ਸੇਬੀ ਨੇ ਵੀਡੀਓਕਾਨ ਦੇ ਸੰਸਥਾਪਕ ਧੂਤ ਦੇ ਬੈਂਕ ਅਤੇ ਡੀਮੈਟ ਖਾਤੇ ਅਟੈਚ ਕਰਨ ਦੇ ਦਿੱਤੇ ਨਿਰਦੇਸ਼

ਨਵੀਂ ਦਿੱਲੀ (ਭਾਸ਼ਾ) - ਮਾਰਕੀਟ ਰੈਗੂਲੇਟਰ ਸੇਬੀ ਨੇ ਵੀਡੀਓਕਾਨ ਸਮੂਹ ਦੇ ਸੰਸਥਾਪਕ ਵੇਣੂਗੋਪਾਲ ਧੂਤ ਦੇ ਬੈਂਕ ਅਤੇ ਡੀਮੈਟ ਖਾਤਿਆਂ ਦੇ ਨਾਲ-ਨਾਲ ਮਿਉਚੁਅਲ ਫੰਡਾਂ ਵਿੱਚ ਜਮ੍ਹਾਂ ਰਕਮਾਂ ਨੂੰ ਅਟੈਚ ਕਰਨ ਦਾ ਆਦੇਸ਼ ਦੇ ਦਿੱਤਾ ਹੈ। ਇਹ ਹੁਕਮ ਕੁੱਲ 5.16 ਲੱਖ ਰੁਪਏ ਦੇ ਬਕਾਏ ਦੀ ਵਸੂਲੀ ਕਰਨ ਲਈ ਦਿੱਤੇ ਗਏ ਹਨ। ਭਾਰਤੀ ਸਕਿਓਰਿਟੀਜ਼ ਐਂਡ ਐਕਸਚੇਂਜ ਬੋਰਡ (ਸੇਬੀ) ਨੇ ਮਾਰਚ 'ਚ ਧੂਤ 'ਤੇ ਜੁਰਮਾਨਾ ਲਗਾਇਆ ਸੀ। ਇਹ ਜੁਰਮਾਨਾ ਸੁਪਰੀਮ ਐਨਰਜੀ ਕਵਾਲਿਟੀ ਟੈਕਨੋ ਐਡਵਾਈਜ਼ਰਜ਼ ਪ੍ਰਾਈਵੇਟ ਲਿਮਟਿਡ ਦੇ ਵਿਆਜ ਨਾਲ ਜੁੜੇ ਕੁਝ ਲੈਣ-ਦੇਣ ਦੇ ਸਬੰਧ ਵਿੱਚ ਲਗਾਇਆ ਹੈ।

ਇਹ ਵੀ ਪੜ੍ਹੋ : ਮਹਿੰਗਾਈ ਨੇ ਕੱਢੇ ਵੱਟ : ਟਮਾਟਰ ਤੋਂ ਬਾਅਦ ਹੁਣ ਆਸਮਾਨ ਛੂਹਣ ਲੱਗੀਆਂ ਸੇਬ ਦੀਆਂ ਕੀਮਤਾਂ

ਦੱਸ ਦੇਈਏ ਕਿ ਇਹ ਜੁਰਮਾਨਾ ਨਾਲ ਹੀ ਕ੍ਰੈਡੈਂਸ਼ੀਅਲ ਫਾਈਨੈਂਸ ਲਿਮਿਟੇਡ ਨਾਲ ਜੁੜੇ ਹੋਣ ਦੇ ਬਾਰੇ ਕਿਸੇ ਤਰ੍ਹਾਂ ਦਾ ਖੁਲਾਸਾ ਨਾ ਕਰਨ ਲਈ ਲਗਾਇਆ ਗਿਆ ਸੀ। ਸੇਬੀ ਨੇ ਸੋਮਵਾਰ ਨੂੰ ਜਾਰੀ ਕੀਤੇ ਆਪਣੇ ਅਟੈਚਮੈਂਟ ਨੋਟਿਸ 'ਚ ਕਿਹਾ ਕਿ ਧੂਤ 'ਤੇ ਜੁਰਮਾਨੇ ਵਜੋਂ 5.16 ਲੱਖ ਕਰੋੜ ਰੁਪਏ ਬਕਾਇਆ ਹਨ। ਇਸ ਵਿੱਚ 15,000 ਰੁਪਏ ਵਿਆਜ ਦੇ ਨਾਲ 5 ਲੱਖ ਰੁਪਏ ਦਾ ਜੁਰਮਾਨਾ ਅਤੇ 1,000 ਰੁਪਏ ਦੀ ਵਸੂਲੀ ਲਾਗਤ ਸ਼ਾਮਲ ਹੈ। ਇਸ ਤੋਂ ਇਲਾਵਾ ਬਕਾਏ ਦੀ ਵਸੂਲੀ ਕਰਨ ਲਈ ਰੈਗੂਲੇਟਰ ਨੇ ਸਾਰੇ ਬੈਂਕਾਂ, ਡਿਪਾਜ਼ਿਟਰੀਆਂ, ਸੀਡੀਐਸਐੱਲ, ਐੱਨਐੱਸਡੀਐੱਲ ਅਤੇ ਮਿਉਚੁਅਲ ਫੰਡਾਂ ਨੂੰ ਧੂਤ ਦੇ ਖਾਤਿਆਂ ਵਿੱਚੋਂ ਕਿਸੇ ਵੀ ਤਰ੍ਹਾਂ ਦੀ ਨਿਕਾਸੀ ਦੀ ਆਗਿਆ ਨਾ ਦੇਣ ਲਈ ਕਿਹਾ ਹੈ।

ਇਹ ਵੀ ਪੜ੍ਹੋ : 1 ਤੋਂ 15 ਜੁਲਾਈ ਤੱਕ ਦੇਸ਼ ’ਚ ਘਟੀ ਪੈਟਰੋਲ-ਡੀਜ਼ਲ ਦੀ ਮੰਗ, ਜਾਣੋ ਕੀ ਹੈ ਮੁੱਖ ਵਜ੍ਹਾ

ਹਾਲਾਂਕਿ, ਇਸ ਨੂੰ ਰਕਮ ਜਮ੍ਹਾ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਸੇਬੀ ਨੇ ਬੈਂਕਾਂ ਨੂੰ ਲਾਕਰਾਂ ਸਮੇਤ ਸਾਰੇ ਖਾਤਿਆਂ ਨੂੰ ਅਟੈਚ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਸੇਬੀ ਨੇ ਮਾਰਚ 'ਚ ਧੂਤ 'ਤੇ ਪੰਜ ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਸੀ। ਕੰਪਨੀ ਦੀ ਤਰਫੋਂ ਕਰਜ਼ਾ ਦਿੰਦੇ ਸਮੇਂ ਇਸ (ਸੁਪਰੀਮ ਐਨਰਜੀ) 'ਚ 99.9 ਫ਼ੀਸਦੀ ਹਿੱਸੇਦਾਰੀ ਬਾਰੇ ਜਾਣਕਾਰੀ ਨਾ ਦੇਣ 'ਤੇ ਮਾਮਲਾ ਦਰਜ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਧੂਤ ਨੇ ਕਵਾਲਿਟੀ ਟੈਕਨੋ ਐਡਵਾਈਜ਼ਰਜ਼ ਪ੍ਰਾ. ਅਤੇ ਕ੍ਰੈਡੈਂਸ਼ੀਅਲ ਫਾਈਨੈਂਸ ਲਿਮਿਟੇਡ ਵਿੱਚ ਆਪਣੀ ਦਿਲਚਸਪੀ ਦਾ ਖੁਲਾਸਾ ਵੀ ਨਹੀਂ ਕੀਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8