ਅਪ੍ਰੈਲ-ਜੂਨ ਤਿਮਾਹੀ ''ਚ ਰਿਲਾਇੰਸ ਇੰਡਸਟਰੀਜ਼ ਨੂੰ ਹੋਇਆ 9,485 ਕਰੋੜ ਰੁਪਏ ਦਾ ਮੁਨਾਫਾ
07/27/2018 7:33:34 PM
ਨਵੀਂ ਦਿੱਲੀ—ਰਿਲਾਇੰਸ ਇੰਡਸਟਰੀਜ਼ ਨੇ ਵਿੱਤ ਸਾਲ 2019 ਦੀ ਪਹਿਲੀ ਤਿਮਾਹੀ (ਅਪ੍ਰੈਲ-ਜੂਨ) ਦੇ ਨਤੀਜੇ ਜਾਰੀ ਕਰ ਦਿੱਤੇ ਹਨ। ਕੰਪਨੀ ਦਾ ਕੰਸੋਲਿਡੇਟੇਡ ਮੁਨਾਫਾ 4.5 ਫੀਸਦੀ ਵਧ ਕੇ 9,485 ਕਰੋੜ ਰੁਪਏ ਰਿਹਾ ਹੈ। ਉੱਥੇ ਪਿਛਲੇ ਸਾਲ ਦੀ ਅਪ੍ਰੈਲ-ਜੂਨ ਤਿਮਾਹੀ 'ਚ ਕੰਪਨੀ ਦਾ ਕੰਸੋਲਿਡੇਟੇਡ ਮੁਨਾਫਾ 9,079 ਕਰੋੜ ਰੁਪਏ ਰਿਹਾ ਸੀ। ਕੰਪਨੀ ਦੀ ਕੰਸੋਲਿਡੇਟੇਡ ਆਮਦਨ 42.2 ਫੀਸਦੀ ਵਧ ਕੇ 1.29 ਲੱਖ ਕਰੋੜ ਰੁਪਏ ਰਹੀ ਹੈ। ਵਿੱਤ ਸਾਲ 2018 ਦੀ ਪਹਿਲੀ ਤਿਮਾਹੀ 'ਚ ਰਿਲਾਇੰਸ ਇੰਡਸਟਰੀਜ਼ ਦਾ ਕੰਸੋਲਿਡੇਟੇਡ ਆਮਦਨ 90,537 ਕਰੋੜ ਰੁਪਏ ਰਹੀ ਸੀ। ਤਿਮਾਹੀ ਦਰ ਤਿਮਾਹੀ ਆਧਾਰ 'ਤੇ ਪਹਿਲੀ ਤਿਮਾਹੀ 'ਚ ਰਿਲਾਇੰਸ ਇੰਡਸਟਰੀਜ਼ ਦਾ ਕੰਸੋਲਿਡੇਟੇਡ ਏਬੀਟਡਾ 18,469 ਰੁਪਏ ਤੋਂ ਵਧ ਕੇ 20,661 ਰੁਪਏ ਰਿਹਾ ਹੈ। ਤਿਮਾਹੀ ਦਰ ਤਿਮਾਹੀ ਆਧਾਰ 'ਤੇ ਪਹਿਲੀ ਤਿਮਾਹੀ 'ਚ ਰਿਲਾਇੰਸ ਇੰਡਸਟਰੀਜ਼ ਦਾ ਕੰਸੋਲਿਡੇਟੇਡ ਏਬੀਟਡਾ ਮਾਰਜ਼ਨ 15.8 ਫੀਸਦੀ ਤੋਂ ਵਧ ਕੇ 16 ਫੀਸਦੀ ਰਿਹਾ ਹੈ।
