ਕੋਰੋਨਾ ਆਫ਼ਤ ਦਰਮਿਆਨ ਭਾਰਤ 'ਚ ਹਰ ਹਫ਼ਤੇ ਵਧ ਰਹੀ ਬੇਰੁਜ਼ਗਾਰੀ,ਹੈਰਾਨ ਕਰਨ ਵਾਲੇ ਹਨ ਆਂਕੜੇ

ਨਵੀਂ ਦਿੱਲੀ - ਕੋਰੋਨਾ ਲਾਗ ਦੀ ਦੂਜੀ ਲਹਿਰ ਦੀ ਰਫ਼ਤਾਰ 'ਤੇ ਲਗਾਮ ਲਗਾਉਣ ਲਈ ਦੇਸ਼ ਦੀਆਂ ਸੂਬਾ ਸਰਕਾਰਾਂ ਸਥਾਨਕ ਪੱਧਰ 'ਤੇ ਤਾਲਾਬੰਦੀ ਲਾਗੂ ਕਰ ਰਹੀਆਂ ਹਨ। CMIE ਦੀ ਇਕ ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਤਾਲਾਬੰਦੀ ਕਾਰਨ ਅਪ੍ਰੈਲ ਵਿਚ ਦੇਸ਼ ਵਿਚ ਬੇਰੋਜ਼ਗਾਰੀ ਦੀ ਦਰ ਮਾਰਚ ਦੀ ਤੁਲਨਾ ਵਿਚ ਵਧ ਸਕਦੀ ਹੈ। 

ਲੇਬਰ ਦੀ ਸਥਿਤੀ

ਸੀ.ਐਮ.ਆਈ.ਈ. ਦੇ ਮੈਨੇਜਿੰਗ ਡਾਇਰੈਕਟਰ ਮਹੇਸ਼ ਵਿਆਸ ਦਾ ਕਹਿਣਾ ਹੈ ਕਿ ਲੇਬਰ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਅਪ੍ਰੈਲ 2021 ਵਿਚ ਲੇਬਰ ਮਾਰਕੀਟ ਦੀ ਸਥਿਤੀ ਕਮਜ਼ੋਰ ਹੋ ਜਾਵੇਗੀ। ਲੇਬਰ ਮਾਰਕਿਟ ਦੇ 3 ਪ੍ਰਮੁੱਖ ਹਫਤਾਵਾਰੀ ਅਤੇ ਮਾਸਿਕ ਅੰਕੜੇ ਇਸ ਅਨੁਮਾਨ ਨੂੰ ਦਰਸਾਉਂਦੇ ਹਨ। ਇਨ੍ਹਾਂ ਵਿਚ ਕਿਰਤ ਭਾਗੀਦਾਰੀ ਦਰ (ਐਲਪੀਆਰ), ਰੁਜ਼ਗਾਰ ਦਰ ਅਤੇ ਬੇਰੁਜ਼ਗਾਰ ਦਰ ਸ਼ਾਮਲ ਹੈ।

ਇਹ ਵੀ ਪੜ੍ਹੋ : ਆਸਟ੍ਰੇਲੀਆ ਨੇ ਕਾਬੂ ਕੀਤਾ ਕੋਰੋਨਾ , ਸਰਕਾਰ ਨੇ ਇਨ੍ਹਾਂ ਕਦਮਾਂ ਨਾਲ ਅੱਗੇ ਵਧ ਕੇ ਦਿਖਾਈ ਗੰਭੀਰਤਾ

ਵਧ ਰਹੀ ਹੈ ਬੇਰੁਜ਼ਗਾਰੀ

ਮਹੇਸ਼ ਵਿਆਸ ਦਾ ਕਹਿਣਾ ਹੈ ਕਿ ਮਾਰਚ ਦੇ ਅਖੀਰਲੇ ਹਫ਼ਤੇ (28 ਮਾਰਚ ਨੂੰ ਖਤਮ) ਬੇਰੁਜ਼ਗਾਰੀ ਦੀ ਦਰ 6.7% ਸੀ, ਜੋ 4 ਅਪ੍ਰੈਲ ਨੂੰ ਖ਼ਤਮ ਹੋਣ ਵਾਲੇ ਅਗਲੇ ਹਫ਼ਤੇ ਵਿਚ 8.2% ਹੋ ਗਈ। ਇਸੇ ਤਰ੍ਹਾਂ 11 ਅਪ੍ਰੈਲ ਨੂੰ ਖ਼ਤਮ ਹੋਏ ਹਫ਼ਤੇ ਵਿਚ ਇਹ 8.6% ਤੋਂ ਥੋੜ੍ਹਾ ਜਿਹਾ ਵਧਿਆ ਹੋਇਆ ਅੰਕੜਾ ਹੈ। ਅਪ੍ਰੈਲ ਦੇ ਅਖੀਰ ਵਿਚ ਇਹ ਲਗਭਗ 8% ਹੋਣ ਦਾ ਅਨੁਮਾਨ ਹੈ, ਜੋ ਕਿ ਪੂਰੇ ਮਾਰਚ ਵਿਚ 6.5% ਸੀ।

ਐਲ.ਪੀ.ਆਰ. ਨੂੰ ਕੀ ਹੁੰਦਾ ਹੈ

ਅਪਰੈਲ ਵਿਚ ਐਲ.ਪੀ.ਆਰ. ਦੇ ਵੀ ਘਟਣ ਦੀ ਸੰਭਾਵਨਾ ਹੈ। ਮਾਰਕੀਟ ਵਿਚ ਕਿੰਨੇ ਲੋਕ ਰੁਜ਼ਗਾਰ ਦੀ ਭਾਲ ਕਰ ਰਹੇ ਹਨ ਇਸ ਦੀ ਗਣਨਾ ਕਰਨ ਵਾਲੇ ਅੰਕੜਿਆਂ ਨੂੰ ਐਲ.ਪੀ.ਆਰ. ਕਹਿੰਦੇ ਹਨ। ਇਹ ਅਨੁਪਾਤ 30 ਦਿਨਾਂ ਦੇ ਅੰਕੜਿਆਂ ਦੇ ਆਧਾਰ 'ਤੇ ਤਿਆਰ ਕੀਤਾ ਜਾਣ ਵਾਲਾ ਅਨੁਪਾਤ ਦਰਸਾਉਂਦਾਹੈ ਕਿ ਔਸਤਨ ਐਲ.ਪੀ.ਆਰ. 15 ਅਪ੍ਰੈਲ ਤੱਕ ਵਧ ਰਿਹਾ ਸੀ ਜਦੋਂ ਇਹ 40.8% ਦੇ ਉੱਚੇ ਪੱਧਰ' ਤੇ ਪਹੁੰਚ ਗਿਆ। ਇਹ ਅਪ੍ਰੈਲ ਦੇ ਅੰਤ ਵਿਚ 40.2% ਤੇ ਰਹਿ ਸਕਦਾ ਹੈ।

ਇਹ ਵੀ ਪੜ੍ਹੋ : ਫੇਲ੍ਹ ਹੋਇਆ ਨੋਟਬੰਦੀ ਦਾ ਮਕਸਦ, ਅਰਥਵਿਵਸਥਾ ’ਚ ਨਕਦੀ ਦਾ ਪ੍ਰਵਾਹ 20 ਸਾਲਾਂ ਦੇ ਉੱਚ ਪੱਧਰ ’ਤੇ

ਰੁਜ਼ਗਾਰ ਦਰ ਵਿਚ ਉਤਰਾਅ ਚੜਾਅ

ਇਸੇ ਤਰ੍ਹਾਂ ਅਪ੍ਰੈਲ ਵਿਚ ਦੇਸ਼ ਵਿਚ ਰੁਜ਼ਗਾਰ ਦਰ ਵਿਚ ਲਗਾਤਾਰ ਤੀਜੇ ਮਹੀਨੇ ਗਿਰਾਵਟ ਆਉਣ ਦੀ ਉਮੀਦ ਹੈ। ਤਾਲਾਬੰਦੀ ਤੋਂ ਬਾਅਦ ਸਤੰਬਰ 2020 ਵਿਚ ਰੁਜ਼ਗਾਰ ਦੀ ਦਰ 37.97% ਦੇ ਉੱਚ ਪੱਧਰ 'ਤੇ ਪਹੁੰਚ ਗਈ ਸੀ, ਜਿਸ ਤੋਂ ਬਾਅਦ ਲਗਾਤਾਰ ਤਿੰਨ ਮਹੀਨੇ ਇਸ ਵਿਚ ਗਿਰਾਵਟ ਦੇਖੀ ਗਈ। ਫਰਵਰੀ ਅਤੇ ਮਾਰਚ ਵਿਚ ਨਿਰੰਤਰ ਗਿਰਾਵਟ ਆ ਰਹੀ ਹੈ ਅਤੇ ਅਪ੍ਰੈਲ ਵਿਚ ਇਹ ਲਗਭਗ 37% ਰਹਿਣ ਦੀ ਸੰਭਾਵਨਾ ਹੈ।

ਮਾਰਚ ਬੇਰੋਜ਼ਗਾਰੀ ਦੀ ਦਰ

ਮਾਰਚ 2021 ਵਿਚ ਦੇਸ਼ ਵਿਚ ਤਕਰੀਬਨ 4.38 ਕਰੋੜ ਲੋਕ ਰੁਜ਼ਗਾਰ ਦੀ ਭਾਲ ਵਿਚ ਸਨ। ਇਹ ਆਂਕੜਾ ਅਪ੍ਰੈਲ ਵਿਚ ਹੋਰ ਵਧਿਆ। ਅਪ੍ਰੈਲ ਵਿਚ ਲਗਭਗ 4.4 ਕਰੋੜ ਲੋਕ ਨੌਕਰੀਆਂ ਦੀ ਭਾਲ ਕਰ ਰਹੇ ਹਨ, ਜੋ ਕਿ ਬੇਰੁਜ਼ਗਾਰੀ ਦੀ ਦਰ ਵਿਚ ਵਾਧੇ ਦੀ ਨਿਸ਼ਾਨੀ ਹੈ। ਇਨ੍ਹਾਂ 4.4 ਕਰੋੜ 'ਚੋਂ 3.8 ਕਰੋੜ ਲੋਕ 15 ਤੋਂ 29 ਸਾਲ ਦੇ ਦਰਮਿਆਨ ਹਨ।

ਇਹ ਵੀ ਪੜ੍ਹੋ : RBI ਨੇ ਬੈਂਕਾਂ ਦੇ CEO ਤੇ MD ਦੇ ਕਾਰਜਕਾਲ ਸੰਬੰਧੀ ਜਾਰੀ ਕੀਤੇ ਨਵੇਂ ਦਿਸ਼ਾ ਨਿਰਦੇਸ਼

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।