ਅਗਸਤ ਦੇ ਮੁਕਾਬਲੇ 20 ਹਜ਼ਾਰ ਤੋਂ ਵੱਧ ਸਸਤੀ ਹੋ ਚੁੱਕੀ ਹੈ ਚਾਂਦੀ

ਨਵੀਂ ਦਿੱਲੀ — ਕੋਰੋਨਾ ਵਾਇਰਸ ਦੀ ਸ਼ੁਰੂਆਤ ਵੇਲੇ ਜਦੋਂ ਦੁਨੀਆ ਭਰ ਦੇ ਸ਼ੇਅਰ ਬਾਜ਼ਾਰ ਵਿਚ ਭਾਰੀ ਗਿਰਾਵਟ ਦਾ ਮਾਹੌਲ ਸੀ ਉਸ ਸਮੇਂ ਨਿਵੇਸ਼ਕ ਸੁਰੱਖਿਅਤ ਨਿਵੇਸ਼ ਵੱਲ ਭੱਜਣ ਲੱਗੇ। ਇਸ ਕਾਰਨ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿਚ ਰਿਕਾਰਡ ਵਾਧਾ ਦੇਖਣ ਨੂੰ ਮਿਲਿਆ। ਇਹ ਅਗਸਤ ਦੇ ਅਰੰਭ ਵਿਚ ਇਤਿਹਾਸਕ ਪੱਧਰ 'ਤੇ ਪਹੁੰਚ ਗਿਆ। ਹਾਲਾਂਕਿ ਹੁਣ ਕੀਮਤਾਂ ਘਟਣੀਆਂ ਸ਼ੁਰੂ ਹੋ ਗਈਆਂ ਹਨ ਅਤੇ ਇਹ ਦੋਵੇਂ ਕੀਮਤੀ ਧਾਤੂ ਫਿਰ ਤੋਂ ਸਸਤੀਆਂ ਹੋ ਰਹੀਆਂ ਹਨ।

ਇਹ ਵੀ ਪੜ੍ਹੋ : 5.43 ਲੱਖ ਫਰਮਾਂ 'ਤੇ ਲਟਕੀ ਤਲਵਾਰ, ਸਰਕਾਰ ਰੱਦ ਕਰ ਸਕਦੀ ਹੈ GST ਰਜਿਸਟਰੇਸ਼ਨ

ਚਾਂਦੀ ਅਗਸਤ ਵਿਚ 79000 ਦੇ ਪੱਧਰ 'ਤੇ ਪਹੁੰਚੀ

7 ਅਗਸਤ ਨੂੰ ਕਾਰੋਬਾਰ ਦੌਰਾਨ ਚਾਂਦੀ 79723 ਦੇ ਹੁਣ ਤੱਕ ਦੇ ਸਰਬੋਤਮ ਸਿਖਰ ਨੂੰ ਛੋਹ ਗਈ। ਹਾਲਾਂਕਿ ਕਾਰੋਬਾਰ ਦੇ ਬੰਦ ਹੋਣ ਤੋਂ ਬਾਅਦ ਇਹ 76255 'ਤੇ ਬੰਦ ਹਈ ਸੀ। ਇਸ ਦੀ ਕੀਮਤ ਪਿਛਲੇ ਕੁਝ ਸਮੇਂ ਤੋਂ ਨਿਰੰਤਰ ਘੱਟ ਰਹੀ ਹੈ। ਇਹ ਇਸ ਹਫਤੇ 59100 ਦੇ ਪੱਧਰ 'ਤੇ ਬੰਦ ਹੋਈ ਹੈ। ਭਾਵ ਪਿਛਲੇ ਸਾਢੇ ਤਿੰਨ ਮਹੀਨਿਆਂ ਵਿਚ ਇਹ 20600 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸਸਤੀ ਹੋ ਗਈ ਹੈ।

ਚਾਂਦੀ ਪਹੁੰਚੀ 59000 ਰੁਪਏ ਤੱਕ 

ਦਸੰਬਰ ਦੀ ਸਪੁਰਦਗੀ ਵਾਲੀ ਚਾਂਦੀ 773 ਰੁਪਏ ਦੀ ਗਿਰਾਵਟ ਦੇ ਨਾਲ 59100 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਬੰਦ ਹੋਈ। ਇਸੇ ਤਰ੍ਹਾਂ ਹਫਤੇ ਦੇ ਆਖਰੀ ਕਾਰੋਬਾਰੀ ਦਿਨ ਚਾਂਦੀ ਦੀ ਮਾਰਚ ਡਿਲੀਵਰੀ ਦੀ ਕੀਮਤ 1290 ਰੁਪਏ ਦੀ ਗਿਰਾਵਟ ਨਾਲ 60333 ਰੁਪਏ ਰਹੀ। ਮਈ 2021 ਦੀ ਡਿਲਿਵਰੀ ਲਈ ਚਾਂਦੀ 1808 ਰੁਪਏ ਦੀ ਗਿਰਾਵਟ ਦੇ ਨਾਲ 60988 ਰੁਪਏ 'ਤੇ ਬੰਦ ਹੋਈ।

ਇਹ ਵੀ ਪੜ੍ਹੋ : 1 ਦਸੰਬਰ ਤੋਂ ਹੋਣ ਜਾ ਰਹੀਆਂ ਹਨ ਇਹ ਮਹੱਤਵਪੂਰਨ ਤਬਦੀਲੀਆਂ, ਤੁਹਾਨੂੰ ਵੀ ਕਰ ਸਕਦੀਆਂ ਹਨ ਪ੍ਰਭਾਵਿਤ

ਨਵੰਬਰ ਹਾਈ ਨਾਲੋਂ 7100 ਰੁਪਏ ਤੱਕ ਹੋਈ ਸਸਤੀ

ਮਹੀਨੇ ਭਰ ਚੱਲੀ ਕਾਰਗੁਜ਼ਾਰੀ ਨੂੰ ਵੇਖਦਿਆਂ 28 ਅਕਤੂਬਰ ਨੂੰ ਚਾਂਦੀ ਦੀ ਬੰਦ ਕੀਮਤ 60138 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ। ਨਵੰਬਰ ਦਾ ਬੰਦ ਹੋਣ ਵਾਲਾ ਭਾਅ 59100 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਹੈ। ਨਵੰਬਰ ਦਾ ਸਭ ਤੋਂ ਉੱਚ ਪੱਧਰ 6 ਨਵੰਬਰ ਨੂੰ ਸੀ ਅਤੇ ਉਸ ਦਿਨ ਦਾ ਉੱਚ ਪੱਧਰ 66244 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ। ਚਾਂਦੀ ਇਸ ਮਹੀਨੇ ਦੇ ਉੱਚ ਪੱਧਰ ਤੋਂ 7144 ਰੁਪਏ ਸਸਤਾ ਹੋ ਗਈ ਹੈ। ਅਕਤੂਬਰ ਦੇ ਮੁਕਾਬਲੇ ਇਹ 1038 ਰੁਪਏ ਸਸਤੀ ਹੋ ਚੁੱਕੀ ਹੈ।

ਅੰਤਰਰਾਸ਼ਟਰੀ ਕੀਮਤ

ਹਫਤੇ ਦੇ ਆਖਰੀ ਦਿਨ ਚਾਂਦੀ ਦੀ ਕੀਮਤ 0.68 ਡਾਲਰ ਦੀ ਗਿਰਾਵਟ ਨਾਲ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ 22.68 ਡਾਲਰ ਪ੍ਰਤੀ ਔਂਸ 'ਤੇ ਬੰਦ ਹੋਈ। ਨਵੰਬਰ ਦਾ ਉੱਚ ਪੱਧਰ 9 ਨਵੰਬਰ ਨੂੰ 26.13 ਡਾਲਰ ਪ੍ਰਤੀ ਔਂਸ ਸੀ।

ਇਹ ਵੀ ਪੜ੍ਹੋ : UIDAI ਨੇ ਆਧਾਰ ਅਪਰੇਟਰ ਨੂੰ ਲੈ ਕੇ ਅਲਰਟ ਕੀਤਾ ਜਾਰੀ! ਜਾਣਕਾਰੀ ਨਾ ਹੋਣ 'ਤੇ ਹੋ ਸਕਦੈ ਧੋਖਾ