ਗ਼ਲਤ ਢੰਗ ਨਾਲ ਕਾਰੋਬਾਰ ਕਰਨ ਵਾਲੀਆਂ 11 ਇਕਾਈਆਂ 'ਤੇ ਸੇਬੀ ਨੇ ਕੱਸਿਆ ਸ਼ਿੰਕਜ਼ਾ, ਠੋਕਿਆ 55 ਲੱਖ ਦਾ ਜੁਰਮਾਨਾ

ਨਵੀਂ ਦਿੱਲੀ (ਭਾਸ਼ਾ) - ਪੂੰਜੀ ਬਾਜ਼ਾਰ ਰੈਗੂਲੇਟਰ ਸੇਬੀ ਨੇ ਬੀਐੱਸਈ 'ਤੇ ਨਕਦੀ ਸ਼ੇਅਰ ਵਿਕਲਪਾਂ ਦੇ ਹਿੱਸੇ ਵਿੱਚ ਗ਼ਲਤ ਤਰੀਕੇ ਨਾਲ ਕਾਰੋਬਾਰ ਕਰਨ ਵਿੱਚ ਸ਼ਾਮਲ ਹੋਣ ਲਈ 11 ਇਕਾਈਆਂ 'ਤੇ ਕੁੱਲ 55 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। 11 ਵੱਖ-ਵੱਖ ਹੁਕਮਾਂ ਵਿੱਚ ਰੈਗੂਲੇਟਰ ਨੇ ਕਮਲਾ ਅਗਰਵਾਲ, ਕਮਲਾ ਦੇਵੀ ਬਜੋਰੀਆ, ਕਮਲਾ ਜੈਨ, ਕਮਲਜੀਤ ਕੌਰ, ਕਮਲ ਰਾਮਪ੍ਰਸਾਦ ਗੁਪਤਾ, ਕਮਲ ਕੁਮਾਰ, ਕਮਲੇਸ਼ ਆਹੂਜਾ, ਕੈਲਾਸ਼ ਨਰੋਤਮਦਾਸ ਅਗਿਆਤ, ਸੰਜੇ ਕੁਮਾਰ ਡਾਗਾ ਐੱਚਯੂਐੱਫ ਪ੍ਰਗਮਾ ਸਪਲਾਇਰਜ਼ ਅਤੇ ਪੀ.ਵੀ.ਟੀ.ਯੂ. ਪ੍ਰਾਈਵੇਟ ਲਿਮਟਿਡ ਨੂੰ 5-5 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। 

ਇਹ ਵੀ ਪੜ੍ਹੋ : ਹਵਾਈ ਯਾਤਰੀਆਂ ਲਈ ਖ਼ਾਸ ਖ਼ਬਰ, ਹੁਣ ਫਲਾਇਟ 'ਚ ਨਹੀਂ ਮਿਲਣਗੇ ਕੈਨ, ਇਹ ਹੋਵੇਗਾ ਵਿਕਲਪ

ਰੈਗੂਲੇਟਰ ਨੇ ਬੀਐੱਸਈ 'ਤੇ ਨਕਦੀ ਸ਼ੇਅਰ ਵਿਕਲਪਾਂ ਦੇ ਹਿੱਸੇ ਵਿੱਚ ਵੱਡੇ ਪੈਮਾਨੇ ਦੇ ਗ਼ਲਤ ਤਰੀਕੇ ਨਾਲ ਕਾਰੋਬਾਰ ਕੀਤੇ ਜਾਣ ਦਾ ਨੋਟਿਸ ਲੈਣ ਤੋਂ ਬਾਅਦ ਇਹ ਫ਼ੈਸਲਾ ਸੁਣਾਇਆ ਹੈ। ਭਾਰਤੀ ਪ੍ਰਤੀਭੂਤੀ ਅਤੇ ਵਟਾਂਦਰਾ ਬੋਰਡ (ਸੇਬੀ) ਨੇ ਅਪ੍ਰੈਲ 2014 ਅਤੇ ਸਤੰਬਰ 2015 ਦੇ ਵਿਚਕਾਰ ਇਸ ਖੇਤਰ ਵਿੱਚ ਸ਼ਾਮਲ ਕੁਝ ਇਕਾਈਆਂ ਦੀਆਂ ਵਪਾਰਕ ਗਤੀਵਿਧੀਆਂ ਦੀ ਜਾਂਚ ਕੀਤੀ ਸੀ। ਬੁੱਧਵਾਰ ਨੂੰ ਇੱਕ ਵੱਖਰੇ ਆਦੇਸ਼ ਵਿੱਚ ਸੇਬੀ ਨੇ ਆਈਐੱਫਐੱਲ ਪ੍ਰਮੋਟਰਜ਼ ਲਿਮਟਿਡ ਦੇ ਮਾਮਲੇ ਵਿੱਚ ਖੁਲਾਸਾ ਨਿਯਮਾਂ ਦੀ ਉਲੰਘਣਾ ਕਰਨ ਲਈ ਦੋ ਸੰਸਥਾਵਾਂ 'ਤੇ ਕੁੱਲ 20 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ। ਇਸ ਤੋਂ ਇਲਾਵਾ, ਸੇਬੀ ਨੇ ਰੈਗੂਲੇਟਰੀ ਨਿਯਮਾਂ ਦੀ ਉਲੰਘਣਾ ਕਰਨ ਲਈ 3M ਟੀਮ ਰਿਸਰਚ ਪ੍ਰਾਈਵੇਟ ਲਿਮਟਿਡ ਦੀ ਰਜਿਸਟ੍ਰੇਸ਼ਨ ਨੂੰ ਇੱਕ ਸਾਲ ਲਈ ਮੁਅੱਤਲ ਕਰ ਦਿੱਤਾ ਹੈ।

ਇਹ ਵੀ ਪੜ੍ਹੋ : ਬ੍ਰਿਟੇਨ: ਗਣੇਸ਼ ਚਤੁਰਥੀ ਮਨਾ ਰਹੇ ਹਿੰਦੂਆਂ ਨੂੰ ਮੁਸਲਿਮ ਪੁਲਸ ਨੇ ਪੂਜਾ ਕਰਨ ਤੋਂ ਰੋਕਿਆ, ਪੁਜਾਰੀ 'ਤੇ ਕੀਤਾ ਹਮਲਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8