ਇਸ ਸਾਲ ਬਾਜ਼ਾਰ ''ਚ ਦਿਸਿਆ ਰਿਟੇਲ ਸ਼ੇਅਰਾਂ ਦਾ ਦਮ

ਨਵੀਂ ਦਿੱਲੀ—ਰਿਟੇਲ ਕੰਪਨੀਆਂ ਜਿਵੇਂ ਫਿਊਚਰ ਰਿਟੇਲ, ਐਵਨਿਊ ਸੁਪਰਮਾਰਟਸ, ਸ਼ਾਪਰਸ ਸਟਾਪ ਆਦਿ ਦੇ ਸ਼ੇਅਰਾਂ ਦਾ ਪ੍ਰਦਰਸ਼ਨ ਇਸ ਸਾਲ ਸਟਾਕ ਐਕਸਚੇਂਜ 'ਤੇ ਦੂਜੇ ਖੇਤਰਾਂ ਦੇ ਸ਼ੇਅਰਾਂ ਦੇ ਮੁਕਾਬਲੇ ਵਧੀਆ ਰਿਹਾ ਹੈ। ਬੀ. ਐੱਸ. ਰਿਟੇਲ ਸੂਚਕਾਂਕ 'ਚ ਇਸ ਸਾਲ ਸ਼ੁਰੂਆਤ ਤੋਂ ਹੁਣ ਤੱਕ 167.3 ਫੀਸਦੀ ਦੀ ਤੇਜ਼ੀ ਆਈ ਹੈ ਜੋ ਸਾਰੇ ਖੇਤਰ ਦੇ ਸੂਚਕਾਂਕਾਂ 'ਚੋਂ ਜ਼ਿਆਦਾ ਹੈ। ਪ੍ਰਦਰਸ਼ਨ ਯਾਨੀ ਰਿਟਰਨ ਦੇ ਲਿਹਾਜ਼ ਨਾਲ ਬੀ. ਐੱਸ. ਈ. ਰਿਐਲਟੀ ਸੂਚਕਾਂਕ ਦੂਜੇ ਸਥਾਨ 'ਤੇ ਰਿਹਾ ਜਿਸ 'ਚ ਇਸ ਸਾਲ 71.3 ਫੀਸਦੀ ਉਛਾਲ ਦਰਜ ਕੀਤਾ ਗਈ। ਬੀ. ਐੱਸ. ਰਿਸਰਚ ਬਿਊਰੋ ਵਲੋਂ ਸੰਕਲਿਤ ਅੰਕੜਿਆਂ ਦੇ ਵਿਸ਼ੇਸ਼ਣ ਤੋਂ ਇਸ ਦਾ ਪਤਾ ਚੱਲਿਆ ਹੈ। ਐੱਸ ਐਂਡ ਪੀ, ਬੀ.ਐੱਸ.ਈ. 500 ਅਤੇ ਐੱਸ ਐਂਡ ਪੀ ਸੈਂਸੈਕਸ 'ਚ ਇਸ ਦੌਰਾਨ ਕ੍ਰਮਸ਼: 28.3 ਫੀਸਦੀ ਅਤੇ 21.7 ਫੀਸਦੀ ਦੀ ਤੇਜ਼ੀ ਆਈ ਹੈ। 
ਬੀ. ਐੱਸ. ਈ. ਰਿਟੇਲ ਸੂਚਕਾਂਕ 'ਚ ਰਿਟੇਲ ਖੇਤਰ 'ਚ ਸੰਚਾਲਨ ਕਰਨ ਵਾਲੀਆਂ ਪੰਜ ਕੰਪਨੀਆਂ ਸ਼ਾਮਲ ਹਨ। ਇਨ੍ਹਾਂ ਦੀ ਗਣਨਾ ਪੂਰੇ-ਬਾਜ਼ਾਰ ਪੂੰਜੀਕਰਣ ਦੇ ਔਸਤ ਭਾਰ ਦੇ ਆਧਾਰ 'ਤੇ ਕੀਤੀ ਗਈ ਅਤੇ ਉਨ੍ਹਾਂ ਕੰਪਨੀਆਂ ਦਾ ਕੁਲ ਬਾਜ਼ਾਰ ਪੰਜੀਕਰਣ 31 ਦਸੰਬਰ 2016 ਨੂੰ ਰਿਟੇਲ ਖੇਤਰ ਦੇ ਕੁੱਲ ਬਾਜ਼ਾਰ ਪੰਜੀਕਰਣ ਦਾ 80 ਫੀਸਦੀ ਹੈ। ਇਸ 'ਚ ਫਿਊਚਰ ਰਿਟੇਲ, ਟ੍ਰੇਂਟ, ਫਿਊਚਰ ਲਾਈਫਸਟਾਈਲ, ਸ਼ਾਪਰਸ ਸਟਾਪ ਅਤੇ ਵੀ-ਮਾਰਟ ਸ਼ਾਮਲ ਹਨ। ਸੂਚਕਾਂਕ 'ਚ ਐਵਨਿਊ ਸੁਪਰਮਾਰਟਸ ਨੂੰ ਸ਼ਾਮਲ ਨਹੀਂ ਕੀਤਾ ਗਿਆ ਹੈ ਕਿਉਂਕਿ ਇਸ ਨੂੰ ਇਸ ਸਾਲ ਮਾਰਚ 'ਚ ਸੂਚੀਬੰਧ ਕੀਤਾ ਗਿਆ ਹੈ। ਐਵਨਿਊ ਸੁਪਰਮਾਰਟਸ ਦਾ ਸ਼ੇਅਰ ਸੂਚੀਬੱਧਤਾ ਦੇ ਨਾਲ ਹੀ ਨਿਰਗਮ ਮੁੱਲ ਤੋਂ ਕਾਫੀ ਤੇਜ਼ੀ 'ਤੇ ਬੰਦ ਹੋਇਆ ਸੀ। 
ਰਿਟੇਲ ਸ਼ੇਅਰਾਂ 'ਚ ਫਿਊਚਰ ਰਿਟੇਲ ਇਸ ਸਾਲ ਹੁਣ ਤੱਕ 306 ਫੀਸਦੀ ਵਧ ਚੁੱਕਾ ਹੈ ਉਧਰ ਸ਼ਾਪਰਸ ਸਟਾਪ 'ਚ 89 ਫੀਸਦੀ ਅਤੇ ਐਵਨਿਊ ਸੁਪਰਮਾਰਟਸ 'ਚ 291 ਫੀਸਦੀ ਦੀ ਤੇਜ਼ੀ ਆਈ ਹੈ ਜਿਨ੍ਹਾਂ ਦਾ ਨਿਰਗਮ ਮੁੱਲ 299 ਰੁਪਏ ਪ੍ਰਤੀ ਸ਼ੇਅਰ ਸੀ। ਇਸ ਤੋਂ ਇਲਾਵਾ ਫਿਊਚਰ ਰਿਟੇਲ, ਵੀ ਰਿਟੇਲ ਅਤੇ ਵੀ ਮਾਰਟ ਵਰਗੀਆਂ ਰਿਟੇਲ ਕੰਪਨੀਆਂ 'ਚ 200 ਤੋਂ 370 ਫੀਸਦੀ ਦੀ ਤੇਜ਼ੀ ਆਈ ਹੈ।