ਕੋਰੋਨਾਵਾਇਰਸ ਦੀ ਦਵਾਈ ਵਿਕਸਿਤ ਕਰਨ ਲਈ Paytm ਦਾ ਵੱਡਾ ਐਲਾਨ

ਨਵੀਂ ਦਿੱਲੀ-ਡਿਜੀਟਲ ਭੁਗਤਾਨ ਨਾਲ ਜੁਡ਼ੀ ਕੰਪਨੀ ਪੇਅ. ਟੀ. ਐੱਮ. ਨੇ ਕੋਰੋਨਾ ਵਾਇਰਸ ਦੀ ਦਵਾਈ ਵਿਕਸਿਤ ਕਰਨ ਲਈ ਭਾਰਤੀ ਖੋਜਕਾਰਾਂ ਨੂੰ 5 ਕਰੋਡ਼ ਰੁਪਏ ਦੇਣ ਦੀ ਗੱਲ ਕਹੀ ਹੈ। ਪੇਅ. ਟੀ. ਐੱਮ. ਦੇ ਸੰਸਥਾਪਕ ਅਤੇ ਸੀ. ਈ. ਓ.ਵਿਜੇ ਸ਼ੇਖਰ ਸ਼ਰਮਾ ਨੇ ਟਵੀਟ ਕੀਤਾ, ‘‘ਸਾਨੂੰ ਜ਼ਿਆਦਾ ਗਿਣਤੀ ’ਚ ਭਾਰਤੀ ਇਨੋਵੇਟਰਾਂ, ਖੋਜਕਾਰਾਂ ਦੀ ਜ਼ਰੂਰਤ ਹੈ ਜੋ ਵੈਂਟੀਲੇਟਰ ਦੀ ਘਾਟ ਅਤੇ ਕੋਵਿਡ ਦੇ ਇਲਾਜ ਲਈ ਦੇਸੀ ਹੱਲ ਲੱਭ ਸਕਣ। ਪੇਅ. ਟੀ. ਐੱਮ. ਸਬੰਧਤ ਮੈਡੀਕਲ ਸਲਿਊਸ਼ਨ ’ਤੇ ਕੰਮ ਕਰਨ ਵਾਲੇ ਅਜਿਹੇ ਦਲਾਂ ਨੂੰ 5 ਕਰੋਡ਼ ਰੁਪਏ ਦੇਵੇਗਾ।’’

We need more Indian innovators to start building such indigenous solutions for potential ventilators shortage and other COVID cures. @Paytm commits ₹5 crore for such teams working on COVID related medical solutions. pic.twitter.com/YZ1a6RzaKp

— Stay Home, Stay Safe (@vijayshekhar) March 22, 2020

ਉਨ੍ਹਾਂ ਆਈ. ਆਈ. ਐੱਸ. ਸੀ. ਦੇ ਪ੍ਰੋਫੈਸਰ ਗੌਰਵ ਬੈਨਰਜੀ ਦੇ ਇਕ ਸੰਦੇਸ਼ ’ਤੇ ਪ੍ਰਤੀਕਿਰਿਆ ਪ੍ਰਗਟ ਕਰਦੇ ਹੋਏ ਇਹ ਗੱਲ ਕਹੀ। ਬੈਨਰਜੀ ਨੇ ਆਪਣੇ ਸੰਦੇਸ਼ ’ਚ ਕਿਸੇ ਐਮਰਜੈਂਸੀ ਸਥਿਤੀ ’ਚ ਦੇਸੀ ਤਕਨੀਕ ਦਾ ਇਸਤੇਮਾਲ ਕਰ ਕੇ ਵੈਂਟੀਲੇਟਰ ਬਣਾਉਣ ਦੀ ਗੱਲ ਕਹੀ ਸੀ।