ਰਿਲਾਇੰਸ ਇੰਫਰਾ 18800 ਕਰੋੜ ''ਚ ਅਡਾਨੀ ਨੂੰ ਵੇਚੇਗਾ ਮੁੰਬਈ ਦਾ ਬਿਜਲੀ ਕਾਰੋਬਾਰ

ਨਵੀਂ ਦਿੱਲੀ—ਰਿਲਾਇੰਸ ਇੰਫਰਾਸਟਰਕਚਰ (ਆਰ ਇੰਫਰਾ) ਨੇ ਅੱਜ ਕਿਹਾ ਕਿ ਉਸ ਨੇ ਆਪਣੇ ਮੁੰਬਈ ਦੇ ਬਿਜਲੀ ਕਾਰੋਬਾਰ ਨੂੰ ਕੁੱਲ 18,800 ਕਰੋੜ ਰੁਪਏ 'ਚ ਅਡਾਨੀ ਟ੍ਰਾਂਸਮਿਸ਼ਨ ਨੂੰ ਵੇਚਣ ਲਈ ਸਮਝੌਤੇ 'ਤੇ ਹਸਤਾਖਰ ਕੀਤੇ ਹਨ। ਰਿਲਾਇੰਸ ਇੰਫਰਾਸਟਰਕਚਰ ਨੇ ਬੁੰਬਈ ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਜਾਣਕਾਰੀ 'ਚ ਕਿਹਾ ਕਿ ਆਰਇੰਫਰਾ ਨੇ ਬਿਜਲੀ ਵਪਾਰ 'ਚ ਆਪਣੀ 100 ਫੀਸਦੀ ਹਿੱਸੇਦਾਰੀ ਵੇਚਣ ਲਈ ਅਡਾਨੀ ਟ੍ਰਾਂਸਮਿਸ਼ਨ ਉਤਪਾਦਨ, ਸੰਚਾਰ ਅਤੇ ਵੰਡ ਦਾ ਏਕੀਕ੍ਰਿਤ ਕਾਰੋਬਾਰ ਸ਼ਾਮਲ ਹੈ। 
ਕੰਪਨੀ ਦੇ ਬਿਆਨ ਮੁਤਾਬਕ ਸੌਦੇ ਦੀ ਕੀਮਤ 13,251 ਕਰੋੜ ਰੁਪਏ ਹੈ। ਜਿਸ ਨਾਲ ਕਾਰੋਬਾਰ ਦੀ ਕੀਮਤ 12,101 ਕਰੋੜ ਅਤੇ ਸੰਪਤੀ ਦੀ ਰੇਗੂਲੇਟਰੀ ਮਨਜ਼ੂਰੀ 1,150 ਰੁਪਏ ਸ਼ਾਮਲ ਹੈ। ਇਸ ਤੋਂ ਜ਼ਿਆਦਾ 550 ਕਰੋੜ ਰੁਪਏ ਦੀ ਕਾਰਜਸ਼ੀਲ ਪੂੰਜੀ ਕੰਪਨੀ ਦੇ ਕੋਲ ਹੈ। ਕੰਪਨੀ ਨੇ ਕਿਹਾ ਕਿ ਇਸ ਲਿਹਾਜ਼ ਨਾਲ ਅਨੁਮਾਨਿਤ ਕੀਮਤ 18,800 ਕਰੋੜ ਰੁਪਏ ਹੈ। 
ਸੌਦੇ ਤੋਂ ਪ੍ਰਾਪਤ ਧਨ ਦੀ ਵਰਤੋਂ ਰਿਲਾਇੰਸ ਇੰਫਰਾ ਆਪਣੇ ਕਰਜ਼ ਨੂੰ ਘੱਟ ਕਰਨ ਲਈ ਕਰੇਗੀ। ਕੰਪਨੀ ਦੇ ਮੁੰਬਈ ਦੇ ਬਿਜਲੀ ਕਾਰੋਬਾਰ ਨੂੰ ਰਿਲਾਇੰਸ ਐਨਰਜੀ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ।