ਸਪੈਕਟਰਮ ਨੀਲਾਮੀ ਨਾਲ DOT ਨੂੰ 40000 ਕਰੋੜ ਤੋਂ ਜ਼ਿਆਦਾ ਮਿਲਣ ਦੀ ਉਮੀਦ ਨਹੀਂ

ਨਵੀਂ ਦਿੱਲੀ—ਟੈਲੀਕਾਮ ਕੰਪਨੀਆਂ (ਡੀ.ਓ.ਟੀ.) ਨੂੰ ਸਪੈਕਟਰਮ ਦੀ ਅਗਲੀ ਨੀਲਾਮੀ ਨਾਲ 40,000 ਕਰੋੜ ਰੁਪਏ ਤੋਂ ਜ਼ਿਆਦਾ ਰਕਮ ਮਿਲਣ ਦੀ ਉਮੀਦ ਨਹੀਂ ਹੈ। ਇਸ ਦਾ ਕਾਰਨ ਟੈਲੀਕਾਮ ਸੈਕਟਰ ਦੀ ਵਿੱਤੀ ਸਥਿਤੀ ਖਰਾਬ ਹੋਣੀ ਹੈ। ਇਸ ਦੇ ਇਲਾਵਾ ਜ਼ਿਆਦਾਤਰ ਟੈਲੀਕਾਮ ਕੰਪਨੀਆਂ ਨੂੰ ਹੁਣ ਸਿਰਫ ਟਾਪ-ਅਪ ਸਪੈਕਟਰਮ ਦੀ ਲੋੜ ਹੈ ਅਤੇ ਇਸ ਕਾਰਨ ਉਹ ਇਸ 'ਤੇ ਵੱਡਾ ਖਰਚ ਨਹੀਂ ਕਰੇਗੀ। 
2016 'ਚ ਹੋਈ ਸਪੈਕਟਰਮ ਦੀ ਪਿਛਲੀ ਨੀਲਾਮੀ 'ਚ ਲਗਭਗ 66,000 ਕਰੋੜ ਰੁਪਏ ਮਿਲੇ ਸਨ। 
ਡੀ.ਟੀ.ਓ. ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਸਾਨੂੰ ਨੀਲਾਮੀ ਤੋਂ ਜ਼ਿਆਦਾਤਰ ਲਗਭਗ 40,000 ਕਰੋੜ ਰੁਪਏ ਮਿਲਣ ਦਾ ਅਨੁਮਾਨ ਹੈ। ਟੈਲੀਕਾਮ ਕੰਪਨੀਆਂ ਨੂੰ ਬੈਂਕ ਜ਼ਿਆਦਾ ਕਰਜ਼ ਦੇਣਾ ਚਾਹੁੰਦੇ ਹਨ। ਇਨ੍ਹਾਂ ਕੰਪਨੀਆਂ 'ਤੇ ਪਹਿਲਾਂ ਹੀ ਕਰਜ਼ ਦਾ ਵੱਡਾ ਬੋਝ ਹੈ। 
ਅਧਿਕਾਰੀ ਦਾ ਕਹਿਣਾ ਸੀ ਕਿ ਟੈਲੀਕਾਮ ਸੈਕਟਰ ਨੂੰ ਅਜੇ ਵੱਡੀ ਮਾਤਰਾ 'ਚ ਸਪੈਕਟਰਮ ਦੀ ਲੋੜ ਵੀ ਨਹੀਂ ਹੈ। ਉਨ੍ਹਾਂ ਨੇ ਕਿਹਾ ਕਿ ਟੈਲੀਕਾਮ ਸੈਕਟਰ 'ਚ ਪਹਿਲਾਂ ਹੀ ਕੰਸੋਲੀਡੇਸ਼ਨ ਹੋ ਚੁੱਕਾ ਹੈ ਅਤੇ ਟੈਲੀਕਾਮ ਕੰਪਨੀਆਂ ਦੇ ਕੋਲ ਪੂਰੀ ਕੈਪੇਸਿਟੀ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਸਪੈਕਟਰਮ ਦੀ ਪ੍ਰਾਈਸਿੰਗ 'ਤੇ ਟੈਲੀਕਾਮ ਰੇਗੂਲੇਟਰ ਟਰਾਈ ਦੇ ਪ੍ਰਪੋਜ਼ਲ 'ਤੇ 15 ਨਵੰਬਰ ਤੱਕ ਫੈਸਲਾ ਕੀਤਾ ਜਾਵੇਗਾ। 
ਹਾਲਾਂਕਿ ਅਧਿਕਾਰੀ ਦਾ ਕਹਿਣਾ ਸੀ ਕਿ ਡੀ.ਓ.ਟੀ. ਦਾ ਅੰਤਰਿਕ ਰੈਵੇਨਿਊ ਦਾ ਅਨੁਮਾਨ ਸਰਕਾਰ ਦੇ ਟਰਾਈ ਵਲੋਂ ਪ੍ਰਸਤਾਵਿਤ ਸਪੈਕਟਰਮ ਪ੍ਰਾਈਸੇਜ਼ 'ਚ ਕਮੀ ਕਰਨ ਦੀ ਸੰਭਾਵਨਾ ਨਾਲ ਜੁੜਿਆ ਹੈ। ਟਰਾਈ ਵਲੋਂ ਦਿੱਤੇ ਗਏ ਪ੍ਰਾਈਸੇਜ਼ ਨੂੰ ਬਹੁਤ ਜ਼ਿਆਦਾ ਮੰਨਿਆ ਜਾ ਰਿਹਾ ਹੈ। 
ਅਧਿਕਾਰੀ ਨੇ ਕਿਹਾ ਕਿ ਸੈਕਟਰ ਦੇ ਲਈ ਕੰਪੀਟੀਸ਼ਨ ਹਮੇਸ਼ਾ ਚੰਗਾ ਹੁੰਦਾ ਹੈ ਅਤੇ ਜੇਕਰ ਅਸੀਂ ਜ਼ਿਆਦਾ ਕੰਪੀਟੀਸ਼ਨ ਚਾਹੁੰਦੇ ਹੋ ਤਾਂ ਸਾਨੂੰ ਸਪੈਕਟਰਮ ਦਾ ਰਿਜ਼ਰਵ ਪ੍ਰਾਈਸ ਘਟਾਉਣ ਦੀ ਲੋੜ ਹੋਵੇਗੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਸਪੈਕਟਰਮ ਦੀ ਪ੍ਰਾਈਸਿੰਗ ਟੈਲੀਕਾਮ ਸੈਕਟਰ ਦੀ ਵਿੱਤੀ ਸਥਿਤੀ ਨੂੰ ਧਿਆਨ 'ਚ ਰੱਖ ਕੇ ਤੈਅ ਕਰਨਾ ਹੋਵੇਗਾ।  
ਟਰਾਈ ਨੇ ਅਗਸਤ 'ਚ 700 MHz, 800 MHz, 900 MHz, 1,800 MHz, 2100 MHz, 2300 MHz ਅਤੇ 2500 MHz ਦੇ 4ਜੀ ਬੈਂਡ ਦੇ ਨਾਲ 3300-3600 MHz ਬੈਂਡ 'ਚ 5ਜੀ ਸਪੈਕਟਰਮ ਦੀ ਨੀਲਾਮੀ ਦੀ ਸਿਫਾਰਿਸ਼ ਕੀਤੀ ਸੀ।  
ਟਰਾਈ ਨੇ ਜ਼ਿਆਦਾਤਰ ਬੈਂਡ 'ਚ ਸ਼ੁਰੂਆਤੀ ਪ੍ਰਾਈਸੇਜ਼ ਨੂੰ ਅਕਤੂਬਰ 2016 'ਚ ਹੋਈ ਪਿਛਲੀ ਨੀਲਾਮੀ ਨੂੰ ਘੱਟ ਕੀਤਾ ਸੀ