ਰੇਲਵੇ ਨੇ ਪਲੇਟਫਾਰਮ ਟਿਕਟ ਦੀ ਕੀਮਤ 5 ਗੁਣਾ ਵਧਾਈ, ਰੇਲ ਗੱਡੀਆਂ ਦੇ ਕਿਰਾਏ ਵਿਚ ਵੀ ਕੀਤਾ ਵਾਧਾ

ਨਵੀਂ ਦਿੱਲੀ : ਇਕ ਪਾਸੇ ਜਿੱਥੇ ਭਾਰਤੀ ਰੇਲਵੇ ਨੇ ਕਈ ਰੇਲ ਗੱਡੀਆਂ ਚਲਾ ਕੇ ਰਾਹਤ ਦਿੱਤੀ ਹੈ, ਉਥੇ ਦੂਜੇ ਪਾਸੇ ਰੇਲ ਦਾ ਕਿਰਾਇਆ ਵਧਾਉਣ ਨਾਲ ਆਰਥਿਕ ਬੋਝ ਵੀ ਵਧਾਇਆ ਹੈ। ਰੇਲ ਗੱਡੀਆਂ ਦੇ ਕਿਰਾਏ ਦੇ ਨਾਲ ਪਲੇਟਫਾਰਮ ਟਿਕਟ ਦੀਆਂ ਦਰਾਂ ਵੀ ਵਧੀਆਂ ਹਨ। ਹਾਲਾਂਕਿ ਪਲੇਟਫਾਰਮ ਟਿਕਟਾਂ ਦੀ ਵਿਕਰੀ ਨੂੰ ਤਾਲਾਬੰਦੀ ਦਰਮਿਆਨ ਬੰਦ ਕਰ ਦਿੱਤਾ ਗਿਆ ਸੀ ਪਰ ਅੱਜ ਯਾਨੀ ਸ਼ੁੱਕਰਵਾਰ ਤੋਂ ਪਲੇਟਫਾਰਮ ਟਿਕਟਾਂ ਮੁੜ ਮਿਲਣੀਆਂ ਸ਼ੁਰੂ ਹੋ ਗਈਆਂ ਹਨ। ਆਓ ਜਾਣਦੇ ਹਾਂ ਕਿ ਦਿੱਲੀ, ਮੁੰਬਈ ਸਮੇਤ ਹੋਰ ਵੱਡੇ ਸ਼ਹਿਰਾਂ ਵਿਚ ਪਲੇਟਫਾਰਮ ਟਿਕਟਾਂ ਦੀ ਕਿੰਨੀ ਦਰ ਰੱਖੀ ਗਈ ਹੈ।

ਇਹ ਵੀ ਪੜ੍ਹੋ: Parle ਖ਼ਿਲਾਫ਼ ਕੋਰਟ ’ਚ ਪਹੁੰਚਿਆ OREO, ਬਿਸਕੁਟ ਦੇ ਡਿਜ਼ਾਇਨ ਨੂੰ ਲੈ ਕੇ ਛਿੜਿਆ ਵਿਵਾਦ

ਦਿੱਲੀ ਵਿਚ ਕੀਮਤਾਂ ਤਿੰਨ ਗੁਣਾ ਵਧੀਆਂ

ਕੋਰੋਨਾ ਆਫ਼ਤ ਕਾਰਨ ਲੰਬੇ ਸਮੇਂ ਤੋਂ ਬੰਦ ਪਈ ਟਿਕਟ ਪਲੇਟਫਾਰਮ ਦੀ ਸੇਵਾ ਇੱਕ ਵਾਰ ਫਿਰ ਰਾਜਧਾਨੀ ਦਿੱਲੀ ਦੇ ਮੁੱਖ ਸਟੇਸ਼ਨ ਤੋਂ ਸ਼ੁਰੂ ਹੋ ਗਈ ਹੈ। ਇਹ ਸੇਵਾ ਅੱਧੀ ਰਾਤ ਤੋਂ ਸ਼ੁਰੂ ਕੀਤੀ ਗਈ ਹੈ। ਰੇਲਵੇ ਨੇ ਵੀ ਟਿਕਟਾਂ ਦੀਆਂ ਕੀਮਤਾਂ ਵਿਚ ਤਿੰਨ ਗੁਣਾ ਵਾਧਾ ਕੀਤਾ ਹੈ। ਦੱਸ ਦੇਈਏ ਕਿ ਪਹਿਲਾਂ ਤੁਹਾਨੂੰ ਪਲੇਟਫਾਰਮ ਟਿਕਟ ਲਈ 10 ਰੁਪਏ ਖਰਚਣੇ ਪੈਂਦੇ ਸਨ, ਜਦੋਂ ਕਿ ਹੁਣ ਤੁਹਾਨੂੰ 30 ਰੁਪਏ ਦੇਣੇ ਪੈਣਗੇ। 

ਇਹ ਵੀ ਪੜ੍ਹੋ: ਟਾਟਾ ਦੀ ਇਸ ਕਾਰ ਨੂੰ ਦਿੱਲੀ ਸਰਕਾਰ ਦਾ ਝਟਕਾ, ਬੰਦ ਹੋਵੇਗੀ ਸਬਸਿਡੀ

ਮੁੰਬਾਈ ਵਿਚ ਪੰਜ ਗੁਣਾ ਵਧੀਆ ਦਰਾਂ

ਕੇਂਦਰੀ ਰੇਲਵੇ ਨੇ ਪਲੇਟਫਾਰਮ 'ਤੇ ਭੀੜ ਨੂੰ ਰੋਕਣ ਲਈ ਮੁੰਬਈ ਮੈਟਰੋਪੋਲੀਟਨ ਖੇਤਰ ਦੇ ਕੁਝ ਸਟੇਸ਼ਨਾਂ 'ਤੇ ਪਲੇਟਫਾਰਮ ਟਿਕਟ ਦੇ ਕਿਰਾਏ 5 ਗੁਣਾ ਵਧਾਏ ਹਨ। ਰੇਲਵੇ ਅਨੁਸਾਰ ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਟਰਮਿਨਸ, ਦਾਦਰ ਅਤੇ ਲੋਕਮਾਨਿਆ ਤਿਲਕ ਟਰਮੀਨਸ ਵਿਚ ਪਲੇਟਫਾਰਮ ਟਿਕਟਾਂ ਦੀ ਕੀਮਤ 10 ਰੁਪਏ ਦੀ ਬਜਾਏ 50 ਰੁਪਏ ਕਰ ਦਿੱਤੀ ਗਈ ਹੈ।

ਇਹ ਵੀ ਪੜ੍ਹੋ: ਹੁਣ ਰੇਲ 'ਚ ਯਾਤਰਾ ਦੌਰਾਨ ਨਹੀਂ ਮਿਲੇਗਾ ਮਨਪਸੰਦ ਭੋਜਨ, ਵਿਭਾਗ ਨੇ ਇਸ ਕਾਰਨ ਖ਼ਤਮ ਕੀਤੇ ਠੇਕੇ

ਸਥਾਨਕ ਕਿਰਾਇਆ ਵੀ ਵਧਿਆ

ਪਲੇਟਫਾਰਮ ਟਿਕਟ ਦੀ ਦਰ ਵਿਚ ਵਾਧੇ ਦੇ ਨਾਲ ਰੇਲਵੇ ਨੇ ਸਥਾਨਕ ਕਿਰਾਏ ਵਿਚ ਵੀ ਵਾਧਾ ਕੀਤਾ ਹੈ। ਰੇਲਵੇ ਨੇ ਯਾਤਰੀ ਰੇਲ ਦੀ ਬਜਾਏ ਐਕਸਪ੍ਰੈਸ ਰੇਲ ਦੀ ਸੇਵਾ ਸ਼ੁਰੂ ਕੀਤੀ ਹੈ, ਜਿਸਦਾ ਕਿਰਾਇਆ ਵੀ ਵਧਿਆ ਹੈ। ਯਾਤਰੀਆਂ ਨੂੰ ਹੁਣ 10 ਰੁਪਏ ਦੀ ਥਾਂ 30 ਰੁਪਏ ਦੇ ਕੇ ਸਥਾਨਕ ਯਾਤਰਾ ਕਰਨੀ ਪਵੇਗੀ।

ਇਸ ਕਾਰਨ ਵਧਿਆ ਕਿਰਾਇਆ

ਕੋਰੋਨਾ ਆਫ਼ਤ ਕਾਰਨ ਟ੍ਰੇਨ ਦੇ ਕਿਰਾਇਆ ਨੂੰ ਵਧਾਇਆ ਗਿਆ ਸੀ। ਨਵੀਂ ਦਿੱਲੀ ਸਟੇਸ਼ਨ 'ਤੇ ਲੋਕਾਂ ਦਾ ਕਹਿਣਾ ਹੈ ਕਿ ਪਲੇਟਫਾਰਮ ਟਿਕਟ ਦੇ ਵਧੇ ਕਿਰਾਏ ਦਾ ਜੇਬ 'ਤੇ ਅਸਰ ਪੈ ਰਿਹਾ ਹੈ। ਕੁਝ ਯਾਤਰੀਆਂ ਨੇ ਇਹ ਵੀ ਕਿਹਾ ਕਿ ਸਰਕਾਰ ਦੇ ਇਸ ਫੈਸਲੇ ਨਾਲ ਮਾਲੀਆ ਵਧੇਗਾ ਅਤੇ ਰੇਲਵੇ ਵਿਚ ਹੋਰ ਸੁਧਾਰ ਹੋਏਗਾ।

ਇਹ ਵੀ ਪੜ੍ਹੋ: NRIs ਨੂੰ ਦੋਹਰੇ ਟੈਕਸਾਂ ਤੋਂ ਮਿਲੀ ਵੱਡੀ ਰਾਹਤ, ਸਰਕਾਰ ਨੇ ਲਿਆ ਅਹਿਮ ਫ਼ੈਸਲਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।