ਤਨਿਸ਼ਕ ਇਕ ਵਾਰ ਫਿਰ ਦੀਵਾਲੀ ਦੇ ਵਿਗਿਆਪਨ ਨੂੰ ਲੈ ਕੇ ਵਿਵਾਦਾਂ 'ਚ ਘਿਰਿਆ, ਲੱਗਾ ਇਹ ਦੋਸ਼

ਨਵੀਂ ਦਿੱਲੀ — ਗਹਿਣਿਆਂ ਦੇ ਬ੍ਰਾਂਡ ਤਨਿਸ਼ਕ ਨੇ ਆਪਣੇ ਲਵ ਜੇਹਾਦ ਵਾਲੇ ਵਿਵਾਦਪੂਰਨ ਵਿਗਿਆਪਨ ਤੋਂ ਬਾਅਦ ਦੀਵਾਲੀ ਦੇ ਮੌਕੇ 'ਤੇ ਇਕ ਹੋਰ ਨਵਾਂ ਵਿਗਿਆਪਨ ਬਣਾਇਆ ਹੈ। ਇਸ ਇਸ਼ਤਿਹਾਰ ਵਿਚ ਵੀ ਤਨਿਸ਼ਕ ਨੂੰ ਹਿੰਦੂ ਵਿਰੋਧੀ ਪ੍ਰਚਾਰ ਕਰਨ ਦੇ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਤਨਿਸ਼ਕ ਦੇ ਵਿਗਿਆਪਨ ਨੂੰ ਬੈਨ ਕਰਨ ਦੀ ਮੰਗ ਵੱਧ ਗਈ ਹੈ। ਟਵਿੱਟਰ 'ਤੇ ਇਕ ਵਾਰ ਫਿਰ ਤੋਂ ਬਾਇਕਾਟ ਤਨਿਸ਼ਕ ਟਰੈਂਡ ਕਰਨਾ ਸ਼ੁਰੂ ਹੋ ਗਿਆ ਹੈ।

ਤਨਿਸ਼ਕ ਦੇ ਨਵੇਂ ਵਿਗਿਆਪਨ 'ਤੇ ਕੀ ਲੱਗਾ ਹੈ ਦੋਸ਼?

ਤਨਿਸ਼ਕ ਦੇ ਨਵੇਂ ਵਿਗਿਆਪਨ 'ਚ ਦੀਵਾਲੀ ਦੇ ਤਿਉਹਾਰ ਦੇ ਮੌਕੇ 'ਤੇ ਕੁਝ ਜਨਾਨੀਆਂ ਦਿਖਾਈ ਦਿੰਦੀਆਂ ਹਨ, ਜੋ ਹਲਕੇ ਰੰਗ ਦੀਆਂ ਸਾੜੀਆਂ ਵਿਚ ਹਨ। ਉਨ੍ਹਾਂÎ ਨੇ ਤਨਿਸ਼ਕ ਬ੍ਰਾਂਡ ਦੇ ਗਹਿਣੇ ਪਾਏ ਹੋਏ ਹਨ। ਇਸ ਵਿਗਿਆਪਨ ਦੌਰਾਨ ਉਹ ਜਨਾਨੀਆਂ ਇਹ ਦੱਸ ਰਹੀਆਂ ਹਨ ਕਿ ਦੀਵਾਲੀ 'ਤੇ ਕੀ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਕੀ ਨਹੀਂ। ਰਵਾਇਤੀ ਸ਼ਿੰਗਾਰ ਦੇ ਨਾਮ 'ਤੇ ਜਨਾਨੀਆਂ ਨੇ ਸਿਰਫ ਤਨਿਸ਼ਕ ਦੇ ਗਹਿਣੇ ਪਹਿਨੇ ਹੋਏ ਹਨ। ਇਸ ਇਸ਼ਤਿਹਾਰ ਵਿਚ ਨਾ ਤਾਂ ਦੀਵਾਲੀ ਪੂਜਾ ਨਾਲ ਸਬੰਧਤ ਕੋਈ ਚੀਜ਼ ਹੈ ਅਤੇ ਨਾ ਹੀ ਇਸ ਦੀ ਮਹੱਤਤਾ ਨਾਲ ਜੁੜੀ ਕੋਈ ਚੀਜ਼। ਬੈਕਗ੍ਰਾਉਂਡ ਦੀ ਗੱਲ ਕਰੀਏ ਤਾਂ ਇਸ ਵਿਚ ਸਧਾਰਣ ਰੋਸ਼ਨੀ ਦੀ ਵਿਵਸਥਾ ਹੈ, ਦੀਵਾ ਜਾਂ ਕੋਈ ਹੋਰ ਸਜਾਵਟ ਨਹੀਂ ਹੈ। ਜਿਵੇਂ ਹੀ ਇਸ਼ਤਿਹਾਰ ਸ਼ੁਰੂ ਹੁੰਦਾ ਹੈ, ਇਕ ਜਨਾਨੀ ਕਹਿੰਦੀ ਹੈ, 'ਬੇਸ਼ਕ ਇੱਥੇ ਪਟਾਕੇ ਨਹੀਂ ਹਨ। ਮੈਨੂੰ ਨਹੀਂ ਲਗਦਾ ਕਿ ਕਿਸੇ ਨੂੰ ਪਟਾਕੇ ਚਲਾਉਣੇ ਚਾਹੀਦੇ ਹਨ। ਇਸ ਤੋਂ ਬਾਅਦ ਦੋ-ਤਿੰਨ ਜਨਾਨੀਆਂ ਆਪਣੀ ਗੱਲ ਰੱਖਦੀਆਂ ਹਨ। ਅੰਤ ਵਿਚ ਉਹ ਇਕੱਠੇ ਹੋ ਕੇ ਹਸਦੀਆਂ ਹੋਈਆਂ ਦਿਖਾਈ ਦਿੰਦੀਆ ਹਨ। ਇਥੋਂ ਹੀ ਇਸ਼ਤਿਹਾਰ ਖ਼ਤਮ ਹੁੰਦਾ ਹੈ।

This Diwali, let’s kill tradition, Hindu culture and promote consumerism.

Because photoshopped secular models with fake smiles and VFX bodies loaded with regressive Gold jewellery will lead us to Ekatvam - the Vedic philosophy of Oneness. https://t.co/R0O3wfSHIO

— Vivek Ranjan Agnihotri (@vivekagnihotri) November 8, 2020

ਸੋਸ਼ਲ ਮੀਡੀਆ 'ਤੇ ਹੋ ਰਹੇ ਹਨ ਵਿਰੋਧ ਪ੍ਰਦਰਸ਼ਨ 

ਹੁਣ ਇਸ ਵਿਗਿਆਪਨ ਨੂੰ ਲੈ ਕੇ ਕਈ ਤਰ੍ਹਾਂ ਦੇ ਪ੍ਰਸ਼ਨ ਲੋਕਾਂ ਦੇ ਮਨ 'ਚ ਉੱਠ ਰਹੇ ਹਨ। ਬਹੁਤ ਸਾਰੇ ਟਵਿੱਟਰ ਉਪਭੋਗਤਾ ਪੁੱਛ ਰਹੇ ਹਨ ਕਿ ਕੀ ਜਿਸ ਤਰ੍ਹਾਂ ਦੀਵਾਲੀ ਵਿਚ ਪਟਾਕੇ ਚਲਾਉਣ ਦੀ ਮਨਾਹੀ ਹੈ, ਕੀ ਇੱਥੇ ਕ੍ਰਿਸਮਿਸ ਦੇ ਦਿਨ ਕ੍ਰਿਸਮਿਸ ਦਾ ਰੁੱਖ ਨਾ ਲਗਾਉਣ ਜਾਂ ਬਕਰੀਦ 'ਤੇ ਜਾਨਵਰਾਂ ਦੀ ਬਲੀ ਚੜ੍ਹਾਉਣ ਦੀ ਅਪੀਲ ਕੀਤੀ ਜਾ ਰਹੀ ਹੈ? ਜਾਂ ਕੀ ਇਹ ਸਭ ਸਿਰਫ ਹਿੰਦੂਆਂ ਨੂੰ ਨਿਸ਼ਾਨਾ ਬਣਾਉਣ ਦਾ ਇੱਕ ਤਰੀਕਾ ਹੈ?

#Cadbury advts spread love happiness and positive festive messages, while #tanishq advts spread propaganda usinh festival as a tool . Difference .

— aeiou (@obnoxiousubtle) November 9, 2020