''ਭਾਰਤ ''ਚ 10-20 ਹਜ਼ਾਰ ਰੁਪਏ ਕੀਮਤ ਵਾਲੇ ਸਮਾਰਟਫੋਨਾਂ ਦਾ ਦਬਦਬਾ''
Saturday, Aug 10, 2024 - 08:57 PM (IST)
ਲਖਨਊ- ਦੇਸ਼ ਦੇ ਸਮਾਰਟਫੋਨ ਉਦਯੋਗ ਵਿਚ 10,000-20,000 ਰੁਪਏ ਦੀ ਕੀਮਤ ਵਾਲੇ ਵਾਲੇ ਮੋਬਾਈਲ ਫੋਨਾਂ ਦਾ ਦਬਦਬਾ ਹੈ, ਜੋ ਕੁੱਲ ਮਾਰਕੀਟ ਆਕਾਰ ਦਾ 40 ਫੀਸਦੀ ਤੋਂ ਵੱਧ ਹੈ। ਇਨਫਿਨਿਕਸ ਇੰਡੀਆ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (CEO) ਅਨੀਸ਼ ਕਪੂਰ ਨੇ ਇਹ ਗੱਲ ਕਹੀ ਹੈ।
ਕਪੂਰ ਨੇ ਕਿਹਾ ਕਿ ਹਾਲ ਹੀ ਦੇ ਸਮੇਂ 'ਚ 5ਜੀ ਸਮਰਥਿਤ ਹੈਂਡਸੈੱਟਾਂ ਦੀ ਮੰਗ ਵਧੀ ਹੈ ਅਤੇ 10,000 ਤੋਂ 20,000 ਰੁਪਏ ਦੇ ਵਿਚਕਾਰ ਵਾਲੇ ਡਿਵਾਈਸਾਂ ਦੀ ਜ਼ਿਆਦਾ ਮੰਗ ਦੇਖਣ ਨੂੰ ਮਿਲ ਰਹੀ ਹੈ, ਜਦੋਂ ਕਿ ਪਹਿਲਾਂ 10,000 ਰੁਪਏ ਤੋਂ ਘੱਟ ਕੀਮਤ ਵਾਲੇ ਡਿਵਾਈਸ ਬਾਜ਼ਾਰ 'ਤੇ ਛਾਏ ਰਹਿੰਦੇ ਸਨ।
ਕਪੂਰ ਵੀਰਵਾਰ ਨੂੰ ਕੰਪਨੀ ਦੇ ਲੇਟੈਸਟ ਸਮਾਰਟਫੋਨ ਨੋਟ 40X 5ਜੀ ਨੂੰ ਬਾਜ਼ਾਰ 'ਚ ਲਾਂਚ ਕਰਨ ਲਈ ਲਖਨਊ 'ਚ ਸਨ। ਉਨ੍ਹਾਂ ਕਿਹਾ ਕਿ ਪਿਛਲੇ ਦੋ ਸਾਲਾਂ ਤੋਂ ਬਾਜ਼ਾਰ ਵਿਚ ਜੋ ਠਹਿਰਾਅ ਸੀ, ਉਹ ਬਦਲ ਗਈ ਹੈ ਅਤੇ ਬਾਜ਼ਾਰ ਇਕ ਵਾਰ ਫਿਰ ਤੋਂ ਵਧਣ ਲੱਗੀ ਹੈ।
ਕਪੂਰ ਨੇ ਪੀਟੀਆਈ ਨੂੰ ਦੱਸਿਆ, "ਪਹਿਲਾਂ ਭਾਰਤ ਵਿਚ 10,000 ਰੁਪਏ ਤੋਂ ਘੱਟ ਕੀਮਤ ਵਾਲੇ ਫੋਨਾਂ ਦਾ ਬਾਜ਼ਾਰ ਵਿੱਚ ਦਬਦਬਾ ਸੀ ਅਤੇ ਇਹ ਲਗਭਗ 35 ਤੋਂ 40 ਫੀਸਦੀ ਸੀ। ਹੁਣ ਪ੍ਰਮੁੱਖ ਮਾਰਕੀਟ 10,000 ਤੋਂ 20,000 ਰੁਪਏ ਦੇ ਵਿਚਕਾਰ ਕੀਮਤ ਵਾਲੇ ਮੋਬਾਈਲ ਫੋਨਾਂ ਕੋਲ ਚਲਾ ਗਿਆ ਹੈ, ਜੋ ਕਿ ਲਗਭਗ 43 ਫੀਸਦੀ ਹੈ।"
ਉਨ੍ਹਾਂ ਨੇ ਇਸ ਨਵੇਂ ਰੁਝਾਨ ਦਾ ਕਾਰਨ ਆਧੁਨਿਕ ਵਿਸ਼ੇਸ਼ਤਾਵਾਂ ਅਤੇ ਨਵੀਨਤਮ ਤਕਨਾਲੋਜੀ ਪ੍ਰਤੀ ਉਪਭੋਗਤਾਵਾਂ ਦੀ ਤਰਜੀਹ ਨੂੰ ਦੱਸਿਆ।
