ਦੂਰਸੰਚਾਰ ਖੇਤਰ ਨੂੰ ‘3+1’ ਦੇ ਢਾਂਚੇ ਨੂੰ ਕਾਇਮ ਰੱਖਣ ਲਈ ਸਮਰਥਨ ਦੀ ਲੋੜ : ਮਿੱਤਲ

ਨਵੀਂ ਦਿੱਲੀ, (ਭਾਸ਼ਾ)– ਭਾਰਤੀ ਏਅਰਟੈੱਲ ਦੇ ਚੇਅਰਮੈਨ ਸੁਨੀਲ ਮਿੱਤਲ ਨੇ ਉਮੀਦ ਜਤਾਈ ਹੈ ਕਿ ਸਰਕਾਰ ਅਤੇ ਰੈਗੂਲੇਟਰ ਖੇਤਰ ਨੂੰ ਨਿਰੰਤਰ ਨਿਵੇਸ਼ ਦਾ ਕਾਰੋਬਾਰੀ ਸਥਾਨ ਬਣਾਉਣ ਲਈ ਕਦਮ ਚੁੱਕਾਂਗੇ। ਉਨ੍ਹਾਂ ਨੇ ਇਸ ਗੱਲ ’ਤੇ ਜ਼ੋਰ ਦਿੱਤਾ ਕਿ ਦੂਰਸੰਚਾਰ ਖੇਤਰ ਨੂੰ ਆਪਣੇ ‘3+1’ ਦੇ ਮੌਜੂਦਾ ਢਾਂਚੇ ਨੂੰ ਕਾਇਮ ਰੱਖਣ ਲਈ ਲੰਮੀ ਮਿਆਦ ਦੇ ਸਮਰਥਨ ਦੀ ਲੋੜ ਹੈ। ਦੂਰਸੰਚਾਰ ਖੇਤਰ ਦੇ ਦਿੱਗਜ਼ ਦਾ ‘3+1’ ਤੋਂ ਅਰਥ ਨਿੱਜੀ ਖੇਤਰ ਦੀਆਂ ਤਿੰਨ ਕੰਪਨੀਆਂ ਅਤੇ ਜਨਤਕ ਖੇਤਰ ਦੀ ਇਕ ਕੰਪਨੀ ਤੋਂ ਹੈ।

ਮਿੱਤਲ ਨੇ ਕਿਹਾ ਕਿ ਦੇਸ਼ ਦੀ ਅਰਥਵਿਵਸਥਾ ’ਚ ਦੂਰਸੰਚਾਰ ਖੇਤਰ ਦੀ ਭੂਮਿਕਾ ਹੋਰ ਵਿਆਪਕ ਹੋਈ ਹੈ ਅਤੇ ਇਸ ਦੇ ਸਾਹਮਣੇ ਚੁਣੌਤੀਆਂ ਹਨ। ਮਿੱਤਲ ਨੇ ਏਅਰਟੈੱਲ ਦੀ 2020-21 ਦੀ ਸਾਲਾਨਾ ਰਿਪੋਰਟ ’ਚ ਕਿਹਾ ਕਿ ਨਿਰੰਤਰ ਮੁੱਲ ਅਤੇ ਉੱਚ ਪੂੰਜੀ ਆਧਾਰਿਤ ਵਾਤਾਵਰਣ ’ਚ ਹੇਠਲੀ ਰਿਟਰਨ ਨਾਲ ਪੁਰਾਣੇ ਕਾਨੂੰਨੀ ਮੁੱਦਿਆਂ ਨਾਲ ਖੇਤਰ ਪ੍ਰਭਾਵਿਤ ਹੋਇਆ ਹੈ। ਏਅਰਟੈੱਲ ਦੇ ਮੁਖੀ ਨੇ ਕਿਹਾ ਕਿ ਉਦਯੋਗ ਆਪਣੇ ਮੌਜੂਦਾ ‘3+1’ ਦੇ ਢਾਂਚੇ ਨੂੰ ਕਾਇਮ ਰੱਖਣ ਲਈ ਲੰਮੇ ਮਿਆਦ ਦੇ ਸਮਰਥਨ ਦੀ ਲੋੜ ਹੈ। ਨਾਲ ਹੀ ਖੇਤਰ ਦੇ ਖਿਡਾਰੀਆਂ ਨੂੰ ਆਪਣੇ ਨਿਵੇਸ਼ ’ਤੇ ਸਨਮਾਨਜਨਕ ਰਿਵਾਰਡ ਮਿਲਣਾ ਚਾਹੀਦਾ ਹੈ।

ਮਿੱਤਲ ਨੇ ਉਮੀਦ ਜਤਾਈ ਕਿ ਸਰਕਾਰ ਅਤੇ ਰੈਗੂਲੇਟਰ ਉਦਯੋਗ ’ਚ ਉਚਿੱਤ ਸੰਤੁਲਨ ਯਕੀਨੀ ਕਰਨ ਲਈ ਕਦਮ ਚੁੱਕਾਂਗੇ, ਜਿਸ ਨਾਲ ਇਹ ਨਿਵੇਸ਼ ਲਈ ਇਕ ਕਾਰੋਬਾਰੀ ਖੇਤਰ ਬਣਿਆ ਰਹੇਗਾ। ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਲੰਮੀ ਮਿਆਦ ਦੇ ਨਿਵੇਸ਼ਕਾਂ ਲਈ ਨਿਵੇਸ਼ ਦਾ ਇਕ ‘ਉਤਸ਼ਾਹਵਧਾਊ ਮੰਜ਼ਿਲ’ ਬਣਿਆ ਹੋਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਾਡੇ ਕੋਲ ਭਾਰਤ ਨੂੰ ਡਿਜੀਟਲ ਅਰਥਵਿਵਸਥਾ ’ਚ ਗਲੋਬਲ ਲੀਡਰ ਬਣਾਉਣ ਦਾ ਮੌਕਾ ਹੈ। ਸਾਨੂੰ ਇਨ੍ਹਾਂ ਮੌਕਿਆਂ ਦਾ ਲਾਭ ਉਠਾਉਣ ਲਈ ਆਪਣੀਆਂ ਨੀਤੀਆਂ ਬਣਾਉਣੀਆਂ ਚਾਹੀਦੀਆਂ ਹਨ ਅਤੇ ਸਹਿਯੋਗ ਰਾਹੀਂ ਨਿਵੇਸ਼, ਉੱਦਮਿਤਾ ਅਤੇ ਨਵੀਨਤਾ ਨੂੰ ਪ੍ਰੋਤਸਾਹਨ ਦੇਣਾ ਚਾਹੀਦਾ ਹੈ।