ਸਹੀ ਸਮਾਂ ਹੈ ਜਾਂ ਅਜੇ ਹੋਰ ਡਿੱਗਣਗੇ ਭਾਅ?

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt