ਸ਼ੇਅਰ ਬਾਜ਼ਾਰ 'ਚ ਗਿਰਾਵਟ : ਸੈਂਸੈਕਸ 938 ਅੰਕ ਟੁੱਟਿਆ ਤੇ ਨਿਫਟੀ ਵੀ ਡਿੱਗ ਕੇ ਖੁੱਲ੍ਹਿਆ

ਮੁੰਬਈ - ਸ਼ੇਅਰ ਬਾਜ਼ਾਰ ਭਾਰੀ ਗਿਰਾਵਟ ਨਾਲ ਲਾਲ ਨਿਸ਼ਾਨ 'ਤੇ ਖੁੱਲ੍ਹਿਆ। ਬੰਬਈ ਸਟਾਕ ਐਕਸਚੇਂਜ ਦਾ ਸੈਂਸੈਕਸ 938 ਅੰਕ ਟੁੱਟ ਕੇ 56,919 'ਤੇ ਖੁੱਲ੍ਹਿਆ, ਜਦੋਂ ਕਿ ਨੈਸ਼ਨਲ ਸਟਾਕ ਐਕਸਚੇਂਜ (ਐਨਐਸਈ) ਦਾ ਨਿਫਟੀ ਗਿਰਾਵਟ ਨਾਲ 17,062 'ਤੇ ਖੁੱਲ੍ਹਿਆ ਹੈ। ਮੌਜੂਦਾ ਸਮੇਂ ਵਿਚ ਸੈਂਸੈਕਸ 1129.55 ਅੰਕ ਭਾਵ 1.94 ਫ਼ੀਸਦੀ ਦੀ ਗਿਰਾਵਟ ਨਾਲ 56,728.60 ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਦੂਜੇ ਪਾਸੇ ਨਿਫਟੀ ਵੀ 300 ਅੰਕ ਟੁੱਟ ਕੇ ਕਾਰੋਬਾਰ ਕਰ ਰਿਹਾ ਹੈ।

ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ ਸਿਰਫ 2 ਸਟਾਕ ਲਾਭ ਵਿੱਚ ਹਨ। ਇਨ੍ਹਾਂ ਵਿੱਚ ਐਕਸਿਸ ਬੈਂਕ, ਇੰਡਸਇੰਡ ਬੈਂਕ ਅਤੇ NTPC ਸ਼ਾਮਲ ਹਨ। ਜਦਕਿ 28 ਗਿਰਾਵਟ 'ਚ ਹਨ।

ਟਾਪ ਗੇਨਰਜ਼

ਐਕਸਿਸ ਬੈਂਕ, ਮਾਰੂਤੀ

ਟਾਪ ਲੂਜ਼ਰਜ਼

ਭਾਰਤੀ ਏਅਰਟੈੱਲ, ਕੋਟਕ ਬੈਂਕ, ਸਟੇਟ ਬੈਂਕ, ਐਨਟੀਪੀਸੀ

ਅੱਜ ਮਾਰਕੀਟ ਕੈਪ 258.12 ਲੱਖ ਕਰੋੜ ਰੁਪਏ ਹੈ, ਜੋ ਮੰਗਲਵਾਰ ਨੂੰ 262.77 ਲੱਖ ਕਰੋੜ ਰੁਪਏ ਸੀ। ਦੂਜੇ ਪਾਸੇ ਨਿਵੇਸ਼ਕਾਂ ਲਈ ਰਾਹਤ ਦੀ ਖ਼ਬਰ ਹੈ। ਦਰਅਸਲ, ਯੂਕਰੇਨ ਅਤੇ ਰੂਸ ਵਿਚਾਲੇ ਸੌਦੇ ਦੀ ਉਮੀਦ ਅਤੇ ਦੂਜਾ ਅਮਰੀਕਾ ਦੇ ਸੈਂਟਰਲ ਬੈਂਕ ਨੇ ਫਰਵਰੀ ਤੱਕ ਵਿਆਜ ਦਰਾਂ ਵਧਾਉਣ ਦੇ ਫੈਸਲੇ ਨੂੰ ਟਾਲ ਦਿੱਤਾ ਹੈ। ਹੁਣ ਮਾਰਚ ਵਿੱਚ ਹੋਣ ਵਾਲੀ ਮੀਟਿੰਗ ਵਿੱਚ ਇਸ ਬਾਰੇ ਫ਼ੈਸਲਾ ਲਿਆ ਜਾ ਸਕਦਾ ਹੈ। ਇਸ ਦੇ ਬਾਵਜੂਦ ਅੱਜ ਭਾਰਤੀ ਸ਼ੇਅਰ ਬਾਜ਼ਾਰ 'ਤੇ ਕਾਫੀ ਦਬਾਅ ਹੈ।

ਨਿਫਟੀ ਦਾ ਹਾਲ

ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 337 ਅੰਕ ਡਿੱਗ ਕੇ 16,942 'ਤੇ ਕਾਰੋਬਾਰ ਕਰ ਰਿਹਾ ਹੈ। ਇਸਦੇ ਬੈਂਕਿੰਗ, ਵਿੱਤੀ ਅਤੇ ਮਿਡ ਕੈਪ ਸੂਚਕਾਂਕ ਲਗਭਗ 2-2% ਹੇਠਾਂ ਹਨ। ਇਹ 17,062 'ਤੇ ਖੁੱਲ੍ਹਿਆ ਅਤੇ 16,927 ਦੇ ਹੇਠਲੇ ਪੱਧਰ ਅਤੇ 17,073 ਦੇ ਉੱਪਰਲੇ ਪੱਧਰ ਨੂੰ ਬਣਾਇਆ। ਇਸਦੇ 50 ਸਟਾਕਾਂ ਵਿੱਚੋਂ, 3 ਲਾਭ ਵਿੱਚ ਹਨ ਅਤੇ 47 ਗਿਰਾਵਟ ਵਿੱਚ ਹਨ।

ਟਾਪ ਗੇਨਰਜ਼

ਮਾਰੂਤੀ, ਓਐਨਜੀਸੀ, ਐਕਸਿਸ ਬੈਂਕ

ਟਾਪ ਲੂਜ਼ਰਜ਼

ਟਾਈਟਨ, ਵਿਪਰੋ, ਡਾ. ਰੈੱਡੀ, ਇਨਹੈਬੀਟਰ ਮੋਟਰਜ਼ ,ਐਚਸੀਐਲ ਟੈਕ