ਸ਼ੇਅਰ ਬਾਜ਼ਾਰ ''ਚ ਮਜ਼ਬੂਤ ਸ਼ੁਰੂਆਤ : ਸੈਂਸੈਕਸ 500 ਅੰਕ ਚੜ੍ਹਿਆ ਤੇ ਨਿਫਟੀ ਵੀ 180 ਅੰਕ ਵਧਿਆ
Monday, Dec 23, 2024 - 10:00 AM (IST)
ਮੁੰਬਈ - ਸ਼ੇਅਰ ਬਾਜ਼ਾਰਾਂ 'ਚ ਪਿਛਲੇ ਹਫਤੇ ਵੱਡੀ ਗਿਰਾਵਟ ਤੋਂ ਬਾਅਦ ਬਾਜ਼ਾਰ 'ਚ ਕੁਝ ਸਥਿਰਤਾ ਦੀ ਉਮੀਦ ਹੈ। ਸੋਮਵਾਰ (23 ਦਸੰਬਰ) ਨੂੰ ਗਲੋਬਲ ਬਾਜ਼ਾਰਾਂ ਤੋਂ ਮਿਲੇ ਸਕਾਰਾਤਮਕ ਸੰਕੇਤਾਂ ਵਿਚਾਲੇ ਮਜ਼ਬੂਤ ਸ਼ੁਰੂਆਤ ਹੋਈ। ਸੈਂਸੈਕਸ 500 ਤੋਂ ਵੱਧ ਅੰਕਾਂ ਦੇ ਵਾਧੇ ਨਾਲ ਖੁੱਲ੍ਹਿਆ ਅਤੇ ਨਿਫਟੀ ਵੀ 180 ਅੰਕਾਂ ਦੇ ਵਾਧੇ ਨਾਲ ਖੁੱਲ੍ਹਿਆ। ਬੈਂਕ ਨਿਫਟੀ 340 ਅੰਕਾਂ ਦੇ ਉੱਪਰ ਖੁੱਲ੍ਹ ਕੇ ਕਾਰੋਬਾਰ ਕਰ ਰਿਹਾ ਸੀ। ਮੈਟਲ ਅਤੇ NBFC ਸ਼ੇਅਰਾਂ 'ਚ ਤੇਜ਼ੀ ਨਾਲ ਬਾਜ਼ਾਰ ਨੂੰ ਸਮਰਥਨ ਮਿਲ ਰਿਹਾ ਹੈ। ਗੈਸ ਸਟਾਕ ਅਤੇ ਇੰਸ਼ੋਰੈਂਸ ਸਟਾਕ 'ਚ ਮਾਮੂਲੀ ਕਮਜ਼ੋਰੀ ਦੇਖਣ ਨੂੰ ਮਿਲੀ।
ਪਿਛਲੇ ਬੰਦ ਦੇ ਮੁਕਾਬਲੇ ਸੈਂਸੈਕਸ 447 ਅੰਕ ਵਧ ਕੇ 78,488 'ਤੇ ਖੁੱਲ੍ਹਿਆ। ਨਿਫਟੀ 151 ਅੰਕ ਚੜ੍ਹ ਕੇ 23,738 'ਤੇ ਅਤੇ ਬੈਂਕ ਨਿਫਟੀ 285 ਅੰਕ ਚੜ੍ਹ ਕੇ 51,044 'ਤੇ ਖੁੱਲ੍ਹਿਆ। ਮੁਦਰਾ ਬਾਜ਼ਾਰ 'ਚ ਰੁਪਿਆ 3 ਪੈਸੇ ਮਜ਼ਬੂਤ ਹੋ ਕੇ 84.99 ਡਾਲਰ 'ਤੇ ਖੁੱਲ੍ਹਿਆ।
ਨਿਫਟੀ 'ਤੇ ਖੁੱਲ੍ਹਣ ਤੋਂ ਬਾਅਦ, ਸ਼੍ਰੀਰਾਮ ਫਾਈਨਾਂਸ, ਜੇਐਸਡਬਲਯੂ ਸਟੀਲ, ਹਿੰਡਾਲਕੋ, ਬਜਾਜ ਫਾਈਨਾਂਸ, ਐਚਡੀਐਫਸੀ ਬੈਂਕ ਸਭ ਤੋਂ ਵੱਧ ਲਾਭ ਦਰਜ ਕਰ ਰਹੇ ਸਨ। ਉਥੇ ਹੀ HDFC ਲਾਈਫ, SBI ਲਾਈਫ, ਅਪੋਲੋ ਹਸਪਤਾਲ, NTPC, Cipla 'ਚ ਸਭ ਤੋਂ ਜ਼ਿਆਦਾ ਗਿਰਾਵਟ ਦੇਖਣ ਨੂੰ ਮਿਲੀ। BSE 'ਤੇ, Zomato ਅਤੇ NTPC ਨੂੰ ਛੱਡ ਕੇ, ਸਾਰੇ 28 ਸਟਾਕ ਹਰੇ ਰੰਗ ਵਿੱਚ ਸਨ, ਸਭ ਤੋਂ ਵੱਧ ਲਾਭ ਬਜਾਜ ਫਾਈਨਾਂਸ ਵਿੱਚ ਦਰਜ ਕੀਤਾ ਗਿਆ ਸੀ।
ਨਿੱਜੀ ਖਪਤ ਖਰਚੇ 'ਚ ਗਿਰਾਵਟ ਕਾਰਨ ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰਾਂ ਨੇ ਆਪਣਾ ਉਤਸ਼ਾਹ ਮੁੜ ਹਾਸਲ ਕੀਤਾ। ਡਾਓ 1100 ਅੰਕਾਂ ਦੀ ਰੇਂਜ 'ਚ ਕਾਰੋਬਾਰ ਦੌਰਾਨ 500 ਅੰਕਾਂ ਦੇ ਉਛਾਲ ਨਾਲ ਬੰਦ ਹੋਇਆ, ਜਦੋਂ ਕਿ ਨੈਸਡੈਕ ਲਗਾਤਾਰ ਤਿੰਨ ਦਿਨ ਡਿੱਗਣ ਤੋਂ ਬਾਅਦ 150 ਅੰਕਾਂ ਦੇ ਵਾਧੇ ਨਾਲ 23800 ਦੇ ਨੇੜੇ ਪਹੁੰਚ ਗਿਆ। ਡਾਓ ਫਿਊਚਰਜ਼ 80 ਅੰਕ ਮਜ਼ਬੂਤ ਅਤੇ ਨਿੱਕੇਈ ਲਗਭਗ 350 ਅੰਕਾਂ ਦੀ ਛਾਲ ਮਾਰ ਗਿਆ।
