ਚਮੜੇ ਅਤੇ ਗੈਰ-ਚਮੜੇ ਦੇ ਜੁੱਤੀਆਂ ''ਤੇ ਗੁਣਵੱਤਾ ਦੇ ਮਾਪਦੰਡ ਜਲਦ ਹੋਣਗੇ ਲਾਗੂ : ਗੋਇਲ

ਨਵੀਂ ਦਿੱਲੀ (ਭਾਸ਼ਾ) - ਦੇਸ਼ ਵਿਚ ਚਮੜੇ ਅਤੇ ਗੈਰ-ਚਮੜੇ ਦੇ ਜੁੱਤੀਆਂ ਲਈ ਗੁਣਵੱਤਾ ਨਿਯਮ ਇਸ ਸਾਲ ਜੁਲਾਈ ਤੋਂ ਲਾਗੂ ਹੋ ਜਾਣਗੇ। ਸਰਕਾਰ ਘਟੀਆ ਉਤਪਾਦਾਂ ਦੇ ਆਯਾਤ ਨੂੰ ਰੋਕਣ ਅਤੇ ਘਰੇਲੂ ਉਦਯੋਗ ਨੂੰ ਉਤਸ਼ਾਹਿਤ ਕਰਨ ਲਈ ਇਹ ਕਦਮ ਚੁੱਕ ਰਹੀ ਹੈ।

ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਕਿਹਾ ਕਿ ਬਿਹਤਰ ਗੁਣਵੱਤਾ ਅਤੇ ਵੱਧ ਉਤਪਾਦਨ ਲਈ ਬੀ.ਆਈ.ਐਸ. ਦੀ ਪਾਲਣਾ ਕਰਨੀ ਹੁੰਦੀ ਹੈ। ਇਸ ਕਾਰਨ ਖਪਤਕਾਰਾਂ ਨੂੰ ਚੰਗੀ ਗੁਣਵੱਤਾ ਵਾਲੇ ਉਤਪਾਦ ਮਿਲਦੇ ਹਨ।

ਉਨ੍ਹਾਂ ਨੇ ਉਦਯੋਗ ਨੂੰ ਕਿਹਾ ਕਿ ਉਹ ਗੁਣਵੱਤਾ 'ਤੇ ਧਿਆਨ ਕੇਂਦਰਿਤ ਕਰਨ ਅਤੇ ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਵੱਧ ਹਿੱਸਾ ਲੈਣ ਲਈ ਦਰਾਮਦ 'ਤੇ ਨਿਰਭਰਤਾ ਘਟਾਉਣ।

ਮੰਤਰੀ ਨੇ ਕਿਹਾ, "ਚਮੜੇ ਅਤੇ ਗੈਰ-ਚਮੜੇ ਦੇ ਜੁੱਤੇ ਲਈ ਕੁਆਲਿਟੀ ਕੰਟਰੋਲ ਸਿਸਟਮ (QCO) 1 ਜੁਲਾਈ, 2023 ਤੋਂ ਲਾਗੂ ਹੋਵੇਗਾ।"

ਗੋਇਲ ਇੱਥੇ ਭਾਰਤ ਵਿੱਚ 'Sports Shoes' ਬਣਾਉਣ ਵਿੱਚ ਲੱਗੇ ਕਰੀਬ 100 ਉਦਯੋਗਪਤੀਆਂ ਦੇ ਇਕੱਠ ਨੂੰ ਸੰਬੋਧਨ ਕਰ ਰਹੇ ਸਨ।

ਉਨ੍ਹਾਂ ਕਿਹਾ ਕਿ ਜੇਕਰ ਉਦਯੋਗ ਦੇ ਹਿੱਸੇਦਾਰ ਦਰਾਮਦ ਦੌਰਾਨ ਕੀਮਤ ਘਟਾਉਣ ਵਰਗੇ ਤੱਥ ਅਤੇ ਅੰਕੜੇ ਪ੍ਰਦਾਨ ਕਰਦੇ ਹਨ ਤਾਂ ਸਰਕਾਰ ਕਾਰਵਾਈ ਕਰੇਗੀ।

ਗੋਇਲ ਨੇ ਇਹ ਵੀ ਕਿਹਾ ਕਿ ਇਸ ਖੇਤਰ ਵਿੱਚ ਉੱਚ ਗੁਣਵੱਤਾ ਉਤਪਾਦਨ ਅਤੇ ਵੱਧ ਸਮਰੱਥਾ ਸਮੇਂ ਦੀ ਲੋੜ ਹੈ।

ਘਟੀਆ ਕੁਆਲਿਟੀ ਅਤੇ ਘੱਟ ਕੀਮਤ ਵਾਲੇ ਕੱਚੇ ਮਾਲ ਦੀ ਦਰਾਮਦ 'ਤੇ ਚਿੰਤਾ ਜ਼ਾਹਰ ਕਰਦਿਆਂ ਮੰਤਰੀ ਨੇ ਕਿਹਾ ਕਿ ਇਸ ਨਾਲ ਨਜਿੱਠਣ ਦੀ ਲੋੜ ਹੈ।

ਇਹ ਵੀ ਪੜ੍ਹੋ :  ਭਾਰਤੀ ਜੀਵਨ ਬੀਮਾ ਨਿਗਮ ਨੇ LIC ਦੀ ਨਵੀਂ ਯੋਜਨਾ ਜੀਵਨ ਆਜ਼ਾਦ ਕੀਤੀ ਪੇਸ਼

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।